ເວທີປາໄສເຄື່ອງໝາຍການຄ້າທະເລຫວຽດນາມ ຄັ້ງທີ 4
ແຂວງ Ba ria Vung tau
(ພາບ:khudothimoi.com)
( vovworld ) – ວັນທີ 5/6 ຢູ່ນະຄອນ Vung tau ແຂວງ Ba ria Vung tau, ກະຊວງຊັບພະຍານກອນ ແລະ ສິ່ງແວດລ້ອມ ແລະ ຄະນະກຳມະການປະຊາຊົນແຂວງ Ba ria Vung tau ໄດ້ຈັດຕັ້ງເວທີປາໄສເຄື່ອງໝາຍການຄ້າທະເລຫວຽດນາມ ຄັ້ງທີ 4 ດ້ວຍຫົວຂໍ້ວ່າ: “ຄວາມສາມາດບົ່ມຊ້ອນດ້ານເສດຖະກິດ ແລະ ສິ່ງແວດລ້ອມຊີວະພາບໃນບັນດາເຂດເກາະ, ໝູ່ເກາະຫວຽດນາມ“. ດ້ວຍບັນດາແງ່ມູມມອງເຫັນກ່ຽວກັບຄວາມສາມາດບົ່ມຊ້ອນດ້ານເສດຖະກິດ ແລະ ສິ່ງແວດລ້ອມຊີວະພາບໃນບັນດາເຂດທະເລ, ໝູ່ເກາະຫວຽດນາມ ນັ້ນ, ເວທີປາໄສໄດ້ແບ່ງປັນຂໍ້ມູນຂ່າວສານ, ບົດຮຽນລະຫວ່າງບັນດານັກຄຸ້ມຄອງ, ນັກວິທະຍາສາດ, ການນຳທ້ອງຖິ່ນຕ່າງໆ, ບັນດາອົງການຈັດຕັ້ງຢູ່ພາຍໃນ ແລະ ຕ່າງປະເທດ, ບັນດາວິສາຫະກິດໃນການສົມທົບກັນ ຂຸດຄົ້ນຄວາມສາມາດບົ່ມຊ້ອນດ້ານເສດຖະກິດເຂດໝູ່ເກາະ ກັບການປົກປັກຮັກສາສິ່ງແວດລ້ອມຊີວະພາບບັນດາເຂດທະເລ, ໝູ່ເກາະຫວຽດນາມ ຕາມທິດທີ່ໝັ້ນຄົງ, ບົນພື້ນຖານນັ້ນຈະສ້າງເຄື່ອງໝາຍການຄ້າທະເລໃຫ້ແກ່ທ້ອງຖິ່ນຕ່າງໆ, ບັນດາອົງການຈັດຕັ້ງ ແລະ ວິສາຫະກິດ.
