(VOVworld) - អនុវត្តកិច្ចព្រមព្រៀងរវាងក្រសួងការបរទេសវៀតណាមនិងក្រសួង ការបរទេសកាតា នាថ្ងៃទី១១ កុម្ភៈ អនុរដ្ឋមន្ត្រីការបរទេសវៀតណាមលោក Vu Hong Nam និងទីប្រឹក្សារដ្ឋមន្រ្តីការបរទេសកាតាលោក Mohammed Bin Abdullah Bin Mutib Al Rumaihi បានដំណើការកិច្ចប្រជុំពិគ្រោះយោបល់ នយោបាយលើកទី១ រវាងក្រសួងការបរទេសទាំង២នៅរដ្ឋធានីហាណូយរបស់ វៀតណាម។ភាគីទាំង២ បានផ្លាស់ប្ដូរមតិអំពីវិធានការបង្កើនទំនាក់ទំនងលើវិស័យជាច្រើនរវាងវៀតណាម និងកាតា ជាពិសេសគឺលើវិស័យនយោបាយការទូត ពាណិជ្ជកម្ម វិនិយោគនិង ពលករ។ភាគីទាំង២បានឯកភាពថា ត្រូវបង្កើនការផ្លាស់ ប្ដូរគណៈប្រតិភូគ្រប់ ជាន់ថ្នាក់និងសហការយ៉ាងស្អិតរមួតនៅវេទិការអន្តរជាតិ នានា។លើវិស័យ សេដ្ឋកិច្ច ប្រទេសទាំង២ឯកភាពថា ត្រូវបង្កើនការជួបប្រាស្រ័យរវាង ក្រសួង ស្ថាប័ននានានិងមជ្ឈដ្ឋានអាជីវករនៃប្រទេសទាំង២ សំដៅ លើកកំពស់តំលៃ ប្រាក់ពាណិជ្ជកម្មទ្វេភាគី ជំរុញខ្លាំងការលាតត្រដាងអនុវត្ត កិច្ចព្រមព្រៀង សហប្រតិបតិ្តការលើវិស័យវិនិយោគ កសិកម្ម ពលកម្មនិង អភិវឌ្ឍន៍ប្រភព ធនធានមនុស្សនាពេលខាងមុខ៕