(VOVWORLD) - នាពេលកន្លងទៅ កសិផលវៀតណាមបានឈានចូលទីផ្សារបរទេសដែលមានស្តង់ដារតឹងរឹង ដូចជាសហរដ្ឋអាមេរិក អូស្ត្រាលី ជប៉ុន កូរ៉េខាងត្បូង ថៃ សហភាពអឺរ៉ុប ចិន និងប្រទេសជាច្រើនទៀត ជាបណ្តើរៗ។ ដើម្បីសម្រេចបានលទ្ធផលនេះ ក្រៅពីដំណើរការដាំដុះប្រកបដោយសុវត្ថិភាពនិងផលិតផលមានគុណភាព ក៏មានការចងសម្ព័ន្ធយ៉ាងជិតស្និទ្ធរវាងអ្នកផលិតនិងសហគ្រាស ដើម្បីបង្កើតតំបន់វត្ថុធាតុដើមប្រកបដោយនិរន្តរភាពសម្រាប់បម្រើការនាំចេញផងដែរ។ នេះក៏ជាទិសដៅដែលត្រូវបានម្ចាស់ចំការជាច្រើនអនុវត្តន៍នៅតំបន់ដីសណ្តទន្លេ Cuu Long ។  

(VOVWORLD) - ខេត្ត Hoa Binh ស្ថិតនៅតំបន់ព្រៃភ្នំភាគពាយ័ព្យនៃប្រទេសវៀតណាម ជាខេត្តមួយមានគុណសម្បត្តិសម្រាប់ការអភិវឌ្ឍទេសចរណ៍ ដូចជា៖ ទេសភាពស្រស់ស្អាត ជាមួយនឹងរូងភ្នំនិងតំបន់អភិរក្សធម្មជាតិដែលមានប្រព័ន្ធអេកូឡូស៊ី សត្វ និងរុក្ខជាតិសម្បូរបែប។ ទន្ទឹមនឹងនោះ មានអត្តសញ្ញាណវប្បធម៌វិសេសវិសាល ជាកន្លែងរស់នៅរបស់បណ្តាជនជាតិភាគតិច ដូចជា៖ Muong , Thai, Tay, Dao និង Mong ។ ដោយផ្អែកលើគុណសម្បត្តិទាំងនោះ ក្រោយរយៈពេល ៣ ឆ្នាំនៃការអនុវត្តគម្រោងអភិវឌ្ឍន៍សេវាកម្ម និងទេសចរណ៍ខេត្ត Hoa Binh (ដំណាក់កាល ២០២១-២០២៥) វិស័យទេសចរណ៍របស់ខេត្តមានការផ្លាស់ប្តូររចនាសម្ព័ន្ធតាមទិសដៅវិជ្ជាជីវៈ និងទំនើប។

(VOVWORLD) - យុទ្ធសាស្ត្រជាតិស្តីពីកំណើនបៃតងដំណាក់កាល ២០២១ - ២០៣០ ចក្ខុវិស័យឆ្នាំ ២០៥០ បានកំណត់គោលដៅលើការធ្វើបៃតងវិស័យសេដ្ឋកិច្ចនានា។ ក្នុងនោះ ការអភិវឌ្ឍមជ្ឈមណ្ឌលឡូជីស្ទិកបៃតង និងកំពង់ផែបៃតង ក៏ជាភារកិច្ចត្រុវបានដាក់ចេញ។ យោងតាមមជ្ឈដ្ឋានសេដ្ឋវិទូបាន្យដឹងថា ការអភិវឌ្ឍបណ្តាញផ្គត់ផ្គង់បៃតងត្រូវបានចាត់ទុកជាទិសដៅអភិវឌ្ឍន៍ សម្រាប់ធុរកិច្ចដែលចង់កសាងម៉ាកយីហោស្និទ្ធស្នាលជាមួយបរិស្ថាន។ ទន្ទឹមនឹងនោះ នឹងរួមចំណែកលើកកម្ពស់សមត្ថភាពប្រកួតប្រជែងនៅក្នុងខឿនសេដ្ឋកិច្ច ដែលមានតម្រូវការតឹងរឹង អំពីការអភិវឌ្ឍបៃតងនិងការអភិវឌ្ឍប្រកបដោយចេរភាព។

(VOVWORLD) - ក្នុងរយៈពេល៦ខែដើមឆ្នាំ រដ្ឋាភិបាល ក្រសួង ស្ថាប័ន ផ្នែក និងមូលដ្ឋាននានាបានម្ចាស់ការដោះស្រាយការកកស្ទះ និងរបាំងផ្លូវច្បាប់ដែលរារាំងដល់ការវិនិយោគនិងអាជីវកម្មរបស់ធុរកិច្ច។ អាស្រ័យហេតុនេះ ការទាក់ទាញ FDI របស់វៀតណាមទទួលបានលទ្ធផលវិជ្ជមានជាច្រើន។ ដើមទុនសរុបសម្រេចបានជិត ១៥,២ ពាន់លានដុល្លារអាមេរិក កើនជាង ១៣% បើធៀបនឹងរយៈពេលដូចគ្នាកាលពីឆ្នាំមុន។ មិនត្រឹមតែប៉ុណ្ណោះ ការទាក់ទាញ FDI របស់វៀតណាមត្រូវបានព្យាករណ៍ថា នឹងបន្តរក្សាសន្ទុះវិជ្ជមានផងដែរ។

(VOVWORLD) - នាពេលថ្មីៗនេះ ខេត្ត Long An បាននាំចេញក្រូចឆ្មាទៅកាន់ទីផ្សារមជ្ឈិមបូព៌ា តាមរយៈសហគ្រាសធំៗមួយចំនួន។ ដើម្បីបង្កើនប្រាក់ចំណេញ និងទទួលបានទីផ្សារដ៏មានសក្ដានុពលនេះ សហករណ៍ក្នុងស្រុកបានទៅកាន់មជ្ឈិមបូព៌ាដើម្បីស្វែងរកទីផ្សារលក់ដុំ បើកការិយាល័យ និងចុះកិច្ចសន្យាដោយផ្ទាល់ ដើម្បីផ្គត់ផ្គង់ក្រូចឆ្មារដល់ប្រទេសជាច្រើននៅក្នុងតំបន់នេះ។ នេះបានបង្កស្ថិរភាព ហើយនាំមកនូវតម្លៃខ្ពស់សម្រាប់កសិផលនេះ។

(VOVWORLD) - ក្នុងរយៈពេល ៦ ខែដើមឆ្នាំ២០២៤នេះ ស្ថានភាពសេដ្ឋកិច្ចវៀតណាមបានរក្សានិន្នាការវិជ្ជមាន ដោយកំណើន GDP ឈានដល់ ៦,៤២% ។ ក្នុងនោះ ផលិតកម្មអាជីវកម្មបានកត់ត្រាការស្តារឡើងវិញយ៉ាងខ្លាំងក្លា រួមចំណែកយ៉ាងសំខាន់ដល់កំណើនសេដ្ឋកិច្ចទាំងមូល ដែលសន្យាថានឹងបង្កើតសន្ទុះសម្រាប់កំណើនក្នុងឆមាសទីពីរនៃឆ្នាំនេះ និងឆ្នាំបន្ទាប់ទៀត។

(VOVWORLD) - ទេសចរណ៍ខេត្ត Quang Binh កំពុងជំរុញខ្លាំងការធ្វើអាជីវកម្ម ពង្រីកការអភិក្រមទីផ្សារទេសចរណ៍តាមរយៈវេទិកាឌីជីថល។ ការអនុវត្តបច្ចេកវិទ្យា ធ្វើ បរិវត្តកម្មឌីជីថល និងតាមរយៈវេទិកាឌីជីថលបាននាំមកនូវឱកាសកាន់តែច្រើនសម្រាប់វិស័យទេសចរណ៍ និងធុរកិច្ចទេសចរណ៍ សម្រេចបាននូវគោលដៅទេសចរណ៍បៃតង និរន្តរភាព និងឆ្ពោះទៅពិភពលោក។

(VOVWORLD) - ខេត្ត Lao Cai គឺជាខេត្តព្រំដែណនៅតំបន់ព្រៃភ្នំភាគពាយ័ព្យវៀតណាម ដែលមានគុណសម្បត្តិជាច្រើនសម្រាប់ការអភិវឌ្ឍន៍ទេសចរណ៍ ដូចជាអាកាសធាតុអំណោយផល ធនធានធម្មជាតិសម្បូរបែប និងអត្តសញ្ញាណវប្បធម៌វិសេសវិសាល។ Lao Cai បានស្វាគមន៍ភ្ញៀវទេសចរជាង ៣,៥ លាននាក់ ស្មើនឹង ៤១,៦% នៃផែនការឆ្នាំ។ សម្រេចបានលទ្ធផលនេះគឺដោយសារមានវិធីសាស្ត្រច្នៃប្រឌិត និងមានប្រសិទ្ធភាពរបស់អង្គភាពអាជីវកម្មទេសចរណ៍ ជាពិសេសសហគមន៍នៅក្នុងតំបន់។

(VOVWORLD) - នាប៉ុន្មានខែដើមឆ្នាំនេះ ខេត្ត Ba Ria - Vung Tau មានគម្រោងវិនិយោគផ្ទាល់ពីបរទេស (FDI) ដែលបានចុះបញ្ជីថ្មីចំនួន ១៨គម្រោង ដោយមានទុនវិនិយោគសរុបជាង ១,៥ ពាន់លានដុល្លារអាមេរិក កើនឡើង ៤២ ដងបើធៀបនឹងរយៈពេលដូចគ្នាកាលពីឆ្នាំមុន។ ចំនួនគម្រោងដែលបានកែសម្រួលបង្កើនដើមទុនក៏បានកើនឡើង ១,៣ ដងផងដែរ។ ជាមួយនឹងតួលេខខាងលើ នេះជាលើកដំបូងហើយ ដែលខេត្ត Ba Ria - Vung Tau នាំមុខគេនៅទូទាំងប្រទេស ក្នុងការទាក់ទាញទុន FDI ។ លទ្ធផលនេះគឺសម្រេចបានដោយមានកិច្ចខិតខំប្រឹងប្រែងយ៉ាងខ្លាំងក្លាពីអាជ្ញាធរមូលដ្ឋាន។

(VOVWORLD) - នាប៉ុន្មានឆ្នាំកន្លងទៅ ពាណិជ្ជកម្មអេឡិចត្រូនិក (E-commerce) បានរីកចម្រើនយ៉ាងឆាប់រហ័ស និងក្លាយជានិន្នាការលេចធ្លោនៃពាណិជ្ជកម្មសកល។ នៅប្រទេសវៀតណាម ធុរកិច្ចកាន់តែច្រើនឡើងកំពុងអនុវត្តពាណិជ្ជកម្មអេឡិចត្រូនិកសម្រាប់ប្រតិបត្តិការរបស់ខ្លួន។ មិនត្រឹមតែទទួលបានជោគជ័យនៅទីផ្សារក្នុងស្រុកប៉ុណ្ណោះទេ ធុរកិច្ចទាំងនេះក៏បានផ្លាស់ប្តូរខ្លួនឯងដោយឥតឈប់ឈរ ក្តាប់យកនិន្នាការរបស់អ្នកប្រើប្រាស់ ដើម្បីកសាងយុទ្ធសាស្ត្រធ្វើអាជីវកម្មសមស្រប សំដៅនាំយកទំនិញវៀតណាមតាមរយៈវេទិកាពាណិជ្ជកម្មអេឡិចត្រូនិកឆ្លងដែន ឈានចូលទីផ្សារកាន់តែច្រើននៅទូទាំងពិភពលោក។

(VOVWORLD) - នាប៉ុន្មានខៃដើមឆ្នាំនេះ ការនាំចេញអង្កររបស់វៀតណាមសម្រេចបាន ជាង ១,៤ ពាន់លានដុល្លារអាមេរិក។ ក្នុងបរិបទនៃការថយចុះប្រភពផ្គត់ផ្គង់អង្ករពិភពលោក ដោយសារតែប្រទេសមួយចំនួននៅតែរឹតបន្តឹងការនាំចេញអង្ករ និងអាកាសធាតុមិនអំណោយផលបានប៉ះពាល់ដល់បិរមាណផល ការនាំចេញអង្កររបស់វៀតណាមត្រូវបានព្យាករណ៍ថា នឹងមានការរីកចម្រើន ហើយឈានដល់ទីផ្សារកាន់តែច្រើននាពេលអនាគតដ៏ខ្លីខាងមុខនេះ។

(VOVWORLD) - មិនត្រឹមតែមានទេសភាពធម្មជាតិ និងវប្បធម៌ដ៏វិសេសវិសាលប៉ុណ្ណោះទេ ខេត្ត Cao Bang ក៏មានខ្សែព្រំដែនប្រវែងជាង ៣៣៣ គីឡូម៉ែត្រជាប់ជាមួយប្រទេសចិន ដោយមានគោលដៅទេសចរណ៍ដ៏គួរឲ្យទាក់ទាញជាច្រើនផងដែរ។ ដូច្នេះហើយ ខេត្ត Cao Bang បានកំណត់ទេសចរណ៍ឆ្លងដែនគឺជាសក្តានុពលដ៏ធំធេងដែលត្រូវជំរុញ ដើម្បីបង្កើតកម្លាំងចលករសម្រាប់ការអភិវឌ្ឍន៍សេដ្ឋកិច្ចសង្គមរបស់ខេត្ត។