(vovworld) – ວັນທີ 10/6, ຢູ່ພູຈູງ, ຕາແສງ ກິມລຽນ, ແຂວງ ເງ້ອານ ໄດ້ດຳເນີນ ພິທີເລີ່ມດຳເນີນກໍ່ສ້າງຫໍບູຊາມານດາ, ບິດາ ແລະ ອ້າຍເອື້ອຍນ້ອງຄີງຂອງປະທານ ໂຮ່ຈີມິນ. ກ່າວຄຳເຫັນ ທີ່ພິທີເລີ່ມລົງມືກໍ່ສ້າງ, ທ່ານປະທານສະພາແຫ່ງຊາດຫວຽດນາມ Nguyen Sinh Hung ຖືວ່າ: ດັ່ງກ່າວໄດ້ຮັບການ ກໍ່ສ້າງດ້ວຍຈຸດ ປະສົງຕອບບຸນແທນຄຸນບັນດາບຸກຄົນໃນຄອບຄົວຂອງເພີ່ນ, ທີ່ມີຄຸນງາມຄວາມດີໃນການ ປະກອບສ່ວນ ແລະ ເສຍສະຫຼະຊີວິດເພື່ອປະເທດຊາດ, ເພື່ອບ້ານເກີດເມືອງນອນ, ມີຄຸນງາມຄວາມດີໃຫ້ກຳເນີດ ປະທານ ໂຮ່ຈີມິນ - ນັກວິລະຊົນປົດປ່ອຍຊາດ, ນັກວັດທະນະທຳທີ່ມີຊື່ສຽງຂອງຫວຽດນາມ. ນີ້ແມ່ນການກະທຳ ທີ່ສອດຄ່ອງກັບສິນລະທຳທີ່ວ່າ: “ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ” ຂອງປະຊາຊົນຫວຽດນາມ, ມີຄວາມໝາຍສຳຄັນ, ຈຳເປັນບໍ່ພຽງແຕ່ສຳລັບຄອບຄົວ, ວົງຕະກຸນຂອງປະທານ ໂຮ່ຈີມິນ, ຂອງປະຊາຊົນແຂວງ ເງ້ອານ ເທົ່ານັ້ນ, ຫາກຍັງສຳລັບປະຊາຊົນຫວຽດນາມ ອີກດ້ວຍ. ໂດຍສະເພາະແມ່ນໃນສະພາບການທີ່ທົ່ວພັກ, ທ່ົວປວງຊົນ ຫວຽດນາມພວມຕັ້ງໜ້າຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດຂອງປະທານ ໂຮ່ຈີມິນ.
