លោក ឡេ ក្វាងទុង លេខាគណៈកម្មាធិការបក្សទីក្រុងកឹនធើ ជួបធ្វើការជាមួយគណៈប្រតិភូក្រុមប្រឹក្សាសហព័ន្ធនៃសភាសហព័ន្ធរុស្ស៊ី (រូបថត៖ daibieunhandan.vn) វិនិយោគិន និងសហគ្រាសរុស្ស៊ីមានចំណាប់អារម្មណ៍យ៉ាងខ្លាំងក្នុងការស្វែងយល់អំពីឱកាសសហប្រតិបត្តិការវិនិយោគនៅទីក្រុងកឹនធើ ក្នុងនោះមានវិស័យទេសចរណ៍; បង្ហាញពីបំណងប្រាថ្នាចង់ពង្រីកកិច្ចសហប្រតិបត្តិការដោយផ្ទាល់រវាងតំបន់នានារបស់រុស្ស៊ី និងតំបន់នានារបស់វៀតណាម។ អនុប្រធានទីមួយនៃក្រុមប្រឹក្សាសហព័ន្ធនៃសភាសហព័ន្ធរុស្ស៊ី លោក អេ.វី. យ៉ាតស្គីន (កណ្តាល) ជួបពិភាក្សាជាមួយថ្នាក់ដឹកនាំនៃទីក្រុងកឹនធើ (រូបថត៖ daibieunhandan.vn) នៅខាងទីក្រុងកឹនធើ ថ្នាក់ដឹកនាំទីក្រុងបានសម្តែងក្តីសង្ឃឹមថា ចំណុចខ្លាំងក្នុងស្រុកដូចជាអង្ករ ផលិតផលជលផល និងអាហារសមុទ្រ នឹងត្រូវបាននាំចេញទៅកាន់ប្រទេសរុស្ស៊ីបន្ថែមទៀត; ភាគីទាំងពីរជំរុញការផ្លាស់ប្តូរគណៈប្រតិភូវិនិយោគ និងជំរុញពាណិជ្ជកម្ម ជាពិសេសទៅកាន់ សហគមន៍ធុរកិច្ចរុស្ស៊ីក្នុងវិស័យមួយចំនួនដូចជា ថាមពលកកើតឡើងវិញ កសិកម្មបច្ចេកវិទ្យាខ្ពស់ ឧស្សាហកម្មកែច្នៃផលិតផលកសិកម្ម ផលិតផលជលផល ឧស្សាហកម្មឧបត្ថម្ភផលិតកម្មបច្ចេកវិទ្យាខ្ពស់ និងសម្ភារៈ។ លោក ឡេ ក្វាងទុង (កណ្តាល) ថ្លែងនៅក្នុងជំនួបជាមួយអនុប្រធានទីមួយនៃក្រុមប្រឹក្សាសហព័ន្ធនៃសភាសហព័ន្ធរុស្ស៊ី លោក អេ.វី. យ៉ាតស្គីន (រូបថត៖ daibieunhandan.vn) ក្នុងពេលជាមួយគ្នានេះ ការតភ្ជាប់តំបន់នានានៃសហព័ន្ធរុស្ស៊ី ដើម្បីលើកកម្ពស់កិច្ចសហប្រតិបត្តិការពាណិជ្ជកម្ម វិនិយោគ និងផ្លាស់ប្តូរវប្បធម៌។ ថ្នាក់ដឹកនាំនៃទីក្រុង កឹនធើបានលើកឡើងពីការពិចារណាបើកជើង ហោះហើរត្រង់ពីទីក្រុង កឹនធើ ទៅកាន់តំបន់នានានៃសហព័ន្ធរុស្ស៊ី ជាពិសេសតំបន់ដែលប្រជាជន រុស្ស៊ីចាប់អារម្មណ៍លើអាកាសធាតុត្រូពិច និងវប្បធម៌ពិសេសរបស់កឹនធើ។ ក្នុងពេលជាមួយគ្នានេះ បញ្ជាក់ពីការប្តេជ្ញាចិត្តរបស់ទីក្រុងក្នុងការកែលម្អបរិយាកាសវិនិយោគ បង្កើតបរិយាកាសដែលមានតម្លាភាព ស្ថិរភាព និងអំណោយផលបំផុត៕