(VOVWORLD) - ស្ថិរភាពនយោបាយគឺជាលក្ខខណ្ឌចាំបាច់ និងមានសារៈសំខាន់សម្រាប់ការអភិវឌ្ឍរបស់វៀតណាម។ ស្ថិរភាពនយោបាយត្រូវបានសម្រេចបានដោយសារសមត្ថភាព និងកិត្យានុភាពភាពជាអ្នកដឹកនាំរបស់បក្សកុម្មុយនិស្តវៀតណាម ក្នុងរយៈពេលកន្លងមក។ ការដែលបក្សធ្វើចំណាត់ការតាមច្បាប់ លើ កម្មាភិបាល ដែលបានបំពានវិន័យបក្សនាពេលថ្មីៗនេះ  សំដៅលើគោលដៅតែមួយគត់ គឺធ្វើឱ្យបក្សកាន់តែស្អាតស្អំ និងរឹងមាំ និងបំពេញតួនាទីដឹកនាំឲ្យបានល្អបំផុតរបស់បក្ស តាមនោះ បង្កើតស្ថិរភាពយូរអង្វែង សម្រាប់អភិវឌ្ឍន៍ប្រទេសជាតិ។

(VOVWORLD) - នៅថ្ងៃទី ២២ ខែសីហា តុលាការសាលាឧទ្ធរណ៍ទីក្រុងប៉ារីស នឹងធ្វើសេចក្តីសម្រេចលើ បណ្តឹងរបស់លោកស្រី Tran To Nga ជនជាតិបារាំងដើមកំណើតវៀតណាម ប្រឆាំងនឹងក្រុមហ៊ុនគីមីអាមេរិកចំនួន ១៤ ក្នុងនោះមានក្រុមហ៊ុន Monsanto ពីបទផលិត និងជួញដូរថ្នាំសម្លាប់ស្មៅដែលផ្ទុកសារធាតុឌីអុកស៊ីត (ជាតិគីមីពុល ពណ៌លឿងទុំ) ផ្គត់ផ្គង់ដល់យោធាអាមេរិកសម្រាប់ប្រើប្រាស់ក្នុងអំឡុងសង្គ្រាមវៀតណាម។ លក្ខណៈសុច្ចរិតនៃបណ្តឹងនេះទទួលបានការគាំទ្រយ៉ាងខ្លាំងក្លាពីមតិសាធារណៈអន្តរជាតិ។ ទន្ទឹមនឹងនោះ ក៏បន្តការខិតខំប្រឹងប្រែងរបស់រដ្ឋាភិបាលវៀតណាម ក្នុងការថែទាំ ជនរងគ្រោះរាប់លាននាក់រងសារធាតុគីមីពុល ពណ៌លឿងទុំ/ឌីអុកស៊ីតផង។

(VOVWORLD) - នៅថ្ងៃទី ១០ ខែមេសា ឆ្នាំ ២០២៤ លេខាធិការដ្ឋានមជ្ឈិមបក្សកុម្មុយនិស្ត វៀតណាមបានចេញសារាចរលេខ ៣២ អំពីការបង្កើនការដឹកនាំរបស់បក្សក្នុងការបង្ការទប់ស្កាត់ និងលុបបំបាត់ការនេសាទខុសច្បាប់ គ្មានរបាយការណ៍ និងគ្មានការអនុញ្ញាត (Illigal Unreported and Unregulated Fishing, IUU) និងការអភិវឌ្ឍប្រកបដោយចីរភាពវិស័យជលផល។ ការផ្សព្វផ្សាយសារាចរណែនាំនេះបង្ហាញថា ប្រព័ន្ធនយោបាយវៀតណាមទាំងមូល បានរួមកម្លាំងគ្នា ដើម្បីដកកាតលឿង IUU ហើយទន្ទឹមនឹងនោះការពារកេរ្តិ៍ឈ្មោះជាតិ នៅលើឆាកអន្តរជាតិ។

(VOVWORLD) - ថ្ងៃទី ១៨ ខែមេសានេះ ចំនឹងថ្ងៃទី ១០  ខែមាឃ តាមប្រតិទិនច័ន្ទគតិ គឺជាពិធីបុណ្យខួបស្តេចហ៊ុង (ស្តេច Hung Vuong)។ ពិធីបុណ្យរំលឹកខួបស្តេចហ៊ុងគឺជាឱកាសសម្រាប់ប្រជាជនវៀតណាមទាំងក្នុង និងក្រៅប្រទេសរំលឹកដល់ការគុណូបការៈកសាងប្រទេសជាតិរបស់បណ្តាស្តេចហ៊ុង ហើយក៏ជាឱកាសពង្រឹងស្មារតីសាមគ្គីភាពជនជាតិ របស់កូលបុត្រ កូលធីតាវៀតណាម ដែលមានប្រភពដើមរួម និងបុព្វបុរសជាតិរួម។ ស្មារតីនៃសាមគ្គីភាពជនជាតិ ផ្តើមចេញពីពិធីបុណ្យរំលឹកខួបស្តេចហ៊ុង តែង តែត្រូវបានលើកតម្កើងទាំងអតីតកាល និងបច្ចុប្បន្នកាល ដោយដើរតួនាទីយ៉ាងសំខាន់ក្នុងការអភិវឌ្ឍប្រទេសជាតិ។

(VOVWORLD) - វៀតណាមជាប្រទេសពហុសាសនា។  ប្រជាជនគ្រប់សាសនាមានសេរីភាពក្នុងការអនុវត្តពិធីសាសនា និងជំនឿរបស់សាសនាខ្លួន ក្នុងបរិយាកាសស្ថិរភាព សុខដុមរមនា ស្មើភាព និងស្របតាមច្បាប់។ ប៉ុន្មានថ្ងៃថ្មីៗនេះ ផ្ទាំងរូបភាពនៃជំនឿ និងសាសនាកាន់តែមានភាពរស់រវើកជាមួយនឹងបរិយាកាសរីករាយ អបអរសាទរពិធីបុណ្យចូលឆ្នាំថ្មី របស់ជនជាតិខ្មែរណាមបូ (ជនជាតិខ្មែរនៅភាគខាងត្បូងវៀតណាម)។ ស្ថានភាពជាក់ស្តែងនៃជីវភាពខាងជំនឿសាសនាកាន់តែរស់រវើក  ដែលជាសក្ខីភាពច្បាស់លាស់នៃការធានានូវសេរីភាពខាងជំនឿនៅប្រទេសវៀតណាម។

(VOVWORLD) - របាយការណ៍អភិវឌ្ឍន៍មនុស្សជាសកលត្រូវបានកម្មវិធីអភិវឌ្ឍន៍របស់អង្គការ សហប្រជាជាតិ (UNDP) ប្រកាសនាពេលថ្មីៗនេះ (ថ្ងៃទី១៣ ខែមីនា ម៉ោងនៅទីក្រុងញូវយ៉ក សហរដ្ឋអាមេរិក) បង្ហាញថា វៀតណាមជាប្រទេសដែលមានកម្រិតអភិវឌ្ឍន៍មនុស្សខ្ពស់។ សន្ទស្សន៍អភិវឌ្ឍន៍មនុស្សរបស់វៀតណាមបានកើនឡើងជាបន្តបន្ទាប់ក្នុងរយៈពេល ៣០ ឆ្នាំកន្លងមក។ នេះជាសក្ខីភាពបញ្ជាក់យ៉ាងច្បាស់បំផុត អំពីប្រសិទ្ធភាពនៃគោលនយោបាយដើម្បីមនុស្សរបស់បក្ស និងរដ្ឋវៀតណាម ក្នុងរយៈពេលជាច្រើនទសវត្សរ៍កន្លងមក។

(VOVWORLD) - សម័យប្រជុំលើកទី ៦២ នៃគណៈកម្មាធិ ការអភិវឌ្ឍន៍សង្គម (CsocD) នៃអង្គការសហប្រជាជាតិបានបញ្ចប់នាថ្ងៃទី ១៤ ខែកុម្ភៈ នៅទីក្រុងញូវយ៉ក បន្ទាប់ពីធ្វើការអស់រយៈពេលជាងមួយសប្តាហ៍ (ពីថ្ងៃទី ៥ ដល់ថ្ងៃទី ១៤ ខែកុម្ភៈ)។ ថ្លែងមតិក្នុងសម័យប្រជុំនេះ តំណាងវៀតណាមបានអះអាងជាថ្មីអំពីអាទិភាពនៃការកសាងសង្គមប្រកបដោយបរិយាប័ន្នកម្ម យុត្តិធម៌ ខ្លួនទីពឹងខ្លួន ហើយមិនទុកនរណាម្នាក់ចោលពីក្រោយឡើយ។ នេះក៏ជាគោលនយោបាយសំខាន់ របស់បក្សកុម្មុយនិស្ត វៀតណាម ដោយធានាឱ្យសមាជិកទាំងអស់ក្នុងសង្គម ទទួលបានឱកាស និងធនធានស្មើគ្នាសម្រាប់ការអភិវឌ្ឍ។

(VOVWORLD) - ក្នុងរយៈពេល ២ ថ្ងៃ ពោលគឺថ្ងៃទី ១និងទី ២ ខែកុម្ភៈ នៅទីក្រុងហូជីមិញបានប្រព្រឹត្តទៅនូវកម្មវិធីនិទាឃរដូវស្រុកកំណើត ឆ្នាំ២០២៤។  នេះជាព្រឹត្តិការណ៍មានទ្រង់ទ្រាយធំទាក់ទាញការចូលរួមរបស់អាណិកជនមកពីគ្រប់ទិសទីលើទូទាំងពិភពលោកមកស្រុកកំណើតអំណរបុណ្យតេតប្រពៃណី។ កម្មវិធីនេះគឺជាសកម្មភាពមួយក្នុងចំណោមសកម្មភាពជាច្រើន ដែលបង្ហាញពីការយកចិត្តទុកដាក់របស់បក្សនិងរដ្ឋ ចំពោះ សហគមន៍ជនវៀតណាមនៅក្រៅប្រទេស រួមចំណែកបញ្ជាក់ពីភាពត្រឹមត្រូវ និងខ្ជាប់ខ្ជួនរបស់បក្សនិងរដ្ឋក្នុងប៉ុន្មានឆ្នាំកន្លងមក អំពីសហគមន៍ជនវៀតណាមនៅក្រៅប្រទេស។

(VOVWORLD) - ក្នុងប៉ុន្មានថ្ងៃថ្មីៗនេះ ផ្ទះមហាសាមគ្គីរាប់ពាន់ខ្នងត្រូវបានប្រគល់ជូនជនក្រីក្រ និងប្រជាជនដែលមានស្ថានភាពលំបាកក្នុងមូលដ្ឋានជាច្រើនទូទាំងប្រទេសវៀតណាម។ សកម្មភាពនេះរឹតតែមានអត្ថន័យ ខណៈពេលដែល បុណ្យចូលឆ្នាំថ្មីប្រពៃណីវៀតណាម (Tet Nguyen dan) កាន់តែខិតជិតមកដល់។ ការប្រគល់ជូនផ្ទះមហាសាមគ្គីដល់ជនក្រីក្រ បង្ហាញពីគោលនយោបាយមនុស្សធម៌របស់រដ្ឋ និងកិច្ចសហប្រតិបត្តិការរបស់សហគមន៍ ក្នុងការជួយជនក្រីក្រឲ្យមានជីវភាពល្អប្រសើរ រួមចំណែកធានាសន្តិសុខសង្គម។

(VOVWORLD) - វៀតណាមកំពុងខិតខំប្រឹងប្រែងអនុវត្តបន្តិចម្តងៗនូវការផ្លាស់ប្តូរបៃតង អភិវឌ្ឍន៍ថាមពលកកើតឡើងវិញ...។ ដំណើរការនេះនឹងប៉ះពាល់ដល់ក្រុមជនក្រីក្រ និងក្រុមដែលមានប្រាក់ចំណូលទាប ព្រោះពួកគេពិបាកក្នុងការប្រដេញតាមដំណើរផ្លាស់ប្តូរថាមពល។ នេះគឺជាបញ្ហាមួយក្នុងចំណោមបញ្ហាដែលបានរដ្ឋាភិបាលវៀតណាមផ្តោតការយកចិត្តទុកដាក់ នៅពេលអនុវត្តសេចក្តីថ្លែងការណ៍នយោបាយ ស្តីពីការបង្កើតភាពជាដៃគូអន្តរកាលថាមពលដោយយុត្តិធម៌ (JETP, ខែធ្នូ ឆ្នាំ ២០២២។ ការបំពេញឲ្យបានល្អនូវកិច្ចការនេះ គឺជាការធានាសិទ្ធិមនុស្សក្នុងបរិបទថ្មី។

(VOVWORLD) - វៀតណាមទើបតែបានការពារដោយជោគជ័យនូវរបាយការណ៍ថ្នាក់ជាតិលើកទី៥ ស្តីពីការអនុវត្តអនុសញ្ញាអន្តរជាតិការលុបបំបាត់រាល់ទម្រង់ នៃការរើសអើងពូជសាសន៍ (CERD) នៅសម័យប្រជុំលើកទី ១១១ នៃគណៈកម្មាធិការអនុសញ្ញានៅទីក្រុងហ្សឺណែវ ប្រទេសស្វីស (២៩-៣០ ខែវិច្ឆិកា) ជាពិសេសការធានាសិទ្ធិរបស់ជនជាតិភាគតិច ដូចជាការលុបបំបាត់ភាពអត់ឃ្លាន កាត់បន្ថយភាពក្រីក្រ ធានាសន្តិសុខសង្គម...។ លទ្ធផលនេះបង្ហាញយ៉ាងច្បាស់ ពីការយកចិត្តទុកដាក់ ការវិនិយោគប្រកបដោយប្រសិទ្ធភាពរបស់បក្ស និងរដ្ឋ វៀតណាម លើតំបន់ជនជាតិភាគតិច ធានាសិទ្ធិ និងផលប្រយោជន៍ស្របច្បាប់របស់ប្រជាជន។

(VOVWORLD) - មហាសន្និបាតលើកទី ១៣ នៃសហជីព វៀតណាមអាណត្តិ ២០២៣ - ២០២៨ ប្រព្រឹត្តទៅពីថ្ងៃទី១ ដល់ថ្ងៃទី ៣ ខែធ្នូ នៅរដ្ឋធានីហាណូយ។ នេះជាព្រឹត្តិការណ៍នយោបាយដ៏សំខាន់របស់វណ្ណៈកម្មករ អង្គការសហជីព វៀតណាម និងជាសកម្មភាពនយោបាយដ៏ទូលំទូលាយនៅក្នុងចំណោមកម្មាភិបាល សមាជិកសហជីព និងកម្មករទូទាំងប្រទេស។ អង្គសន្និបាតលើកនេះ នឹងធ្វើការពិភាក្សា រកដំណោះស្រាយដើម្បីធានាសិទ្ធិរបស់ពលករ; ផ្តោតលើការអភិវឌ្ឍសមាជិកសហជីព និងការបង្កើតសហជីពមូល ដ្ឋាននៅតាមសហគ្រាសក្រៅវិស័យរដ្ឋ; បង្កើតក្រុមប្រធានសហជីពមូលដ្ឋាន ដើម្បីបំពេញតម្រូវការនៃភារកិច្ចក្នុងរយៈពេលអភិវឌ្ឍន៍ថ្មីនៃប្រទេសជាតិ។