ໂຮນລັງ ກຳນົດວັນເລືອກຕັ້ງທົ່ວປະເທດ ກ່ອນກຳນົດເວລາ
(vovworld) - ວັນທີ 28/4, ນາຍົກລັດຖະມົນຕີຈະໝົດອາຍຸການໂຮນລັງ ທ່ານ Mark Rutte ໄດ້ປະກາດວ່າ: ປະເທດນີ້ຈະດຳເນີນການເລືອກຕັ້ງທົ່ວປະເທດກ່ອນກຳນົດເວລາໃນວັນທີ 12/9/2012 ເພື່ອເປີດຊ່ອງທາງໃຫ້ແກ່ການສ້າງຕັ້ງລັດຖະບານໃໝ່ ແທນໃຫ້ລັດຖະບານປະຈຸບັນໄດ້ຂໍຍຸດເລີກແລ້ວ. ວັນທີ 23/4 ຜ່ານມາ, ທ່ານ Mark Rutte ໄດ້ຍືນສະເໜີໃບລາອອກຈາກຕຳແໜ່ງ ຕໍ່ພະລາຊີນີ Beatrix ພາຍຫຼັງລັດຖະບານໂດຍທ່ານນຳໜ້າ ແລະ ພັນທະມິດໃນສະພາແຫ່ງຊາດແມ່ນພັກເສລີ (ຫຼື PVV) ບໍ່ບັນລຸຄວາມເປັນເອກະສັນກັນກ່ຽວກັບແຜນການຮັດເຂັມຄັດ ເພື່ອແນໃສ່ນຳປະເທດນີ້ຫຼຸດພົ້ນອອກຈາກວິກິດການ. ວັນທີ 24/4, ພະລາຊີນີ Beatrix ຮຽກຮ້ອງໃຫ້ທ່ານ Mark Rutte ຍຸດເລີກ ສະພາແຫ່ງຊາດ ແຕ່ວ່າຮຽກຮ້ອງໃຫ້ຄະນະລັດຖະບານສືບຕໍ່ປະຕິບັດທຸກໆສິ່ງທີ່ຈຳເປັນນຳມາເຊິ່ງຜົນປະໂຫຍດໃຫ້ປະເທດຊາດຮອດຈຸດເວລາທີ່ລັດຖະບານໃໝ່ໄດ້ຮັບການສ້າງຂຶ້ນ.
