កិច្ចសហប្រតិបត្តិការសន្តិភាពនៅសមុទ្រខាងកើតជាផលប្រយោជន៍របស់ប្រទេសទាំងឡាយ (VOV)_​នារសៀលថ្ងៃទី១៩ខែធ្នូ នៅមហាវិទ្យាល័យ Meiji Tokyo ប្រទេស​ជប៉ុន  វិទ្យាស្ថានបណ្ដាបញ្ហាសកល Meiji ( MIGA) និងវិទ្យាស្ថាននយោបាយ​អន្តរជាតិ Meiji  (MIIPS) បានរៀបចំសិក្ខាសាលាអន្តរជាតិ ស្ដីអំពីសមុទ្រ​ខាងកើត ​ដោយប្រធានបទ៖ ក្រោយពីសេចក្ដីសម្រេចចិត្តរបស់តុលាកា (PCA) នៅឡាអេ​ (ប្រទេសហូឡង់) អនាគត របស់នាវាចរណ៍អាស៊ី។​ចូលរួមសិក្ខាសាលានេះ ​មានបណ្ដាអ្នកប្រាជ្ញជួរមុខរបស់ជប៉ុន  និងប្រទេសផ្សេងៗក្នុងតំបន់។           ថ្លែងមតិនៅទីនេះ អង្គសន្និសីទបានអះអាងថា៖ សេរីភាពនាវាចរណ៍ ​អាកាស ចរណ៍នៅសមុទ្រខាងកើត មិនគ្រាន់តែជាផកប្រយោជន៍របស់ប្រទេស​ក្នុងតំបន់ ប៉ុណ្ណោះទេ ថែមទាំង ជាផលប្រយោជន៍សកលទៀតផង។ ទន្ទឹមនឹងនោះ អង្គសន្និសីទ ក៏បានចាត់ទុកថា សេចក្ដីសម្រេចចិត្តរបស់តុលាកាជាមូលដ្ឋានដើម្បីប្រទេសទាំង ឡាយជំរុញកិច្ចសហប្រតិបត្តិការ ក្នុងបញ្ហាសមុទ្រខាងកើតរក្សាសេរីភាពនាវាចរណ៍  អាកាសចរណ៍នៅសមុទ្រខាងកើតសន្តិភាព ស្ថិរភាព ​ជាផលប្រយោជន៍របស់ប្រទេសទាំងឡាយ៕