ភាពតានតឹងបានផ្ទុះឡើងនៅទួរគីបន្ទាប់ពីការផ្ទុះអណ្តូងរ៉ែធ្យូងថ្ម (Image: Vietnam+) (VOVworld) – ភាពតានតឹងបានផ្ទុះឡើងនៅទួរគីបន្ទាប់ពីការផ្ទុះអណ្តូងរ៉ែធ្យូងថ្មដែល បានកើតមានឡើងនាថ្ងៃទី ១៣ ឧសភា ធ្វើឲ្យមនុស្សរាប់រយនាក់ត្រូវស្លាប់និងរងរបួស។ ការប៉ះទង្គិចបានកើតមានឡើងរវាងកំលាំងប៉ូលីសនិងបាតុករនានានៅរដ្ឋធានី Ankara និងទីក្រុង Istanbul ក្នុងពេលដែល សម្ព័ន្ធសហជីពទួរគីបានអំពាវនាវធ្វើ បាតុកម្ម នាថ្ងៃទី ១៥ ឧសភា។ បាតុករគ្រប់រូបបានថ្កោលទោសរដ្ឋាភិបាលនិងផ្នែកឧស្សាហកម្មផលរ៉ែគ្មាន ការទទួលខុសត្រូវក្នុងបញ្ហានេះ។ ស្តីអំពីការងារជួយសង្គ្រោះ នាយករដ្ឋមន្ត្រីទួរគី លោក Recep Tayyip Erdogan បានទទួលស្គាល់ថា៖ ការផ្ទុះអណ្តូងរ៉ែធ្យូងថ្មពោលខាងលើគឺជា ឧប្បទ្ទេវហេតុធំបំផុតក្នុងប្រវត្តិសាស្ត្រទំនើបរបស់ ទួរគី ព្រមទាំងសន្យាធ្វើការស៊ើប អង្គេតមូលហេតុបង្កការផ្ទុះនេះ។ ក្នុងពេលនោះ រដ្ឋមន្ត្រីថាមពលទួរគី លោក Taner Yildiz បានឲ្យដឹងថា៖ គិតដល់ព្រឹកថ្ងៃទី ១៥ ឧសភា កម្មការចំនួន ២៧៤ នាក់ត្រូវស្លាប់៕