 ທ່ານນາຍົກລັດຖະມົນຕີ ທັງເປັນ ລັດຖະມົນຕີກະຊວງປ້ອງກັນປະເທດ ໄທ ປຣາຢຸດ (ຜູ້ຢູ່ທາງກາງ, ພາບ: AP) |
ກ່າວຄໍາເຫັນນະທີ່ນີ້, ທ່ານນາຍົກລັດຖະມົນຕີ ທັງເປັນ ລັດຖະມົນຕີກະຊວງປ້ອງກັນປະເທດ ໄທ ປຣາຢຸດ ຈັນໂອຊາ ໃຫ້ຮູ້ວ່າ: ບັນດາປະເທດທັງໝົດ ຈົ່ງຮ່ວມມືກັນເພື່ອຮັກສາສະຖຽນລະພາບຢ່າງໝັ້ນຄົງ, ເພີ່ມທະວີສະຖຽນລະພາບໃນພາກພື້ນ ມະຫາສະໝຸດອິນເດຍ - ປາຊີຟິກ ດ້ວຍວິທີ ປະຕິບັດກົດໝາຍສາກົນ, ຍົກສູງຄວາມໄວ້ເນື້ອເຊື່ອໃຈເຊິ່ງກັນແລະກັນ ແລະ ຊຸກຍູ້ການຮ່ວມມືໃຫ້ແໜ້ນແຟ້ນກວ່າອີກ.
ທ່ານ ປຣາຢຸດ ຈັນໂອຊາ ເນັ້ນໜັກເຖິງ ພາກພື້ນ ມະຫາສະໝຸດອິນເດຍ - ປາຊີຟິກ ແລະ “ວິໄສທັດ ມະຫາສະໝຸດອິນເດຍ - ປາຊີຟິກ ຂອງ ອາຊຽນ” ວ່າ ຈະເປີດກາລະໂອກາດໃຫ້ແກ່ການເພີ່ມທະວີການພົວພັນ ແລະ ຮ່ວມມື ພ້ອມກັນນັ້ນ ກໍ່ໜູນຊ່ວຍບັນດາການນໍາໃນພາກພື້ນສົມທົບກັນໃນ 4 ຂົງເຂດຄື: ການຮ່ວມມືຢູ່ທະເລ, ການເຊື່ອມຕໍ່, ໂຄງການດໍາເນີນງານ ສປຊ 2030 ກ່ຽວກັບບັນດາເປົ້າໝາຍພັດທະນາແບບຍືນຍົງ (SDG) ແລະ ການຮ່ວມມືດ້ານເສດຖະກິດ.
