កងកម្លាំងសន្តិសុខរួមជាមួយឆ្កែជំនាញកំពុងបំពេញភារកិច្ចនៅ ព្រលានយន្តហោះRonald Reagan (អាមេរិក) (រូបថតៈ Reuters) (VOVworld)-រួមជាមួយបណ្តាបញ្ហាសេដ្ឋកិច្ច បញ្ហាសន្តិសុខនៅតែជាការយកចិត្ត ទុកដាក់ចម្បងរបស់ប្រជាជនអាមេរិក។ តាមការស្ទង់សាធារណមតិរបស់វិទ្យា ស្ថាន Gallup អាមេរិក សរឲ្យឃើញថា ប្រជាជនអាមេរិកចំនួន៥១%បានចែករំ លែកអំពីការព្រួយបារម្ភនេះ។​រួមជាមួយគ្នានោះ ប្រជាជនអាមេរិក ក៏បាន សម្តែងក្តីព្រួយបារម្ភណ៍អំពីស្ថានភាពជនអន្ដោប្រវេសន៍ខុសច្បាប់ គឺកើនពី៦% ឡើងដល់៣៩%ប្រៀបនឹងឆ្នាំមុននេះ។         វិទ្យាស្ថាន Gallup បានឲ្យដឹងថា ព្រឹត្តិការណ៍ធំៗមួយចំនួនកើតមានឡើង នៅពិភពលោក ធ្វើឲ្យផ្លាស់ប្តូរឥរិយាបទរបស់ជនអាមេរិកចំពោះរាល់បញ្ហាធំៗ ដែលអាមេរិកកំពុងប្រឈមមុខ។​ការវាយប្រហារភេរវកម្មតម្រង់ទៅលើគ្រឹះស្ថាន​បោះពុម្ភកាសែតនៅក្រុងប៉ារីសរបស់បារាំង និងការរីករាលដាលរបស់ក្រុមជន សកម្មប្រយុទ្ធ IS នៅស៊ីរីនិងអ៊ីរ៉ាក់ ក៏បានជះឥទ្ធិពលទៅលើឥរិយាបទរបស់ ជន អាមេរិក ព្រមទាំងនាំឲ្យមានការព្រួយបារម្ភអំពីបញ្ហាសន្តិសុខផ្ទៃក្នុង។ លើសពី នេះទៅទៀត បណ្តាបាតុកម្មប្រឆាំងជំទាស់ប៉ូលីសស្បែកសបាញ់សម្លាប់ យុវជន ស្បែកខ្មៅម្នាក់នៅរដ្ឋ Missouriនិងបញ្ហាមួយចំនួនទៀត ធ្វើឲ្យកើនឡើងការព្រួយ បារម្ភរបស់ជនអាមេរិកអំពីភាពតានតឹងជាតិសាសន៍៕