( vovworld ) – ຕອນເຊົ້າວັນທີ 10/4, ຢູ່ຮ່າໂນ້ຍ, ຄະນະປະຈຳສະພາແຫ່ງຊາດໄດ້ໄຂວາລະປະຊຸມຄັ້ງທີ 7. ກ່າວຄຳເຫັນໄຂວາລະປະຊຸມ, ທ່ານປະທານສະພາແຫ່ງຊາດ Nguyen Sinh Hung ໄດ້ຊີ້ແຈງຢູ່ທີ່ກອງປະຊຸມວ່າ, ຄະນະປະຈຳສະພາແຫ່ງຊາດ ຈະໃຫ້ຄຳຄິດຄຳເຫັນກ່ຽວກັບບາງບັນຫາສຳຄັນ, ທີ່ຍັງມີຄວາມຄິດເຫັນແຕກຕ່າງກັນຂອງ 7 ຮ່າງກົດໝາຍຄື; ກົດໝາຍວ່າດ້ວຍການລະເມີດດ້ານການບໍລິການ, ກົດໝາຍວ່າດ້ວຍທະເລຫວຽດນາມ, ກົດໝາຍວ່າດ້ວຍລາຄາ, ກົດໝາຍວ່າດ້ວຍຊັບພະຍາກອນນ້ຳ ( ສະບັບປັບປຸງ ), ກົດໝາຍວ່າດ້ວຍການກວດກາດ້ານຍຸດທິທຳ,ກົດໝາຍວ່າດ້ວຍການໂຄສະນາ, ກົດໝາຍວ່າດ້ວຍການເຜີຍແຜ່, ການສຶກສາກົດໝາຍ. ນີ້ແມ່ນບັນດາຮ່າງກົດໝາຍຈະຍື່ນສະເໜີຕໍ່ສະພາແຫ່ງຊາດພິຈາລະນາ, ອະນຸມັດຜ່ານຢູ່ທີ່ກອງປະຊຸມສະໃໝສາມັນເທື່ອທີ 3 ທີ່ຈະມາເຖິງ. ແລະກໍໃນວາລະປະຊຸມຄັ້ງນີ້, ຄະນະປະຈຳສະພາແຫ່ງຊາດຈະໃຫ້ຄຳຄິດເຫັນກ່ຽວກັບ 6 ຮ່າງກົດໝາຍ ແລະ ແຜນສ້າງກົດໝາຍ, ລັດຖະບັນຍັດຂອງສະພາແຫ່ງຊາດປີ 2013 ລົງຄະແນນຮັບຮອງເອົາລັດຖະບັນຍັດລະບົບກົດໝາຍ ແລະ ໃຫ້ຄຳຄິດເຫັນກ່ຽວກັບຮ່າງກົດໝາຍລັດຖະບັນຍັດສະບັບປັບປຸງ, ເພີ່ມເຕີມບາງຂໍ້ມາດຕາຂອງລັດຖະບັນຍັດໃຫ້ບຸລິມາສິດແກ່ຜູ່ມີຄຸນງາມຄວາມດີຕໍ່ການປະຕິວັດ.
