(VOV5) - ເຊີນຈ່າໄດ້ຮັບຖືວ່າແມ່ນເກາະແຫ່ງແກ້ວມະນີ, ແມ່ນສະຖານທີ່ທ່ອງທ່ຽວທຳມະຊາດ-ຈິດວິນຍານທີ່ລືຊື່ຂອງນະຄອນດານັ້ງ.
ແຫຼມເຊີນຈ່ານອນຢູ່ຫ່າງຈາກໃຈກາງນະຄອນດານັ້ງ 10 ກມໄປທາງທິດຕາເວັນອອກສ່ຽງເໜືອ. ພ້ອມກັບກີ່ວຫາຍເວີນ, ແຫຼມເຊີນຈ່າໂອບອ້ອມນະຄອນດານັ້ງ ແລະ ອ່າວດານັ້ງ ອັນໄດ້ສ້າງເປັນທັດສະນີຍະພາບພູຜາທະເລທີ່ເປັນໜ້າຈັບໃຈ.
ຂໍເຊີນບັນດາທ່ານໄປຢ້ຽມຊົມແຫຼມເຊີນຈ່າຜ່ານລາຍການສາລະຄະດີຂອງນັກຂ່າວລານແອງ.
ໃນຕອນກາງເວນ, ຝູງເຮືອຫາປາຂອງຊາວປະມົງເມືອງເຊີນຈາພາກັນເຂົ້າທຽບທ່າທອດສະໝໍເພື່ອພັກຜ່ອນພາຍຫຼັງເດີນທະເລຫາປາໃນຕະຫຼອດຄືນ.
|
 ແຫຼມເຊີນຈ່າມີລະບົບສັດພຶກສາຊາດທີ່ອຸດົມສົມບູນຫຼາຍຮູບຫຼາຍແບບ, ໃນນັ້ນມີ 22 ປະເພດທີ່ມີຄ່າຫາຍາກ ຖືກບັນທຶກໃນປຶ້ມແດງຫວຽດນາມ. ພົ້ນເດັ່ນຂຶ້ນແມ່ນສັດປ່າປະເພດຄ່າງຫ້າສີ. ປີ 2016, ຄ່າງຫ້າສີຖືກວົງຄະນະຍາດນຳສະເໜີເປັນສັນຍາລັກຊີວະນາໆພັນຂອງດານັ້ງ. ຮູບພາບຄ່າງຫ້າສີຖືກນຳໄປປະດັບປະດາຢູ່ຕາມຟາກທາງຂຶ້ນເກາະ, ປຽບເໝືອນສານທີ່ປະທັບໃຈກ່ຽວກັບແຫຼມເຊີນຈ່າ.
|
 ວັດລິງອຶ້ງຖືກຕັ້ງບົນໂນນໜ່ວຍໜຶ່ງໃນແຫຼມເຊີນຈ່າ, ວັດນີ້ມີຮູບເຕົ່າ, ໜ້າວັດມຸ່ງໄປສູ່ທະເລ, ອີງຫຼັງໃສ່ປ່າດົງດິບ. ວັດລິງອຶ້ງແມ່ນສະຖານທີ່ທ່ອງທ່ຽວຈິນວິນຍານສຳລັບແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ.
|
 ຈາກວັດລິງອຶ້ງ ມຸ່ງສາຍຕາໄປສູ່ທະເລທີ່ກ້ວາງໃຫຍ່ໄພສານ, ອຽງທາງທິດໃຕ້ແມ່ນນະຄອນດານັ້ງ.
|
 ເດີນໜ້າວັດລິງອຶ້ງ ຖືກປູກດ້ວຍຕົ້ນໄມ້ປະດັບໃຫຍ່ຫຼາຍຕົ້ນທີ່ຮູບຮ່າງແຕກຕ່າງກັນ, ອັນໄດ້ພາໃຫ້ແຂກທ່ອງທ່ຽວຫຼົງໄຫຼໃນສວນສາທາລະນະຂອງເຈົ້າຊີວິດ ແລະ ພວກເສນາອາມາດເມື່ອກ່ອນນີ້.
|
 ຢູ່ຕາມສອງເບືຶ້ອງຂອງຫໍບູຊາໃຫຍ່ໃນວັດລິງອຶ້ງແມ່ນບັນດາຮູບປັ້ນພະອໍລະຫັນ.
|
 ຮູບປັ້ນເຈົ້າແມ່ກວນອີມໃນ ວັດລິງອຶ້ງມີລວງສູງ 67m ຊຶ່ງແມ່ນຮູບປັ້ນສູງສຸດຢູ່ຫວຽດຍາມ. ລວງສູງຂອງຮູບປັ້ນເຈົ້າແມ່ກວນອີມທໍ່ກັບຕຶກອາຄານສູງ 30 ຊັ້ນ. ຮູບປັ້ນເຈົ້າແມ່ກວນອີມອີງຫຼັງໃສ່ພູ, ມຸ່ງໜ້າສູ່ທະເລ.
|
