ជំនាន់វ័យក្មេងនឹងបន្តពង្រីកចំណងមិត្តភាពវៀតណាម-ចិន         Vovworld-ក្នុងក្របខ័ណ្ឌដំណើរទស្សនកិច្ចថ្នាក់រដ្ឋមកវៀតណាមនាព្រឹក​ថ្ងៃ​ ទី​៦វិច្ឆិកានៅក្រុងហាណូយ អគ្គលេខាបក្សនិងជាប្រធានរដ្ឋចិនលោក Xi Jinping និង​អគ្គលេខាបក្សកុម្មុយនីស្តវៀតណាមលោក Nguyen Phu Trong បានអញ្ចើញ ​ចូលរួម​និងថ្លែងមតិនៅជំនួបប្រាស្រ័យមិត្តភាពយុវជនវៀតណាម-ចិនលើកទី១៦​ និងឥស្សរិជននៃប្រទេសទាំងពីរ។ ថ្លែងមតិនៅជំនួបប្រាស្រ័យនេះ អគ្គលេខា Nguyen Phu Trong បានសង្កត់ធ្ងន់ថា៖ “វៀតណាមនិងចិនមានរបបនយោបាយប្រហាក់ប្រហែលនិងកំពុងក្នុង​ ដំណាក់កាលអភិវឌ្ឍន៍សំខាន់។ បុព្វហេតុផ្លាស់ប្តូរថ្មីសមាហរណកម្មនិងកែ ទម្រង់​បើកទ្វារនៅប្រទេសនីមួយៗកំពុងទទួលបានជ័យជំនះដ៏ធំធេងមានអត្ថន័យ ​ប្រវត្តិសាស្ត្រ ប៉ុន្តែកំណាត់ផ្លូវនៅខាងមុខនៅមានការសាកល្បងនិងភារកិច្ចដែល ​បាន​ដាក់ចេញក៏ធ្ងន់ធ្ងរដែរ។ យុវវ័យជាម្ចាស់អនាគតនៃប្រទេសនីមួយៗ ត្រូវជា ​កំលាំងស្នូលប្រែក្លាយបំណងប្រាថ្នាដ៏ធំធេងនោះនៃប្រជាជាតិនីមួយៗក្លាយទៅ ជាការពិត។” អគ្គលេខា Nguyen Phu Trong បានសម្ដែងបំណងចង់ឲ្យជំនាន់​វ័យក្មេង​នៃ​ប្រទេស ទាំងពីរយល់​ដឹងយ៉ាងជ្រាលជ្រៅគោរពនិងពង្រីកដោយឥតឈប់ឈរ​តំលៃ​នៃទំនាក់ ទំនងជិតខាងមិត្តភាពវៀតណាម-ចិនពីជំនាន់មួយទៅជំនាន់មួយ។ រីឯអគ្គលេខានិង ជា​ប្រធានរដ្ឋចិនលោក Xi Jinping បានសង្កត់ធ្ងន់ថា ប្រជាជន​ចិន​នឹងប្តេជ្ញា​ស្មោះត្រង់ សហប្រតិបត្តិការស៊ីជម្រៅមានផលប្រយោជន៍ដូចគ្នា​តភ្ជាប់ជាមួយ​ប្រទេសជិតខាង ក្នុងនោះមានវៀតណាមផង៕