 ການນຳສອງແຂວງເຂົ້າຮ່ວມງານວາງສະແດງ (ພາບ: TTXVN) |
ຕອນຄ່ຳວັນທີ 24 ສິງຫາ, ແຂວງແທງຮວາ ໄດ້ສົມທົບກັບແຂວງ ຫົວພັນ (ລາວ) ຈັດຕັ້ງງານວາງສະແດງພາບຖ່າຍ ແລະ ບັນດາບົດຂຽນວັດທະນະທຳກ່ຽວກັບການພົວພັນມິດຕະພາບ ລະຫວ່າງສອງແຂວງ ແທງຮວາ ແລະ ຫົວພັນ ດ້ວຍຫົວຂໍ້: ເຕັມໄປດ້ວຍນ້ຳໃຈໄມຕິຈິດມິດຕະພາບ ຫວຽດນາມ - ລາວ, ແທງຮວາ - ຫົວພັນ”. ງານວາງສະແດງໄດ້ແນະນຳພາບຖ່າຍ 200 ແຜ່ນ ແລະ ບົດຂຽນ ກ່ວາ 500 ບົດກ່ຽວກັບການພົວພັນຫວຽດນາມ - ລາວ, ແທງຮວາ -ຫົວພັນໃຫ້ຜູ້ຊົມ ເພື່ອແນໃສ່ໂຄສະນາກ່ຽວກັບພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ໃນໄລຍະຕໍ່ຕໍ່ສູ້ຍາດເອົາເອກະລາດ, ພາລະກິດແຫ່ງການກໍ່ສ້າງ, ພັດທະນາປະເທດຊາດ. ຜ່ານງານວາງສະແດງ ຈະປະກອບສ່ວນເພີ່ມທະວີຄວາມເຂົ້າໃຈຢ່າງເລິກເຊິ່ງ ໃນຖັນແຖວພະນັກງງານ, ສະມາຊິກພັກ ແລະ ປະຊາຊົນ, ພິເສດແມ່ນຄົນລຸ້ນໜຸ່ມ ມີຄວາມເຂົ້າໃຈແຈ້ງກວ່າກ່ຽວກັບວິວັດແຫ່ງການກໍ່ສ້າງ ແລະ ພັດທະນາ ການພົວພັນພິເສດ ຫວຽດນາມ - ລາວ, ແທງຮວາ - ຫົວພັນ ໃນຂະບວນການຕໍ່ສູ້ປົດປ່ອຍຊາດ, ກໍ່ຄືໃນພາລະກິດແຫ່ງການປ່ຽນແປງໃໝ່, ກໍ່ສ້າງບ້ານເກີດເມືອງນອນ, ປະເທດຊາດໃນປັດຈຸບັນ. ງານວາງສະແດງໄດ້ດຳເນີນແຕ່ວັນທີ 24 – 27 ສິງຫາ.
