(vovworld) - ຕອນເຊົ້າວັນທີ 4/5, ວາລະປະຊຸມຄັ້ງທີ 8, ຄະນະປະຈຳສະພາແຫ່ງຊາດຫວຽດນາມ ຊຸດທີ 13 ຖືກໄຂຂຶ້ນຢູ່ ຮ່າໂນ້ຍ. ກ່າວຄຳເຫັນໄຂກອງປະຊຸມ, ທ່ານປະທານສະພາແຫ່ງຊາດຫວຽດນາມ Nguyen Sinh Hung ຊີ້ແຈງວ່າ: ວາລະປະຊຸມຄັ້ງທີ 8 ຄະນະປະຈຳສະພາແຫ່ງຊາດ ໄດ້ຈັດກອງປະຊຸມໃນເວລາ 2 ວັນ ເພື່ອກະກຽມວຽກງານຈຳນວນໜຶ່ງໃຫ້ແກ່ກອງປະຊຸມສາໄໝສະມັນເທື່ອທີ 3, ສະພາແຫ່ງຊາດຊຸດທີ 13. ທີ່ກອງປະຊຸມຄັ້ງນີ້, ຄະນະປະຈຳສະພາແຫ່ງຊາດ ໄດ້ສຸມໃສ່ເນື້ອໃນໃຫຍ່ຈຳນວນໜຶ່ງທີ່ກ່ຽວຂ້ອງເຖິງງົບປະມານແຫ່ງລັດ, ພັນທະບັດລັດຖະບານ, ປະກອບຄຳເຫັນກ່ຽວກັບການກະກຽມກອງປະຊຸມສະໄໝສາມັນເທື່ອທີ 3 ສະພາແຫ່ງຊາດຊຸດທີ 13, ເລື່ອງສ້າງຮ່າງໂຄງການສ້າງກົດໝາຍ, ລັດຖະບັນຍັດຂອງສະພາແຫ່ງຊາດ ປີ 2013, ດັບປັບໂຄງການສ້າງກົດໝາຍ, ລັດຖະບັນຍັດປີ 2012 ແລະ ອາຍຸການສະພາແຫ່ງຊາດຊຸດທີ 13. ຄະນະປະຈຳສະພາແຫ່ງຊາດ ຈະປະກອບຄຳເຫັນ ກ່ຽວກັບແຜນຮ່າງສືບຕໍປ່ຽນໃໝ່, ຍົກສູງຄຸນນະພາບ, ປະສິດທິຜົນການເຄື່ອນໄຫວຂອງສະພາແຫ່ງຊາດ ແລະ ປຶກສາຫາລືເພື່ອຮັບຮອງເອົາມະຕິ ກ່ຽວກັບການປະຕິບັດນະໂຍບາຍ, ກົດໝາຍຕໍ່ຜູ້ມີຄຸນງາມຄວາມດີຕໍ່ການປະຕິວັດ. ທີ່ວາລະປະຊຸມຄັ້ງນີ້, ຄະນະປະຈຳສະພາແຫ່ງຊາດ ກໍຈະປະກອບຄຳເຫັນກ່ຽວກັບ ຄຸນລັກສະນະສະມາຊິກສະພາແຫ່ງຊາດ ສຳລັບທ່ານນາງສະມາຊິກສະພາແຫ່ງຊາດ Dang Thi Hoang Yen.
