ການໂອ້ລົມສົນທະນາລະຫວ່າງຄະນະຫວຽດນາມ ແລະ ລາວ
( ພາບ: vietnamplus.vn )
( vovworld ) - ວັນທີ 5/6, ຄະນະພະນັກງານກອງທັບ, ກົມໃຫຍ່ການເມືອງກອງທັບປະຊາຊົນຫວຽດນາມ ໂດຍທ່ານພົນຈັດຕະວາ Nguyen Xuan Nghi, ຫົວໜ້າຫ້ອງການກົມໃຫຍ່ ນຳໜ້າໄດ້ໄປຢ້ຽມຢາມ ແລະ ເຮັດວຽກຢູ່ລາວ ແຕ່ວັນທີ 5 – 8/6. ທີ່ການໂອ້ລົມສົນທະນາລະຫວ່າງຄະນະພະນັກງານຫ້ອງການກົມໃຫຍ່ການເມືອງກອງທັບປະຊາຊົນຫວຽດນາມ ແລະ ຄະນະພະນັກງານຫ້ອງການກົມໃຫຍ່ການເມືອງ, ກອງທັບປະຊາຊົນລາວ ໂດຍທ່ານພັນເອກ ສຸລິພອນ ຄຳພະຈັນ ນຳໜ້າ, ສອງຝ່າຍໄດ້ໃຫ້ຄຳໝັ້ນສັນຍາເພີ່ມທະວີການສົມທົບກັນລະຫວ່າງບັນດາອົງການທີ່ທີ່ກ່ຽວຂ້ອງຂອງປະເທດກວ່າອີກ, ເປັນເສນາທິການນຳສະເໜີ ແລະ ຕິດຕາມວຽກງານຊອກຫາອັດຖິທະຫານອາສາສະໝັກ ແລະ ຜູ້ຊ່ຽວຊານຫວຽດນາມ ທີ່ເສຍສະຫຼະຊີວິດຢູ່ລາວ. ສອງຝ່າຍກໍເຫັນດີເປັນເອກະສັນນຳກັນສືບຕໍ່ໂຄສະນາ, ສຶກສາກ່ຽວກັບສາຍພົວພັນທີ່ເປັນມູນເຊື້ອມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຢ່າງຮອບດ້ານລະຫວ່າງພັກ, ລັດ, ກອງທັບສອງປະເທດໃຫ້ແກ່ລຸ້ນໜຸ່ມ. ວັນທີ 6/6, ຄະນະພະນັກງານທະຫານ, ກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ໄປຢ້ຽນຢາມແຂວງ ຈຳປະສັກ ເພື່ອປຶກສາຫາລືກ່ຽວກັບບາງວຽກງານທີ່ກ່ຽວຂ້ອງເຖິງການເຄື່ອນໄຫວຮ່ວມມືຊອກຫາອັດຖິທະຫານອາສາສະໝັກ ແລະ ຜູ້ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ.
