រដ្ឋមន្ត្រីការបរទេសស៊ីរី លោក Walid al-Muallem (Image: Vietnam+) (VOVworld) – នាថ្ងៃទី ១០ កញ្ញា តាមបណ្ដាទីភ្នាក់ងារសាព័ត៌មានរុស្ស៊ីបានដកស្រង់ ពាក្យសំដីរបស់រដ្ឋមន្ត្រីការបរទេសស៊ីរី លោក Walid al-Muallem ដែលកំពុងមានដំណើរ ទស្សនកិច្ចនៅរុស្ស៊ី បានឲ្យដឹងថា៖  Damascus បានយល់ព្រមសំណើររបស់រុស្ស៊ីអំពីការ ដាក់ឃ្លាំងអាវុធគីមីនៃប្រទេសនេះស្ថិតនៅក្រោមការត្រួតពិនិត្យរបស់សហគមន៍អន្តរ ជាតិ។ នាថ្ងៃដ៏ដែល ក្នុងសម័យប្រជុំស្តីអំពីសិទ្ធិមនុស្សនៃក្រុមប្រឹក្សាសន្តិសុខ អ.ស.ប. ដែលបានប្រព្រឹត្តទៅនៅទីក្រុង Geneva ស្វីស បណ្ដាប្រទេសបានអះអាងថា៖ ភ័ស្តុតាង ចោទប្រកាន់អំពីការប្រើប្រាស់អាវុធគីមីនៅស៊ីរីគឺក្លែងបន្លំ។ តំណាងជាច្រើននាក់បាន សង្កត់ធ្ងន់ថា៖ “សេណារីយូរ” ប្រើប្រាស់កំលាំងប្រឆាំងស៊ីរី ដែលមិនទទួលបានការ យល់ព្រម របស់ក្រុមប្រឹក្សាសន្តិសុខនៃ អ.ស.ប. គឺជាការរំលោភដ៏ធ្ងន់ធ្ងរច្បាប់អន្តរ ជាតិ។ ទន្ទឹមនឹងនោះ ថ្នាក់ដឹកនាំអាមេរិកត្រូវទទួលខុសត្រូវចំពោះការគំរាមកំហែងប្រើ ប្រាស់កំលាំងរវាយប្រហារតម្រង់ទៅលើស៊ីរី ហើយអំពាវនាវឲ្យ អ.ស.ប. ទប់ស្កាត់ សកម្មភាពខុសច្បាប់នេះរបស់វ៉ាស៊ីនតោន។ ក្រៅពីនោះ​ រុស្ស៊ីបានរំលឹកថា៖ ការធ្វើអន្តរាគមន៍យោធានៅស៊ីរីនឹងបង្កគ្រោះមហន្តរាយ ខាងមនុស្សធម៌ចំពោះប្រទេសនេះនិយាយដោយឡែក និងចំពោះ តំបន់មជ្ឈឹមបូព៌ារ ទាំងមូល និយាយរួម។ នាថ្ងៃទី ១០ កញ្ញា ប្រធានាធិបតីអាមេរិក លោក Barack Obama និងមន្ត្រីជាន់ខ្ពស់របស់ វិមានសបានបន្តយុទ្ធនាការចលនាសម្លេងគាំទ្រសំរាប់សង្គ្រាមមួយតម្រង់ ទៅលើស៊ីរី ។ ប៉ុន្តែ អាមេរិកបានឯកភាពជាបណ្តោះអាសន្នចំពោះសំណើររបស់ រុស្ស៊ីក្នុងបញ្ហាស៊ីរី ។ នាបច្ចុប្បន្ន បារាំងកំពុងជំរុញសេចក្តីសម្រេចចិត្តមួយរបស់ អ.ស.ប. ដែលអំពានាវ ឲ្យ Damascus លុបចោលអាវុធគីមី៕