 ທ່ານຮອງນາຍົກລັດຖະມົນຕີ Nguyen Xuan Phuc ກ່າວຄຳເຫັນທີ່ກອງປະຊຸມ
(ພາບ: baodientuchinhphu) |
Vovworld- ຕອນເຊົ້າວັນທີ 16/5, ຢູ່ຮ່າໂນ້ຍ, ທ່ານ Nguyen Xuan Phuc ຮອງນາຍົກລັດຖະມົນຕີ ຫວຽດນາມ, ຫົວໜ້າຄະນະຊີ້ນຳສູນກາງກ່ຽວກັບການສ້າງແຜນຮ່າງທົດລອງຮູບແບບການຈັດຕັ້ງອຳນາດການ ປົກຄອງ ຕົວເມືອງ ໄດ້ເປັນ ປະທານກອງປະຊຸມຄັ້ງທີ 1 ຂອງຄະນະຊີ້ນຳ. ກ່າວຄຳເຫັນທີ່ກອງປະຊຸມ, ທ່ານ ຮອງນາຍົກລັດຖະມົນຕີ Nguyen Xuan Phuc ໄດ້ຊີ້ແຈ້ງວ່າ ການສ້າງແຜນຮ່າງທົດລອງຮູບແບບການຈັດຕັ້ງອຳນາດ ການປົກຄອງຕົວເມືອງແມ່ນ ບາດກ້າວແຫ່ງ ການປະຕິບັດເອກະສານກອງປະຊຸມໃຫຍ່ຄັ້ງທີ 11 ຂອງພັກ ກ່ຽວກັບອຳນາດ ການປົກຄອງທ້ອງຖິ່ນ, ພ້ອມທັລເປັນການປະຕິບັດການຊີ້ນຳຂອງຄະນະເລຂາ ສູນກາງພັກ ກ່ຽວກັບການສ້າງ ແລະ ຍື່ນສະເໜີແຜນຮ່າງທົດລອງໃນປີນີ້. ທ່ານ ຮອງນາຍົກລັດຖະມົນຕີ Nguyen Xuan Phuc ເນັ້ນໜັກວ່າ ໃນສະພາວະທີ່ ລັດຖະທຳມະນູນປີ 1992 ພວມໄດ້ຮັບການຄົ້ນຄ້ວາປັບປຸງນັ້ນ, ການສ້າງ ແລະ ປະຕິບັດແຜນຮ່າງທົດລອງຮູບແບບການຈັດຕັ້ງອຳນາດການປົກຄອງຕົວເມືອງ ຍັງແມ່ນພື້ນຖານແກ່ການນຳສະເໜີປັບປຸງເພີ່ມເຕີມບັນດາຂໍ້ກຳນົດໃນລັດຖະທຳມະນູນກ່ຽວກັບອຳນາດການປົກຄອງທ້ອງຖິ່ນ.
ທີ່ກອງປະຊຸມ, ບັນດາສະມາຊິກໃນຄະນະຊີ້ນຳໄດ້ປຶກສາຫາລື ແລະ ນຳສະເໜີບັນດາຄຳຄິດຄຳເຫັນທີ່ສຳຄັນເຂົ້າໃນແຜນຮ່າງທົດລອງ. ຕາມນັ້ນແລ້ວ, ມີ 2 ວິທີການຈັດຕັ້ງອຳນາດການປົກຄອງຕົວເມືອງ. ທີ່ 1 ແມ່ນສ້າງຮູບແບບ ການຈັດຕັ້ງອຳນາດການປົກຄອງຕົວເມືອງຕາມ ການປົກຄອງ 3 ຂັ້ນຄືໃນປະຈຸບັນ. ທີ່ 2 ແມ່ນປະຕິຮູບອຳນາດການປົກຄອງທ້ອງຖິ່ນຢ່າງແຂງແຮງ, ສ້າງຮູບແບບອຳນາດການປົກຄອງຕົວເມືອງຕາມຮູບແບບໃໝ່ແມ່ນອຳນາດການປົກຄອງໂດຍມີຂັ້ນ 1 ເປັນຕົວແທນ ແລະ ການປົກຄອງ 2 ຂັ້ນ.
