 (ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ) |
ຕອນເຊົ້າວັນທີ 28 ເມສາ, ທ່ານເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງສປປ.ລາວ ປະຈຳຫວຽດນາມ ແສງເພັດ ຮຸ່ງບຸນຍວງ ໄດ້ຕອບສຳພາດຕໍ່ນັກຂ່າວ VOV ກ່ຽວກັບຄວາມໝາຍຂອງໄຊຊະນະປະຫວັດສາດວັນທີ 30 ເມສາ ທີ່ມີຕໍ່ການປະຕິວັດລາວ, ເນື່ອງໃນໂອກາດສະເຫຼີມສະຫຼອງ 45 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ (30 ເມສາ 1975 – 30 ເມສາ 2020).
ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ຖືວ່າ, ນີ້ແມ່ນໄຊຊະນະກ້ອງກັງວານໄປທົ່ວໂລກ, ແມ່ນໄຊຊະນະຂອງການຊີ້ນຳອັນສະຫຼາດສະຫຼຽວ ແລະ ສະຫຼາດສ່ອງໄສຂອງພັກກອມມູນິດຫວຽດນາມ, ຄວາມສາມັກຄີເປັນຈິດໜຶ່ງໃນດຽວກັນຂອງປະຊາຊົນຫວຽດນາມ ວິລະຊົນ. ພາຍຫຼັງການຕໍ່ສູ້ເປັນຫຼາຍສີບປີ, ກອງທັບ ແລະ ປະຊາຊົນຫວຽດນາມ ມີຄວາມເຂັ້ມແຂງຂຶ້ນ, ຍິ່ງຕີທັງຍິ່ງຮັບໄຊຊະນະ, ກ້າວໄປເຖິງການໂຄ່ນລົ້ມລະບອບຫຸ່ນ ໄຊງ່ອນ ແລະ ຍາດເອົາອຳນາດການປົກຄອງຄືນໃໝ່, ທ້ອນໂຮມປະເທດຊາດເປັນເອກະພາບໃນວັນທີ 30 ເມສາ 1975. ໄຊຊະນະປະຫວັດສາດດັ່ງກ່າວແມ່ນມີຄວາມໝາຍອັນໃຫຍ່ຫຼວງທີ່ມີຕໍ່ການປະຕິວັດລາວ. ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງກ່າວວ່າ.
(ສຽງຂອງທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ)
