( vovworld ) - ເວທີປາໄສເສດຖະກິດອາຊີຕາເວັນອອກປີ 2012 ຈະຖືກໄຂຂຶ້ນຢູ່ໄທ ໃນວັນທີ 31/5. ເວທີປາໄສມີຫົວຂໍ້ວ່າ “ ສ້າງອະນາຄົດໃຫ້ແກ່ພາກພື້ນຜ່ານການເຊື່ອມຕໍ່ກັນພາຍໃນກຸ່ມ ”, ໃນສະພາບການທີ່ 10 ປະເທດອາຊຽນພວມພ້ອມກັນສ້າງຍຸດທະສາດທີ່ສຳຄັນ ແລະ ເຂດເສດຖະກິດດ້ວຍຈຳນວນປະຊາກອນກວ່າ 600 ລ້ານຄົນ ມີຍອດຜະລິດຕະພັນພາຍໃນ ( GDP ) ລື່ນກາຍ 1.800 ຕື້ USD ແລະ ອັດຕາການເຕີບໂຕໃນພາກພື້ນຄາດວ່າບັນລຸກວ່າ 5% ໃນປີ 2012 ໂດຍບໍ່ຫົວຊາຕໍ່ສະພາບຂາດສະຫງົບໝັ້ນທຽງດ້ານເສດຖະກິດຢູ່ອາເມລິກາ ແລະ ພາກພື້ນນຳໃຊ້ສະກຸນເງິນເອີໂລລວມ ( Eurozone ). ເພື່ອບັນລຸບາດລ້ຽວໃຫຍ່ແມ່ນສ້າງຕະຫຼາດດຽວໃນປີ 2015 ຕາມແຜນການທີ່ໄດ້ວາງອອກ, ເລື່ອງຮ່ວມສຳພັນຢ່າງແໜ້ນແຟ້ນລະຫວ່າງບັນດາປະເທດອາຊຽນ ແມ່ນຈຳເປັນເພື່ອຮັບປະກັນພາກພື້ນໄດ້ເຊື່ອມຕໍ່ກັນ ແລະ ແກ່ງແຍ້ງ ກໍຄືເພີ່ມທະວີໃຫ້ແກ່ບັນດາຄວາມມານະພະຍາຍາມເຊື່ອງໂຍງທີ່ພວມມີຂຶ້ນ.
ຄາດວ່າຈະມີສະມາຊິກ 600 ທ່ານທີ່ມາຈາກ 50 ປະເທດໃນໂລກເຂົ້າຮ່ວມກອງປະຊຸມໃນເວລາແຕ່ວັນທີ 31/5 – 1/6. ທ່ານນາຍົກລັດຖະມົນຕີຫວຽດນາມ Nguyen Tan Dung ຈະເຂົ້າຮ່ວມກອງປະຊຸມຕາມຄຳເຊື້ອເຊີນຂອງທ່ານນາງຍິງຮັກ ຊີນນະວັດ ນາຍົກລັດຖະມົນຕີໄທ ແລະ ທ່ານປະທານເວທີປາໄສເສດຖະກິດໂລກ Klaus Schwab…
