ប៉ាលី -ទីមកដល់គួឲ្យទាក់ទាញរបស់ឥណ្ឌូនេស៊ី (រូបថតៈ wallpaperocean.com) (VOVworld)-រដ្ឋមន្ត្រីទេសចរណ៍ឥណ្ឌូនេស៊ីលោក Arief Yahya នាថ្ងៃទី១៦មិនា បានឲ្យដឹងថា រដ្ឋាភិបាលនៃប្រទេសនេះ នឹងលើកលែងទិដ្ឋាការសម្រាប់ពលរដ្ឋ នៃ ប្រទេសចំនួន២៥លើពិភពលោកសំដៅជម្រុញការអភិវឌ្ឍន៍វិស័យទេសចរណ៍ ក្នុងនោះមានប្រទេសចិន កូរ៉េខាងត្បូង រុស្ស៊ីនិងជប៉ុន។ តាមលោក Yahya ថា គោលនយោបាយនេះនឹងជួយឥណ្ឌូនេស៊ីសម្រេចបានគោល ដៅទាក់ទាញ បានភ្ញៀវទេសចរណ៍១០លាននាក់ក្នុងឆ្នាំ២០១៥ និងបង្កើនចំណូលជាតិ ពីបណ្តាវិស័យសេវ៉ាកម្មទេសចរណ៍។​នាបច្ចុប្បន្ន ឥណ្ឌូនេស៊ី កំពុងអនុវត្តការ លើកលែងទិដ្ឋាការសម្រាប់ប្រទេសនិងតំបន់ដែនដីចំនួន១៥ ក្នុងនោះមាន ប្រទេសអាស៊ានចំនួន៩ផងដែរ៕