ចាប់ផ្ដើមនាឡិការរាប់ថយក្រោយមហោស្រពកីឡាឆ្នេរសមុទ្រទ្វីបអាស៊ីលើកទី៥-២០១៦        Vovworld-នាព្រឹកថ្ងៃទី២៤កញ្ញានៅទីក្រុង Da Nang ក្រសួងវប្បធម៍កីឡា​និង​ ទេសចរណ៍បានសហការជាមួយគណៈកម្មាធិការប្រជាជនទីក្រុង​ Da Nang ចាប់ ផ្ដើម​នាឡិការរាប់ថយក្រោយមហោស្រពកីឡាឆ្នេរសមុទ្រទ្វីបអាស៊ីលើកទី៥ឆ្នាំ ២០១៦។​ មហោស្រពកីឡាឆ្នេរសមុទ្រទ្វីបអាស៊ីលើកទី៥ឆ្នាំ២០១៦ (ABG 5) បាន ប្រព្រឹត្តទៅនៅ​ទីក្រុង Da Nang ចាប់ពីថ្ងៃទី២៤កញ្ញាដល់ថ្ងៃទី៣តុលាឆ្នាំ​២០១៦ ដោយប្រធានបទ បំភ្លឺ​មហាសាគរ អនាគតភ្លឺស្វាង ដែលគ្រោងនឹងទាក់​ទាញ មនុស្សប្រមាណ១ម៉ឺននាក់​ចូលរួម​ក្នុង​នោះមានកីឡាករកីឡាការិនីជាង៣​ពាន់នាក់។ លោក Dang Viet Dung អនុប្រធាន​គណៈកម្មាធិការប្រជាជនទីក្រុង Da Nang ប្រធាន គណៈចាត់តាំង ABG 5 បាន​ឲ្យដឹងថា៖         “ជាទីក្រុងដំណាងឲ្យវៀតណាមរៀបចំមហោស្រពកីឡា​ Da Nang នឹង​ខំប្រឹង ​ប្រែង​​អស់ពីចិត្តពីថ្លើមដើម្បីអនុវត្តល្អបំផុតរាល់សំណូមពររបស់ក្រុមប្រឹក្សា​អូឡាំពិក ​ទ្វីប​អាស៊ី របស់គណៈចាត់តាំងមហោស្រព។ ថ្នាក់ដឹកនាំនិងប្រជាជន​ទីក្រុងសប្បាយ ​រីករាយ​ដែលបានរួមកំលាំងនិងបង្កលក្ខណៈងាយស្រួលសំរាប់​កីឡាករកីឡាការិនី មាន​ការប្រកួតល្អ ពិធីជួបប្រាស្រ័យពោពេញទៅដោយ​ចំណង​សាមគ្គីភាពមិត្តភាព រវាង​ប្រជាជនទីក្រុងនិងភ្ញៀវទេសចរណ៍និងកីឡាករមកពី​ប្រទេសនិងដំបន់ដីជា ច្រើន៕”