ປະທ່ານສະພາແຫ່ງຊາດ ຫງວຽນຊິງຮູ່ງ ຕ້ອນຮັບທ່ານປະທານສະພາແຫ່ງຊາດ Mogenes Lykkatoft
(ພາບ: tapchicongsan.org.vn)
ໃນຂອບເຂດການຢ້ຽມຢາມຫວຽດນາມ ຢ່າງເປັນທາງການ, ວັນທີ 6/3, ຢູ່ຮ່າໂນ້ຍ, ຄະນະຜູ້ແທນຂັ້ນສູງສະພາແຫ່ງຊາດແດນມາກ ໂດຍທ່ານປະທານສະພາແຫ່ງຊາດ Mogenes Lykkatoft ນຳໜ້າ ໄດ້ເຮັດວຽກກັບຄະນະຜູ້ແທນບັນດາກຳມາທິການຂອງສະພາແຫ່ງຊາດຫວຽດນາມ ໂດຍທ່ານ ເຈີ່ນວັນຮັ່ງ ປະທານກຳມາທິການການກັບຕ່າງປະເທດ ນຳໜ້າ. ທ່ານປະທານກຳມາທິການພົວພັນກັບຕ່າງປະເທດເຈີ່ນວັນຮັ່ງ ເຊື່ອໝັ້ນວ່າ ການຢ້ຽມຢາມຂອງຄະນະຈະປະກອບສ່ວນຊຸກຍູ້ ແລະ ເຮັດໃຫ້ສາຍພົວພັນມິດຕະພາບ, ການຮ່ວມມືລະຫວ່າງຫວຽດນາມ-ແດນມາກເລິກເຊີ່ງຂຶ້ນຕື່ມ. ການເພີ່ມທະວີການພົວພັນຮ່ວມມືລະຫວ່າງສະພາແຫ່ງຊາດຫວຽດນາມ ແລະ ສະພາແຫ່ງຊາດແດນມາກ ຈະເປີດແງ່ຫວັງໃໝ່ໃນການພົວພັນສອງຝ່າຍ ກໍຄືໃນການພົວພັນລະຫວ່າງພາກພື້ນ ແລະ ສາກົນ. ສອງຝ່າຍໄດ້ເຫັນດີເປັນເອກະສັນຈະແບ່ງປັນບົດຮຽນຊື່ງກັນ ແລະ ກັນ ແລະ ພ້ອມກັນສ້າງບັນດາມາດຕະການພື້ນຖານ ເພື່ອແນໃສ່ຊຸກຍູ້ການພົວພັນລະຫວ່າງຫວຽດນາມ-ອີຢູ. ໃນວັນດຽວກັນ, ທ່ານປະທານສະພາແຫ່ງຊາດແດນມາກ Mogenes Lykkatoft ໄດ້ເຂົ້າຢ້ຽມຂ່ຳນັບສຸສານປະທານໂຮ່ຈິມິນ, ໄປຢ້ຽມຢາມບ່ອນຢູ່ ແລະ ບ່ອນເຮັດວຽກຂອງເພີ່ນ.
