VOV-ក្នុងក្របខ័ណ្ឌដំណើរទស្សនកិច្ចជាផ្លូវការនៅអាមេរិក នាថ្ងៃទី២៥​កក្កដា​នៅវិមានសរនៅទីក្រុងវ៉ាស៊ីងតោន ប្រធានរដ្ឋវៀតណាមលោក Truong Tan Sang និងប្រធានាធិបតីលោក Barack Obama បានជួបចរចារពិភាគ្សាអំពីរាល់បញ្ហា សំខាន់​ក្នុង​កិច្ចសហប្រតិបត្តិការរវាងប្រទេសទាំងពីរវៀតណាម-អាមេរិកក៏ដូចជា​ បញ្ហាដំបន់​និងអន្តរជាតិដែលភាគីទាំងពីរយកចិត្តទុកដាក់ដូចគ្នា។         នៅការចរចារ ប្រធានាធិបតី Obama និងប្រធានរដ្ឋ​ Truong Tan Sang បាន​សំរេចចិត្តបង្កើតទំនាក់ទំនងដៃគូលើគ្រប់វិស័យវៀតណាម-អាមេរិកដោយផ្អែក​ ទៅ​លើគោលការណ៍គោរពធម្មនុញ្ញអង្គការសហប្រជាជាតិច្បាប់អន្តរជាតិគោរព របប​នយោបាយឯករាជ្យអធិបតេយ្យភាពនិងបូរណភាពដែនដីរបស់គ្នា។ ថ្នាក់ ដឹកនាំ​ទាំង​ពីររូបបានសង្កត់ធ្ងន់ថា កិច្ចសហប្រតិបត្តិការសេដ្ឋកិច្ចពាណិជ្ជកម្ម​ វិនិយោគ​ជាគ្រឹះស្ថាននិងជាកំលាំងចលកររបស់ដៃគូលើគ្រប់វិស័យរវាងវៀត ណាមជាមួយអាមេរិក ព្រមទាំងអះអាងកិច្ចសន្យាសំរេចការចរចារកិច្ចព្រមព្រៀង សហប្រតិបត្តិការដៃគូអន្តរ​ប៉ាស៊ីហ្វីក (TPP) ក្នុងរយៈពេលឆាប់បំផុតក្នុងឆ្នាំ។ ប្រធានរដ្ឋវៀតណាមលោក Truong Tan Sang និងប្រធានាធិបតីលោក Barack Obama បានជួបចរចារ (whitehouse.gov)         ប្រធានាធិបតី Obama បានស្វាគមន៍រាល់សមិទ្ធិដែលវៀតណាមទទួលបាន ក្នុងការផ្លាស់ប្តូរថ្មីសេដ្ឋកិច្ច​ កត់សម្គាល់ការយកចិត្តទុកដាក់របស់វៀតណាមអំពី ការដែលអាមេរិក​ទទួល​ស្គាល់វៀតណាមជាខឿនសេដ្ឋកិច្ចទីផ្សារ។ ថ្នាក់ដឹកនាំ ទាំងពីររូបបាន​ឯកភាព​បង្កើនកិច្ចសហការលើបណ្ដាវេទិការអន្តរជាតិនិងដំបន់។ ថ្នាក់ដឹកនាំទាំង​ពីរ​រូបបានអះអាងឡើងវិញនូវការគាំទ្រដោះស្រាយជំលោះនៅ សមុទ្រខាងកើត​ដោយសន្តិវិធីសមស្របទៅនឹងច្បាប់អន្តរជាតិ ក្នុងនោះមាន អនុសញ្ញាអង្គការ​សហប្រជាជាតិស្ដីពីច្បាប់សមុទ្រឆ្នាំ១៩៨២ (UNCLOS) ទន្ទឹម នឹងនោះអះអាងនូវការ​គាំទ្រគោលការណ៍មិនប្រើប្រាស់អំពើហឹង្សារឺគំរាមកំហែង ប្រើប្រាស់អំពើហឹង្សា​ដើម្បីដោះស្រាយជំលោះលើសមុទ្រនិងដែនដី។ ប្រធានាធិបតី Obama និង​ប្រធានរដ្ឋ Truong Tan Sang បានសង្កត់ធ្ងន់ទៅលើតំលៃ នៃការគោរពយ៉ាង​ពេញ​លេញសេចក្តីថ្លែងការណ៍ស្ដីពីការប្រតិបត្តិរបស់ភាគី នានានៅសមុទ្រខាងកើត (DOC) រវាងអាស៊ាននិងចិន សារសំខាន់នៃការចាប់ ផ្ដើមចរចារដើម្បីទទួលបាន​ក្រម​ប្រតិបត្តិដំបន់នៅសមុទ្រខាងកើត (COC) ប្រកបដោយសក្តិសិទ្ធិនៅសមុទ្រខាងកើត។         ភាគីទាំងពីរក៏បានផ្លាស់ប្តូរអំពីបញ្ហាមួយចំនួននៅមានការខ្វែងគំនិត ក្នុង នោះ​មានបញ្ហាសិទ្ធិមនុស្ស ដោយមិនទុកឲ្យបញ្ហានេះជិះឥទ្ធិពលដល់ទំនាក់ ទំនងដែល​កំពុង​អភិវឌ្ឍន៍យ៉ាងល្អប្រសើររវាងប្រទេសទាំងពីរ។         ក្រោយការចរចារ ប្រធានរដ្ឋ Truong Tan Sang និងប្រធានាធិបតី Barack Obama បានជួបប្រាស្រ័យជាមួយមជ្ឈដ្ឋានអ្នកសារព័ត៌មានដើម្បីប្រកាស លទ្ធផល​មួយចំនួននៃការចរចារ។ វាយតំលៃខ្ពស់លទ្ធផលនៃការចរចារ​ប្រធានរដ្ឋ Truong Tan Sang បានឲ្យដឹងថា៖         “យើងខ្ញុំបានពិភាគ្សាយ៉ាងម៉ត់ចត់និងស៊ីជម្រៅទំនាក់ទំនងអំពីនយោបាយ​ កិច្ចការបរទេស អំពីបញ្ហាវិទ្យាសាស្ត្របច្ចេកវិទ្យា សន្តិសុខការពារជាតិ ជំនះពុះពារ​លើផលវិបាកនៃសង្គ្រាមដែលបន្សល់ទុកអំពីបញ្ហាជនវៀតណាមនៅអាមេរិកក៏ ដូចជាបញ្ហាសិទ្ធមនុស្ស។ យើងខ្ញុំទទួលបានការឯកភាពខ្ពស់។ ខ្ញុំចាត់ទុកថា​នេះ​ ជា​មូលដ្ឋានដ៏សំខាន់បង្កើតទំនុកទុកចិត្តនយោបាយដ៏ខ្ពស់​បង្កលក្ខណៈ​ងាយ​ស្រួលសំរាប់បញ្ហាទាំងអស់ដែលយកចិត្តទុកដាក់ដូចគ្នា។”         ប្រថានាធិបតី ​Obama ក៏សង្កត់ធ្ងន់ថា​ចង់ឲ្យកិច្ចសហប្រតិបត្តិការរវាង​ប្រទេស​ទាំងពីរក៏ដូចជាយថាទស្សសហប្រតិបត្តិការថ្មីលើមូលដ្ឋានបង្កើតដៃគូលើ​គ្រប់ វិស័យរវាងប្រទេសទាំងពីរតាមរយៈដំណើរទស្សនកិច្ចនៅអាមេរិករបស់​ប្រធានរដ្ឋ Truong Tan Sang លើកនេះ។         “ជាថ្មីម្ដងទៀតសូមថ្លែងអំណរគុណលោកប្រធានអំពីដំណើរទស្សនកិច្ចលើក នេះរបស់លោក។ នេះជាឱកាសដើម្បីយើងឈានទៅកិច្ចសហប្រតិបត្តិការ​ដ៏ធំធេង ជាង ក្នុងការបោះជំហានជាបន្តរបស់ប្រទេសទាំងពីរ។ យើងត្រូវបង្កើនថែមទៀត​កិច្ចសហប្រតិបត្តិការខាងពាណិជ្ជកម្មវិទ្យាសាស្ត្រក៏ដូចជាវិស័យផ្សេងៗ​ប្រការនោះ​នឹងនាំមកផលប្រយោជន៍និងភាពសម្បូរុងរឿងសំរាប់ប្រទេសទាំងពីរ។”         នាថ្ងៃដ៏ដែល​ប្រធានរដ្ឋវៀតណាមលោក Truong Tan Sang បានជួបសន្ទនា​ ជាមួយព្រឹទ្ធសមាជិក Patrick Leahy ប្រធានអចិន្ត្រៃយ៍ព្រឹទ្ធសភាអាមេរិក។ ប្រធាន​រដ្ឋវៀតណាមលោក Truong Tan Sang បានវាយតំលៃខ្ពស់តួនាទីរបស់​ព្រឹទ្ធសមាជិក Patrick Leahy និងព្រឹទ្ធសភាអាមេរិកក្នុងការជំរុញទំនាក់ទំនងនៃ​ប្រទេស​ទាំងពីរ ថ្លែងអំណរគុណ ដល់ព្រឹទ្ធសមាជិក Patrick Leahy ដែលបានគាំទ្រដំណើរ​ការ ប្រក្រតីនិងអភិវឌ្ឍន៍ទំនាក់ទំនង។ ប្រធានរដ្ឋ Truong Tan Sang ចង់ឲ្យព្រឹទ្ធ​សមាជិក Patrick Leahy បន្តរួមចំណែកជំរុញទំនាក់ទំនងរវាងប្រទេសទាំងពីរក្នុង​រយៈពេល ខាងមុខ ក៏ដូចជាគាំទ្រការបង្កើតយន្តការសន្ទនាប្រចាំឆ្នាំរវាងរដ្ឋសភា​ទាំងពីរ និង ចង់ឲ្យព្រឹទ្ធសភាអាមេរិកមិនអនុម័តលើបណ្ដាគំរោងច្បាប់សេចក្តី​សំរេចចិត្តគ្មាន ផលប្រយោជន៍សំរាប់ការអភិវឌ្ឍន៍ទំនាក់ទំនងនៃប្រទេសទាំងពីរ។         នារសៀលថ្ងៃទី២៥កក្កដា ប្រធានរដ្ឋវៀតណាមលោក Truong Tan Sang បាន មានបទថ្លែងមតិនៅមជ្ឈមណ្ឌលស្រាវជ្រាវយុទ្ធសាស្ត្រនិងអន្តរជាតិ (CSIS)​​ អំពី ទំនាក់ទំនងវៀតណាមអាមេរិកក្នុងក្របខ័ណ្ឌអាស៊ី-ប៉ាស៊ីហ្វិក។ ប្រធាន​រដ្ឋ Truong Tan Sang បានសង្កត់ធ្ងន់ថា៖         “សារដែលខ្ញុំចង់សង្កត់ធ្ងន់ជាមួយអស់លោកលោកស្រីគឺ វៀតណាមចង់ឲ្យ​ប្រទេសទាំងពីរនឹងបង្កើនកិច្ចសហប្រតិបត្តិការលើគ្រប់វិស័យដើម្បីផលប្រយោជន៍ របស់ប្រជាជននៃប្រទេសទាំងពីរ រួមដៃរួមចំណែកនិងពូនជ្រុំសំរាប់អាស៊ី-ប៉ាស៊ីហ្វិក ​មួយ​សន្តិភាពស្ថិរភាពសកម្មនិងសម្បូររុងរឿង។ ការចរចារជាន់ខ្ពស់បង្កើតទំនាក់ទំនងដៃគូលើគ្រប់វិស័យវៀតណាម-អាមេរិក។ (vov.vn)         ក្នុងឱកាសដំណើរទស្សនកិច្ចនៅអាមេរិករបស់ប្រធានរដ្ឋវៀតណាម Truong Tan Sang ចាប់ពីថ្ងៃទី២៤ដល់២៦កក្កដា ប្រធានាធិបតីអាមេរិក Barack Obama និង ប្រធានរដ្ឋ Truong Tan Sang បានឯកភាពចេញសេចក្តីថ្លែងការណ៍រួម​វៀត​ណាម-​ អាមេរិក។ សេចក្តីថ្លែងការណ៍រួមបានសង្កត់ធ្ងន់ថា ដំណើរ​ទស្សនកិច្ច​របស់​ប្រធានរដ្ឋវៀតណាមលោក​ Truong Tan Sang បានប្រព្រឹត្តទៅក្នុងដំណាក់កាល​សំខាន់ចំពោះប្រទេសទាំងពីរឆ្លុះបញ្ជាំងបំណង់រួមកសាងទំនាក់ទំនងឆ្ពោះទៅ​អនាគតរវាងប្រទេសទាំងពីរ។​ ថ្នាក់ដឹកនាំទាំងពីរបានសំរេចចិត្តបង្កើតក្របខ័ណ្ឌ​មេមួយដើម្បីជំរុញទំនាក់ទំនង។ ប្រធានាធិបតី Barack Obama និងប្រធានរដ្ឋ Truong Tan Sang បានសង្កត់ធ្ងន់ទៅលើបណ្ដាគោលការណ៍ក្នុងទំនាក់ទំនងដៃគូ​លើគ្រប់វិស័យវៀតណាម-អាមេរិក ក្នុងនោះគោរពធម្មនុញ្ញអង្គការសហប្រជាជាតិ​ ច្បាប់​អន្តរជាតិគោរពរបបនយោបាយឯករាជ្យអធិបតេយ្យភាពនិងបូរណភាព ដែន​ដី​រ​បស់គ្នា។ ថ្នាក់ដឹកនាំទាំងពីររូបបានប្រកាសទំនាក់ទំនងដៃគូលើគ្រប់ វិស័យសំដៅ​រួម​ចំណែកទៅក្នុងសន្តិភាពស្ថិរភាពកិច្ចសហប្រតិបត្តិការនិងភាព សម្បូររុងរឿង​របស់ប្រទេសនីមួយៗ ក្នុងដំបន់និងលើពិភពលោក៕