(vovworld) - ຕອນເຊົ້າວັນທີ 30/5 ຢູ່ ນະຄອນ ໂຮ່ຈີມີນ, ກະຊວງການຕ່າງປະເທດ ຫວຽດນາມ ເປັນເຈົ້າພາບຈັດຕັ້ງການໂອ້ລົມສົນທະນາ ພາຍໃຕ້ຫົວຂໍ້ວ່າ: “ການເຊື່ອມໂຍງເຂົ້າກັບສາກົນໃນໄລຍະຜ່ານມາ ແລະ ການກຳນົດທິດຮອດປີ 2020”. ເຂົ້າຮ່ວມການໂອ້ລົມສົນທະນາ ມີການນຳ 21 ແຂວງ, ນະຄອນ ທາງພາກໃຕ້. ການໂອ້ລົມສົນທະນາຖືກຈັດຂຶ້ນເພື່ອເກັບກຳຄວາມເຫັນຂອງບັນດາແຂວງທາງພາກໃຕ້ເພື່ອປະກອບໃສ່ຮ່າງມະຕິຂອງກົມການເມືອງຄະນະບໍລິຫານງານສູນກາງພັກກອມມູນິດ ຫວຽດນາມ ກ່ຽວກັບການເຊື່ອມໂຍງເຂົ້າກັບສາກົນ ຕາມການຊີ້ນຳຂອງນາຍົກລັດຖະມົນຕີ.
ບັນດາຄຳເຫັນນະທີ່ນີ້ ລ້ວນແຕ່ຖືວ່າ: ໃນສະພາບການປະຈຸບັນ, ຢາກຍູ້ແຮງການພັດທະນາເສດຖະກິດ ຕ້ອງເຊື່ອມໂຍງເຂົ້າກັບສາກົນ, ໃນນັ້ນ ບົດບາດຂອງບັນດາທ້ອງຖິ່ນແມ່ນສຳຄັນທີ່ສຸດໃນການເປັນເຈົ້າການ, ຕັ້ງຫນ້າ ເຂົ້າຮ່ວມຍົກສູງການພົວພັນຮ່ວມມືກັບຄູ່ຮ່ວມມື, ປະຕິບັດບັນດາສັນຍາສອງຝ່າຍ. ທ່ານ Do Van Long ຮອງຫົວຫນ້າພະແນກອຸດສາຫະກຳ ການຄ້າ, ສະມາຊິກຄະນະຊີ້ນຳການເຊື່ອມໂຍງເຂົ້າກັບສາກົນ ຂອງແຂວງ Ba Ria Vung Tau ເວົ້າວ່າ:
“ຄວາມຈິງແລ້ວ ຄວາມຮັບຮູ້ກ່ຽວກັບການປະຕິບັດຫນ້າທີ່ຂອງຄະນະຊີ້ນຳການເຊື່ອມໂຍງເຂົ້າກັບສາກົນຢູ່ ທ້ອງຖິ່ນ ແມ່ນບໍ່ສະໝຳ່ສະເໝີ ແລະ ເກືອບຄືວ່າວຽກງານການເຊື່ອມໂຍງປະຕິບັດຕາມລະບົບການທູດ. ສ່ວນຢູ່ບັນດາຂະແຫນງອື່ນ ການເຊື່ອມໂຍງເຂົ້າກັບສາກົນບໍ່ທັນຈະແຈ້ງ.”
