( vovworld ) – ວັນທີ່ 26 ເມສາ, ກະຊວງວັດທະນະທຳ, ກິລາ ແລະ ການທ່ອງທ່ຽວ ໄດ້ຈັດການປະຊຸມຂ່າວກ່ຽວກັບການຈັດຕ້ັງງານແຂ່ງຂັນໂຄສະນາເຄື່ອນທີ່ “ຊາຍແດນ ແລະ ທະເລໝູ່ເກາະຫວຽດນາມ” ເຊິ່ງຈະໄດ້ຮັບການຈັດຕ້ັງໃນປີ 2012 ຢູ່ທັງ 3 ພາກ: ເໜືອ, ກາງ ແລະ ໃຕ້. ເຂດພາກເໜືອແມ່ນຈະຈັດຕ້ັງຢູ່ແຂວງກວາງນິ່ງ (ແຕ່ວັນທີ 6-8 ພຶດສະພາ); ພາກກາງແມ່ນຈັດຂື້ນຢູ່ ແຂວງ ແຄງຮ່ວາ ແຕ່ວັນທີ 19-21 ພຶດສະພາ); ແລະ ພາກໃຕ້ແມ່ນຈັດຢູ່ແຂວງ ວິງລອງ ( ແຕ່ວັນທີ 8-10 ມິຖຸນາ). ຮູບແບບຂອງງານແຂ່ງຂັນ ແມ່ນບັນດາລາຍການສິລະປະດົນຕີ, ສຽງເພງພື້ນເມືອງ, ເຕັ້ນລຳ, ແລະ ບັນດາບົດລະຄອນສັ້ນ. ທ່ານ ເຈີນມິ່ງຈິງ, ຮອງຫົວໜ້າກົມວັດທະນາທຳທ້ອງຖິ່ນ, ກະຊວງວັດທະນະທຳ, ກິລາ ແລະ ການທ່ອງທ່ຽວ ໃຫ້ຮູ່ວ່າ:“ງານແຂ່ງຂັນນຄັ້ງນີ້ແມ່ນເພື່ອເປັນການຢ້ັງຢືນອະທິປະໄຕເຂດຊາຍແດນ, ທະເລ ແລະ ໝູ່ເກາະ ຂອງຫວຽດນາມ, ເຊີດຊູ ແລະ ຍ້ອງຍໍສັນລະເສີນແບບຢ່າງດີເດັ່ນໃນການອອກແຮງງານ, ນ້ຳໃຈຮັກແພງຂອງປະຊາຊົນໃນເຂດຊາຍແດນ ແລະ ໝູ່ເກາະທີ່ມີຕໍ່ນັກຮົບກອງທັບປະຊາຊົນ ຫວຽດນາມ. ບັນດາລາຍການໂຄສະນາເຄື່ອນທີ່ໄດ້ແນະນຳບັນດາຈຸດທີ່ເປັນເອກະລັກສະເພາະ ເຊິ່ງເຕັມໄປດ້ວຍສີສັນວັດທະນະທຳບັນດາເຜົ່າໃນເຂດຊາຍແດນ ແລະ ໝູ່ເກາະ, ສະແດງໃຫ້ເຫັນຄວາມສາມັກຄີລະຫວ່າງປະຊາຊົນບັດາເຜົ່າ“.
ພາຍຫຼັງງານແຂ່ງຂັນ, ຄະນະຈັດຕ້ັງຈະຄັດເລືອກເອົາບັນດາລາຍການທີ່ມ່ວນ, ພ້ົນເດັ່ນເພື່ອເຂົ້າຮ່ວມການໄປສະແດງເຄື່ອນທີ່ຮັບໃຊ້ໃຫ້ແກ່ວົງຄະນະຍາດຢູ່ທ່ອງຖິ່ນຕ່າງໆໃນທົ່ວປະເທດ
