(vovworld) - ຕອນຄ່ຳວັນທີ 7/4, ຢູ່ນະຄອນເຫ້ວ ແຂວງເທື່ອທຽນເຫ້ວ, ໄດ້ຈັດພິທີໄຂປີທ່ອງທ່ຽວແຫ່ງຊາດເຂດແຄມທະເລຕອນເໜືອພາກກາງ ແລະ Festival ເຫ້ວປີ 2012. ເຂົ້າຮ່ວມພິທີໄຂມີທ່ານນາຍົກລັດຖະມົນຕີຫວຽດນາມ Nguyen Tan Dung, ບັນດາການນຳ, ອະດີດການນຳພັກ, ລັດ, ທ່ານຮອງນາຍົກລັດຖະມົນຕີ ສປປ ລາວ ສົມສະຫວາດ ເລັ່ງສະຫວັດ ພ້ອມກັບເອກອັກຄະລັດຖະທູດ, ຜູ້ຕາງໜ້າບັນດາອົງການສາກົນຂອງ 25 ປະເທດ, ເຂດແຄ້ວນໃນໂລກ.
ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ Nguyen Tan Dung ຢືນຢັນວ່າ: ປີທ່ອງທ່ຽວແຫ່ງຊາດເຂດແຄມທະເລຕອນເໜືອພາກກາງ 2012 ຈະແມ່ນໂອກາດໃຫ້ແກ່ທົ່ວເຂດເສີມຂະຫຍາຍທ່າໄດ້ປຽບກ່ຽວກັບມໍລະດົກ, ວັດທະນະທຳ ເພື່ອພັດທະນາການທ່ອງທ່ຽວ. ພິເສດ, Festival ເຫ້ວ ແມ່ນໂອກາດເພື່ອໃຫ້ເພື່ອນມິດມາຈາກ 5 ທະວີບໄດ້ເຕົ້າໂຮມ, ສະແດງບັນດາຈຸດວັດທະນະທຳທີ່ເປັນເອກະລັກສະເພາະຂອງຕົນ, ຈາກນັ້ນເປີດກາລະໂອກາດຮ່ວມມື, ສາມັກຄີມິດຕະພາບ, ພ້ອມກັນສ້າງສາໂລກແຫ່ງສັນຕິພາບ ໂດຍອີງໃສ່ພື້ນຖານວັດທະນະທຳທີ່ມີສີສັນຫຼາກຫຼາຍ. ທ່ານນາຍົກລັດຖະມົນຕີ Nguyen Tan Dung ກ່າວວ່າ:
“ຍູ້ແຮງການຕິດພັນຮ່ວມມືລະຫວ່າງບັນດາທ້ອງຖິ່ນໃນເຂດຕອນເໜືອພາກກາງ ເພື່ອສ້າງກຳລັງສັງລວມ, ເສີມຂະຫຍາຍທ່າໄດ້ປຽບຂອງແຕ່ລະທ້ອງຖິ່ນ ເພື່ອສ້າງຕັ້ງບັນດາຜະລິດຕະພັນການທ່ອງທ່ຽວລະຫວ່າງເຂດມີກຳລັງແກ້ງແຍ່ງສູງ. ບັນດາຜະລິດຕະພັນການທ່ອງທ່ຽວເຂດແຄມທະເລຄຕອນເໜືອພາກກາງຄວນເລັ່ງໃສ່ ທ່າໄດ້ປຽບກ່ຽວກັບທິວທັດທຳມະຊາດທີ່ມີມູນເຊື້ອປະຫວັດສາດວັດທະນະທຳທີ່ບໍ່ມີບ່ອນໃດສາມາດກອບປີໄດ້ຂອງເຂດດິນແດນວັດທະນະທຳທີ່ມີມາແຕ່ດົນນານ, ດ້ວຍບັນດາມໍລະດົກວັດທະນະທຳປະຫວັດສາດທີ່ມີຊີວິດຊີວາ.”
ພາຍຫຼັງພິທີໄຂ, ຕອນເຊົ້າວັນທີ 8/4, ຢູ່ຕາແສງ ຖຸຍແທງ, ແຂວງເທື່ອທຽວເຫ້ວ ໄດ້ໄຂລາຍການ “ຕະຫຼາດນັດເຂດບ້ານນາຍາມຈັດງານບຸນ”. ທ່ານ Tran Duy Khanh, ສະມາຊິກຄະນະຈັດຕັ້ງລາຍການຕະຫຼາດນັດເຂດບ້ານນາຍາມຈັດງານບຸນໃຫ້ຮູ້ວ່າ:
“ປີນີ້, ພວກເຮົາໄດ້ປຸກລະດົມທຸກແຫຼ່ງກຳລັງຂອງທ້ອງຖິ່ນ ເພື່ອຈັດຕັ້ງຕະຫຼາດນັດເຂດບ້ານນາຍາມຈັດງານບຸນ. ພວກຂ້າພະເຈົ້າກໍລະດົມພໍ່ແມ່ປະຊາຊົນທັງໝົດໃນຕະແສງເຂົ້າຮ່ວມງານບຸນ. ພວກຂ້າພະເຈົ້າກຳນົດວ່າ: ປີນີ້, ຕາແສງ ຖຸຍແທງແມ່ນຈຸດສຸມ, ສ້າງເຄື່ອງໝາຍການຄ້າເພື່ອພັດທະນາການບໍລິການທ່ອງທ່ຽວ”
