(VOVWORLD) - ឯករាជ្យ - សេរីភាព - សុភមង្គល គឺជាសិទ្ធិមនុស្សដ៏ខ្ពង់ខ្ពស់បំផុត យោងតាមធម្មនុញ្ញអង្គការសហប្រជាជាតិ និងសន្ធិសញ្ញាអន្តរជាតិស្តីពីសិទ្ធិមនុស្ស ប៉ុន្តែសិទ្ធិទាំងនោះអាចអនុវត្តន៍បានតែក្នុងប្រទេសឯករាជ្យប៉ុណ្ណោះ។ ដោយសារគុណតម្លៃដ៏ខ្ពង់ខ្ពស់ទាំងនោះ ប្រវត្តិសាស្ត្រ មនុស្សជាតិរីកចម្រើនជឿនលឿន ក្នុងនោះមានប្រជាជនវៀតណាម មិនខ្លាចឧបស័គ្គ  លះបង់ និងតស៊ូដើម្បីដណ្តើមឲ្យបាន។ ចាប់តាំងពីថ្ងៃបុណ្យជាតិ ថ្ងៃទី២ ខែកញ្ញា ឆ្នាំ១៩៤៥ មក បក្ស រដ្ឋ និងប្រជាជនវៀតណាម តែងតែប្រកាន់ខ្ជាប់ខ្ជួនដើម្បីគោលដៅដ៏ខ្ពង់ខ្ពស់នេះ។

(VOVWORLD) - នាថ្ងៃទី ១ ខែកក្កដា ប្រធានរដ្ឋវៀតណាមលោក Nguyen Xuan Phuc បានចុះហត្ថលេខាលើសេចក្តីសម្រេចស្តីពីការលើកលែងទោសឆ្នាំ ២០២២ ក្នុងឱកាសអបអរសាទខួបលើកទី ៧៧ នៃទិវាបដិវត្តន៍ខែសីហា និងទិវាបុណ្យជាតិ ២ កញ្ញា។ នេះជាការលើកលែងទោសលើកទី៩ ចាប់តាំងពីច្បាប់ស្តីពីការលើកលែងទោសបានបង្កើតមក គឺជាកិច្ចការនិងគោលនយោបាយដ៏សំខាន់របស់បក្ស និងរដ្ឋវៀតណាម ដែលបង្ហាញពីប្រពៃណីដ៏ល្អប្រសើររបស់ប្រជាជាតិវៀតណាម ពោលគឺ មានភាពម៉ឺងមាត់ក្នុងការកាត់ទោសជនល្មើស ហើយទន្ទឹមនឹងនោះ ពោរពេញទៅដោយលក្ខណៈមនុស្សធម៌ អធ្យាស្រ័យដល់ទណ្ឌិត ដែលមានដំណើរការកែប្រែបានល្អ ធ្វើការនិងសិក្សាល្អ សម្របខ្លួនជាមួយសហគមន៍ល្អ ដើម្បីក្លាយទៅជា មនុស្សមានប្រយោជន៍សម្រាប់សហគមន៍។

(VOVWORLD) - សេចក្តីសម្រេចចិត្តនៃមហាសន្និបាតលើកទី ១៣ របស់បក្សកុម្មុយនិស្តវៀតណាមបានអះអាងថា៖ “ការបន្តកសាងនិងសុក្រិតនូវនីតិរដ្ឋសង្គមនិយមវៀតណាមដឹកនាំដោយបក្ស គឺជាភារកិច្ចស្នូលនៃកំណែទម្រង់ប្រព័ន្ធនយោបាយ…” ទន្ទឹមនឹងនោះ កំណត់ចក្ខុវិស័យនិងទិសដៅយុទ្ធសាស្ត្រក្នុងនោះ “ការស្រាវជ្រាវនិងផ្សព្វផ្សាយយុទ្ធសាស្ត្រកសាងនិងសុក្រិតនូវនីតិរដ្ឋសង្គមនិយមវៀតណាមដល់ ឆ្នាំ ២០៣០ នឹងទិសដៅដល់ឆ្នាំ២០៤៥”។ ឆ្លៀតយកប្រយោជន៍ពីបញ្ហានេះ កម្លាំងអរិភាព និងឱកាសនយោបាយបានដាក់ចេញនូវទស្សនៈ និងទឡ្ហីករណ៍ជាច្រើន ដើម្បីរិះគន់ និងបដិសេធតួនាទី និងនីតិរដ្ឋរបស់រដ្ឋសង្គមនិយមវៀតណាម។ ទោះជាយ៉ាងណាក៏ដោយ តម្លៃប្រជាធិបតេយ្យដ៏ជ្រាលជ្រៅនិងខ្ជាប់ខ្ជួននៃនីតិរដ្ឋសង្គមនិយមដែលវៀតណាមបាននិងកំពុងកសាង និងបោះជំហានទៅយកគឺជាភស្តុតាងពិតប្រាកដ បំផ្លាញចោលរាល់ល្បិចកលខុសឆ្គងរបស់មេកម្លាំងអរិភាពទាំងនេះ។

(VOVWORLD) - ថ្ងៃទី ៩ ខែសីហាគឺជាទិវាអន្តរជាតិនៃជនជាតិដើមពិភព លោក   ហៅកាត់ជាភាសាអង់គ្លេសថា “IDWIP”។ នេះគឺជាទិវាអន្តរជាតិមួយដែលត្រូវបានអង្គការសហប្រជាជាតិកំណត់យកដោយបានប្រារព្ធជារៀងរាល់ឆ្នាំ ក្នុងគោល បំណងបង្កើនការយកចិត្តទុកដាក់របស់សហគមន៍ពិភពលោក ចំពោះសិទ្ធិជន ជាតិដើមភាគតិច។ នេះក៏ជាឱកាសដើម្បីក្រឡេកមើលឡើងវិញនូវសមិទ្ធិផលដែលវៀតណាមបាននិងកំពុងខិតខំប្រឹងប្រែងអភិវឌ្ឍន៍ អនុវត្តន៍ និងត្រួតពិនិត្យវិញ រាល់គោលនយោបាយអភិវឌ្ឍន៍សេដ្ឋកិច្ច-សង្គម ដើម្បីលើកកំពស់ជីវភាពរស់នៅខាងសម្ភារៈ វប្បធម៌ និងស្មារតីរបស់ជនជាតិភាគតិចនៅតំបន់ព្រៃភ្នំ សហគមន៍ជនជាតិភាគតិចពោរពេញទៅដោយអត្តសញ្ញាណវប្បធម៌វៀត ណាម។

(VOVWORLD) -  បម្រែបម្រួលអាកាសធាតុអាចរុញថយក្រោយវិញ រាល់សមិទ្ធិផលអភិវឌ្ឍន៍របស់មនុស្សជាតិ ជាពិសេសអាចគំរាមកំហែងដល់សិទ្ធិជាមូលដ្ឋានរបស់មនុស្ស។ យ៉ាងណាមិញ វៀតណាមបាននឹងកំពុងសហការជាមួយសហគមន៍អន្តរជាតិក្នុងការឆ្លើយតបនឹងគ្រោះមហន្តរាយធម្មជាតិ កាត់បន្ថយផលប៉ះពាល់នៃការប្រែប្រួលអាកាសធាតុលើការអភិវឌ្ឍន៍សង្គម និងធានាសិទ្ធិរស់នៅប្រកបដោយសុវត្ថិភាពនិងសេចក្តីសុខរបស់មនុស្ស។ សកម្មភាពនេះបន្តបញ្ជាក់ពីគោលនយោបាយរបស់វៀតណាមក្នុងការធានាសិទ្ធិរបស់ប្រជាជន ជាពិសេសក្រុមងាយរងគ្រោះ ចំពោះផលប៉ះពាល់នៃការប្រែប្រួលអាកាសធាតុ។

(VOVWORLD) - នៅក្នុងប្រព័ន្ធនៃតម្លៃដែលមនុស្សជាតិបានបង្កើតឡើងនោះ សិទ្ធិមនុស្សមានតួនាទីសំខាន់ខ្លាំងណាស់ ទាំងជាគោលដៅ ជាកម្លាំងចលករ និងជាលក្ខខណ្ឌសម្រាប់ជម្រុញការអភិវឌ្ឍនៃតម្លៃដែលនៅសេសសល់ទៀតផង។ ការគោរព និងការជម្រុញការធានាសិទ្ធិមនុស្សបានក្លាយទៅជានិន្នាការសកល  តាមនោះ ការអប់រំសិទ្ធិមនុស្សបានក្លាយជាតម្រូវការបន្ទាន់ ប្រកបដោយលក្ខណៈសហសម័យ។ វៀតណាមបាននិងកំពុងលើកកម្ពស់ការអប់រំអំពីសិទ្ធិមនុស្សនៅក្នុងប្រព័ន្ធទាំងមូល។

(VOVWORLD) - ចូលរួមសម័យប្រជុំលើកទី ៥០ នៃក្រុមប្រឹក្សាសិទ្ធិមនុស្សអង្គការសហប្រជាជាតិ វៀតណាមបានខិតខំប្រឹងប្រែងដើម្បីបញ្ជូនសារដ៏មានអត្ថន័យ ឆ្ពោះទៅរកយុត្តិធម៌ ធានាសិទ្ធិសម្រាប់ប្រជាជនគ្រប់រូប។ ទាំងនោះ គឺជាការរួមចំណែកដ៏សំខាន់របស់វៀត ណាមក្នុងសម័យប្រជុំក្រុមប្រឹក្សាសិទ្ធិមនុស្សអង្គការសហប្រជាជាតិដែលប្រព្រឹត្តទៅចាប់ពីថ្ងៃទី ១៣ ខែមិថុនា ដល់ថ្ងៃទី ៨ ខែកក្កដា នៅទីក្រុងហ្សឺណែវ ប្រទេសស្វីស។

(VOVWORLD) - ក្នុងសម័យប្រជុំជាប្រចាំលើកទី៥០ នៃក្រុមប្រឹក្សាសិទ្ធិមនុស្សអង្គការសហប្រជាជាតិ (អ.ស.ប) ក្នុងអំឡុងពេលពីថ្ងៃទី ១៣ ខែមិថុនា ដល់ថ្ងៃទី ៨ ខែកក្កដា ឆ្នាំ ២០២២ នៅទីក្រុងហ្សឺណែវ (ស្វីស) តំណាងប្រទេសនានាបានកត់សម្គាល់នូវសារ សមិទ្ធិផលនិងការប្តេជ្ញាចិត្តរបស់វៀតណាមក្នុងវិស័យសិទ្ធិមនុស្ស ហើយសង្ឃឹមថា វៀតណាមនឹងបន្តលើកកម្ពស់តួនាទីរបស់ខ្លួនក្នុងនាមជាសមាជិកសកម្ម មានទំនួលខុសត្រូវនៃសហគមន៍អន្តរជាតិនៅក្នុងក្រុមប្រឹក្សាសិទ្ធិមនុស្ស។ ទន្ទឹមនឹងនោះ សមិទ្ធិផលលេចធ្លោរបស់វៀតណាមក្នុងការធានាសិទ្ធិមនុស្សត្រូវបានសារព័ត៌មានអឺរ៉ុបគូសបញ្ជាក់ក្នុងអត្ថបទអំពីដំណើរទស្សនកិច្ចជាផ្លូវការរបស់ប្រធានរដ្ឋសភាវៀតណាម លោក Vuong Dinh Hue និងគណៈប្រតិភូជាន់ខ្ពស់រដ្ឋសភាវៀតណាមទៅកាន់អឺរ៉ុបចាប់ពីថ្ងៃទី ២៦ ដល់ថ្ងៃទី ៣០ ខែមិថុនា ឆ្នាំ ២០២២។

(VOVWORLD) - ក្នុងអំឡុងពេល ១០ ឆ្នាំ ចាប់តាំងពីឆ្នាំ ២០១២ មក ការងាប្រយុទ្ធប្រឆាំងអំពើពុករលួយរបស់វៀតណាម ទទួលបានវឌ្ឍនភាពយ៉ាងខ្លាំងក្លា និងសម្រេចបានលទ្ធផលសំខាន់ៗជាច្រើន គ្រប់ជ្រុងជ្រោយនិងច្បាស់លាស់ រួមចំណែកយ៉ាងសំខាន់ក្នុងការការពារមូលដ្ឋានមនោគមវិជ្ជារបស់បក្ស ការពារ របបសង្គមនិយម ដូចទៅនឹងការវាយតម្លៃនៅក្នុងសន្និសីទជាតិបូកសរុបការ ងារប្រយុទ្ធប្រឆាំងអំពើពុករលួយរយៈពេល១០ឆ្នាំ ២០១២ - ២០២២ ដែលប្រព្រឹត្តិទៅនាថ្ងៃទី ៣០ ខែមិថុនា ឆ្នាំ ២០២០ និងឆ្នាំ ២០២២ នៅទីក្រុងហាណូយ។ ការសុក្រិតយន្តការបង្ការប្រឆាំងយ៉ាងតឹងរឹង គឺជាកត្តាឈានមុខនៃការកំណត់ភាពជោគជ័យនៃការងារបង្ការប្រឆាំងអំពើពុករលួយរបស់វៀតណាម។

(VOVWORLD) - វៀតណាមតែងតែយកចិត្តទុកដាក់លើការងារលើកកម្ពស់  ការពារសិទ្ធិនិងផលប្រយោជន៍របស់ជនពិការ ដោយឈរលើមូលដ្ឋានសមភាព មិនរើសអើង ហើយតែងតែរួមបញ្ចូលបញ្ហានេះក្នុងក្របខ័ណ្ឌនៃការអភិវឌ្ឍប្រទេសជាតិ។ ប្រការនេះមិនត្រឹមតែត្រូវបានអគ្គទីប្រឹក្សា អនុប្រធានបេសកកម្មវៀតណាមប្រចាំនៅអង្គការសហប្រជាជាតិលោកស្រី Le Thi Minh Thoa អះអាងក្នុងសន្និសីទលើកទី ១៥ នៃប្រទេសសមាជិកនៃអនុសញ្ញាស្តីពីសិទ្ធិជនពិការ (CRPD) ដែលប្រព្រឹត្តទៅពីថ្ងៃទី ១៤ ដល់ថ្ងៃទី ១៦ មិថុនា ឆ្នាំ ២០២២ នៅទីក្រុងញូវយ៉ក សហរដ្ឋអាមេរិកប៉ុណ្ណោះទេ ថែមទាំងត្រូវបាន វៀតណាមអនុវត្តន៍តាមស្ថានភាពជាក់ស្តែងទៀតផង។

(VOVWORLD) - ការអភិវឌ្ឍដ៏សម្បើមបំផុតមួយក្នុងប្រវត្តិសាស្ត្រមនុស្សជាតិ គឺការបង្កើតអ៊ីនធឺណិត និងការអភិវឌ្ឍ Cyberspace (គឺជាការប្រើប្រាស់ បណ្តាញកុំព្យូរទ័រ និងមធ្យោបាយទំនាក់ទំនងផ្សេងៗដូចជានៅលើទូរស័ព្ទ ដែលមានការតភ្ជាប់គ្នាដោយប្រព័ន្ធអ៊ិនធឺណេត និងឌីជីថល….)។ គោលគំនិតនេះនាំមកនូវអត្ថប្រយោជន៍ដ៏ធំ សម្បើម ជួយលើកកំពស់គុណភាពជីវភាពរបស់មនុស្ស។ ដូចបណ្តាប្រទេសផ្សេងទៀតក្នុងពិភពលោកដែរ វៀតណាមបានកសាងប្រព័ន្ធច្បាប់ស្តីពីសិទ្ធិ និងសេរីភាពលើបណ្តាញអ៊ីនធឺណិត ដើម្បីធានាសិទ្ធិនិងសេរីភាពជាមូលដ្ឋានរបស់មនុស្ស លើកកម្ពស់នូវសមត្ថភាពក្នុងការទទួលនិងប្រើប្រាស់សិទ្ធិមនុស្សនៅលើបណ្តាញអ៊ីនធឺណិត ខណៈពេលដែលកាត់បន្ថយ និងលុបបំបាត់ ផលប៉ះពាល់អវិជ្ជមានរបស់អ៊ីនធឺណិតនៅលើមនុស្ស។ ប្រព័ន្ធច្បាប់នេះគឺសមស្របទាំងស្រុងជាមួយនឹងបណ្តាអនុសញ្ញាអន្តរជាតិស្តីពីសិទ្ធិមនុស្ស ដែលវៀត ណាមបាននិងកំពុងចូលរួម។

(VOVWORLD) - កាលពីថ្ងៃទី ២ ខែមិថុនាកន្លងមកនេះ អង្គការ Freedom House បានប្រើប្រាស់ឡើងវិញនូវល្បិចចាស់មួយ ដោយបានចេញផ្សាយនូវអ្វីដែលគេហៅថា "របាយការណ៍ស្តីពីការការពារលទ្ធិប្រជាធិបតេយ្យពេលរស់នៅនិរទេស" ជាមួយនឹងព័ត៌មានប្រឌិតនិងព័ត៌មានខុសឆ្គងជាច្រើន អំពីស្ថានភាពជាក់ស្តែងនៅក្នុងប្រទេសវៀតណាម។ បន្ទាប់នោះមួយរំពេច សារព័ត៌មានបរទេសមួយចំនួនដែលមានគំនិតអរិភាព ឬទស្សនៈខ្វះសុឆន្ទៈចំពោះវៀតណាម និងបណ្តាញសារព័ត៌មានដែលដំណើរការដោយមុខសញ្ញាប្រកិរិយា មុខសញ្ញាប្រឆាំង និងជនឆ្លៀតឱកាសនយោបាយបានកេងប្រវ័ញ្ច និងផ្សព្វផ្សាយព័ត៌មានដែលមានខ្លឹមសារមិនពិតខាងលើ ដើម្បីបំផ្លើសការពិត ប្រតិបត្តិការសកម្មភាពប្រឆាំងនឹងបក្ស រដ្ឋវៀតណាម។