ព្រះមហាក្សត្រកម្ពុជា នរោត្តម សីហមុនី ដាក់តម្រងផ្កានៅវិមានឯករាជ្យ។ (VOVworld) - នាព្រឹកថ្ងៃទី៩ វិច្ឆិកា នៅរាជធានីភ្នំពេញរបស់កម្ពុជាបានប្រព្រឹត្តទៅ ពិធីមីទ្ទិញរំលឹកខួបអនុស្សាវរីយ៍លើកទី៦២ទិវាឯករាជ្យ (ថ្ងៃទី៩ វិច្ឆិកា)។ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ប្រធានរដ្ឋសភា សម្ដេច ហេង សា រឹន នាយករដ្ឋមន្រ្តីសម្ដេចតេជោ ហ៊ុន សែន ប្រធានព្រឹទ្ធសភា សម្ដេច សាយ ឈុំ ព្រមទាំងមន្រ្តីជាន់ខ្ពស់យ៉ាងច្រើនកុះករនៃព្រះបរមរាជវាំង ព្រឹទ្ធសភា រដ្ឋសភា រាជ រដ្ឋាភិបាល អង្គទូតប្រចាំនៅកម្ពុជា និងប្រជាពលរដ្ឋកម្ពុជា រាប់ម៉ឺននាក់បានចូលរួម ពិធីនេះ។ នាថ្ងៃទី៩ វិច្ឆិកា ឆ្នាំ១៩៥៣ ព្រះរាជាណាចក្រកម្ពុជាក្រោមការដឹកនាំរបស់អតីតព្រះ មហាក្សត្រ នរោត្តម សីហនុ បានដណ្ដើមឯករាជ្យពីអណានិគមបារាំង ដែលបាន កាន់កាប់ដែនដីកម្ពុជាតាំងពីឆ្នាំ១៨៦៣។ក្នុងប៉ុន្មានឆ្នាំជិតៗនេះ រាជរដ្ឋាភិបាល កម្ពុជារបស់គណៈបក្សប្រជាជនកម្ពុជាបានដឹកនាំប្រទេសជាតិនិងប្រជាជនទទួល បានសមិទ្ធិផលសេដ្ឋកិច្ច នយោបាយគួរឲ្យកត់សំគាល់។ពីប្រទេសមួយខ្វះស្បៀង អាហារក្នុងប៉ុន្មានឆ្នាំដើមទសវត្សរ៍ទី៨០នៃសតវត្សមុន នាបច្ចុប្បន្នកម្ពុជា ជា ប្រទេសមួយក្នុងចំណោមប្រទេសនាំចេញស្រូវអង្ករធំបំផុតលើពិភពលោក។ នាព្រឹកថ្ងៃដដែល សម្ព័ន្ធបណ្ដាអង្គការមិត្តភាពនិងសមាគមន៍មិត្តភាពវៀតណាម- កម្ពុជាទីក្រុងហូជីមិញក៏បានរៀបចំពិធីរំលឹកខួបលើកទី៦២ទិវាឯករាជ្យរបស់កម្ពុជា ផងដែរ៕