 ທ່ານຫງວຽນໂດແອັງຕວັນ, ຫົວໜ້າກົມຮ່ວມມືສາກົນ (ກະຊວງກະສິກຳ ແລະ ການພັດທະນາຊົນນະບົດ) ກ່າວຄຳເຫັນໄຂກອງປະຊຸມສຳມະນາ (ພາບ: TTXVN) |
ກອງປະຊຸມສຳມະນາໄດ້ດຳເນີນໃນລະຫວ່າງວັນທີ 11 – 14 ກັນຍາ ໂດຍສູນສົ່ງເສີມກະສິກຳແຫ່ງຊາດ (ກະຊວງກະສິກຳ ແລະ ພັດທະນາຊົນນະບົດ) ຈັດຕັ້ງຂຶ້ນ, ໂດຍມີການເຂົ້າຮ່ວມຂອງ ຜູ້ແທນ 60 ທ່ານທີ່ມາຈາກ 5 ປະເທດແມ່ນ: ລາວ, ກຳປູເຈຍ, ມຽນມາ, ໄທ ແລະ ຫວຽດນາມ. ເປົ້າໝາຍຂອງກອງປະຊຸມສຳມະນາຄັ້ງນີ້ແມ່ນແບ່ງປັນຂໍ້ມູນຂ່າວສານ, ຄວາມຮູ້, ບົດຮຽນ, ປະສົບການ ໃນການບໍລິການໃຫ້ຄຳປຶກສາດ້ານກະສິກຳ ແລະ ສົ່ງເສີມກະສິກຳລະຫວ່າງບັນດາປະເທດຢູ່ອະນຸພາກພື້ນແມ່ນ້ຳຂອງ, ບັນດາການຄົ້ນຄ້ວາໃນຂົງເຂດກະສິກຳ ແລະ ການພັດທະນາຊົນນະບົດ. ຜູ້ຕາງໜ້າຂອງບັນດາປະເທດໄດ້ສະເໜີບົດລາຍງານຫຼາຍບົດກ່ຽວກັບສະພາບການຕົວຈິງຂອງບັນດານະໂບບາຍ ແລະ ຄວາມມາຍະພະຍາຍາມແຫ່ງຊາດສຳລັບກະສິກຳອັດສະລິຍະເຊິ່ງສາມາດປັບຕົວເຂົ້າກັບການປ່ຽນແປງຂອງດິນຟ້າອາກາດ, ກະສິກຳຂຽວ ແລະ ການພັດທະນາບັນດາອົງການຊາວກະສິກອນ.
