 ຜູ້ແທນເຂົ້າຮ່ວມກອງປະຊຸມ |
ນີ້ແມ່ນການເຄື່ອນໄຫວເປີດສາກໃຫ້ແກ່ບັນດາກອງປະຊຸມ ເຊິ່ງນອນໃນຂອບເຂດກອງປະຊຸມລັດຖະມົນຕີການຕ່າງປະເທດອາຊຽນ ຄັ້ງທີ 51 (AMM 51) ແລະ ບັນດາກອງປະຊຸມທີ່ກ່ຽວຂ້ອງ ທີ່ໄດ້ດໍາເນີນໃນລະຫວ່າງວັນທີ 31 ກໍລະກົດ ຫາ 04 ສິງຫາ.
ທີ່ກອງປະຊຸມ, ບັນດາປະເທດໄດ້ເຫັນດີນໍາກັນວ່າ ຄວນສືບຕໍ່ຍູ້ແຮງການພົວພັນຮ່ວມມືຂອງອາຊຽນກັບບັນດາຄູ່ຮ່ວມມື; ຍາດແຍ່ງການສະໜັບສະໜູນຂອງບັນດາຄູ່ຮ່ວມມືປະກອບສ່ວນເຂົ້າໃນສັນຕິພາບ, ສະຖຽນລະພາບຂອງພາກພື້ນ ແລະ ວິວັດການແຫ່ງການສ້າງສາປະຊາຄົມອາຊຽນ, ໄປຄຽງຄູ່ກັບບັນດາມາດຕະການປັບປຸງຂັ້ນຕອນ ແລະ ຮູບແບບການຮ່ວມມື. ກ່ອນອື່ນໝົດ, ບັນດາປະເທດເຫັນດີສືບຕໍ່ໝູນໃຊ້ຮູບແບບປັບປຸງໃຫ້ບັນດາຂັ້ນຕອນໃຫ້ແກ່ກອງປະຊຸມຂັ້ນສູງ ແລະ ກອງປະຊຸມຂັ້ນລັດຖະມົນຕີການຕ່າງປະເທດລະຫວ່າງອາຊຽນ ກັບບັນດາຄູ່ຮ່ວມມື (ASEAN+1) ໃນປີນີ້. ບັນດາເຈົ້າໜ້າທີ່ອາວຸໂສອາຊຽນ ກໍໄດ້ແລກປ່ຽນກ່ຽວກັບຄວາມເປັນໄປໄດ້ໃນການຈັດຕັ້ງກອງປະຊຸມຂັ້ນສູງລະຫວ່າງອາຊຽນກັບບັນດາຄູ່ຮ່ວມມືທີ່ກ່ຽວຂ້ອງ. ເນ່ື່ອງໃນໂອກາດນີ້, ກອງປະຊຸມໄດ້ພິຈາລະນາຂໍ້ສະເໜີຂອງອີຣານ ແລະ ອັກຊັງຕີນ ຢາກໄດ້ເຂົ້າຮ່ວມສົນທິສັນຍາໄມຕີຈິດ ແລະ ການຮ່ວມມືຢູ່ອາຊີຕາເວັນອອກ (TAC).
ພ້ອມກັນນັ້ນ, ບັນດາປະເທດກໍເຫັນດີສືບຕໍ່ຢັ້ງຢືນຄືນບັນດາຫຼັກການທີ່ໄດ້ຕົກລົງເຫັນດີໃນກຸ່ມອາຊຽນ ກ່ຽວກັບບັນຫາທະເລຕາເວັນອອກອີກດ້ວຍ.
ທ່ານ ຫງວຽນກວັກຢູງ, ຮອງລັດຖະມົນຕີກະຊວງການຕ່າງປະເທດຫວຽດນາມ ນຳຫນ້າຄະນະຜູ້ແທນຂັ້ນສູງຫວຽດນາມ ເຂົ້າຮ່ວມກອງປະຊຸມຄັ້ງນີ້ ໃຫ້ຮູ້ວ່າ: ຫວຽດນາມ ສືບຕໍ່ຍົກອອກບັນດາຄຳໝັ້ນສັນຍາຈະສົມທົບຢ່າງແຫນ້ນແຟ້ນກັບບັນດາປະເທດສະມາຊິກ ອາຊຽນ ເພື່ອຜັນຂະຫຍາຍຜົນສຳເລັດທີ່ໄດ້ໃຫ້ບຸລິມະສິດຂອງກຸ່ມໃນປີ 2018 ກໍ່ຄືສຳເລັດບັນດາເປົ້າໝາຍຕາມວິໄສທັດ ອາຊຽນ 2025 ຊື່ງບັນດາປະເທດອາຊຽນ ໄດ້ເຫັນດີຮັບຮອງເອົາ.
