រដ្ឋមន្ត្រីការបរទេសរុស្ស៊ីលោក Sergei Lavrov និងសមភាគីអាមេរិក John Kerry (Reuters)        Vovworld-រាត្រីថ្ងៃទី២៤មិនា បណ្ដាប្រទេស G7 បានចេញសេចក្តី​ថ្លែងការ​រួម​ គំរាម​កំហែងបង្កើនការដាក់ទណ្ឌកម្មចំពោះរុស្ស៊ីដោយទាក់ទិនដល់វិបត្តិនៅ​ អ៊ុយក្រែន ទន្ទឹមនឹងនោះធ្វើពហិការសន្និសីទកំពូល G8 នៅទីក្រុង Sochi (រុស្ស៊ី)​នា ខែមិថុនា​ខាង​មុខ។ នៅខាងក្រៅសន្និសីទកំពូលសន្តិសុខនុយគ្លេអ៊ែលើកទី៣​នៅ ទីក្រុងឡាអេ (ហូឡង់) បន្ទាប់ពីកិច្ចប្រជុំបណ្ដាប្រទេស G7 រួមមានអង់គ្លេស បារាំង​ អាមេរិក អាល្លឺម៉ង់ អ៊ីតាលី ជប៉ុននិងកាណាដា ដោយប្រធានាធិបតី​អាមេរិក Barack Obama ធ្វើជាអធិបតី ក្រុម G7 បានអំពាវនាវរុស្ស៊ីបំផុសការសន្ទនា​ជាមួយអ៊ុយក្រែន​ តាមរយៈ​អន្តរការីអន្តរជាតិ។ G7 ក៏សំរេចចិត្តលុបចោលសន្និសីទកំពូល G8 (រួម​ មាន​ប្រទេស G7 និងរុស្ស៊ី) នាពេលខាងមុខនៅទីក្រុង Sochi។ ក្រុមប្រទេស G7 ប្រកាសថា សន្និសីទមួយនឹងបានរៀបចំឡើងនៅទីក្រុង Brussels (ប្រទេសបែល ហ្ស៊ីក)។ នាបច្ចុប្បន្នរុស្ស៊ីមិនទាន់ដាក់ចេញប្រតិកម្មជាផ្លូវការចំពោះ​សេចក្តី​ប្រកាស​ របស់​ក្រុម G7។ ប៉ុន្តែថ្លែងមតិបន្ទាប់ពីជំនួបសន្ទនាជាមួយ​សមភាគី​អាមេរិក John Kerry នៅឡាអេរដ្ឋមន្ត្រីការបរទេសរុស្ស៊ីលោក Sergei Lavrov បានឲ្យដឹងថា រុស្ស៊ីមិន​ ខំប្រឹងប្រែង​រក្សា G8 ពីព្រោះនេះជាវេទិការមួយមិនផ្លូវការ គ្មានប្រទេស​ណា​មាន សិទ្ធិប្រគល់​សំបុត្រ​ចូលរួមរឺដេញប្រទេសណាចេញពីក្រុមឡើយ។ ​​​​           ក្រុមបណ្ដាប្រទេសឧស្សាហកម្ម G7 បានស្វាគមន៍ការគាំទ្ររបស់រុស្ស៊ីចំពោះ សេចក្តីសម្រេចអំពីការចាត់តាំងគណៈប្រតិភូនៃអង្គការសន្តិសុខនិងសហប្រ តិបត្តិការអឺរ៉ុប  (OSCE) មកត្រួតពិនិត្យស្ថានភាពនៅអ៊ុយក្រែន ព្រមទាំងអំពាវនាវ ដោះស្រាយវិបត្តិនៅអ៊ុយក្រែនដោយសន្តិវិធី។ តាមសេចក្តីថ្លែងការរួមរបស់កិច្ចប្រជុំ វិសាមាញ្ញរបស់ក្រុម G7 នាថ្ងៃទី ២៤ មិនា ដោយការធ្វើជាអធិបតីរបស់អាមេរិកនៅ ខាងក្រៅសន្និសីទកំពូលសន្តិសុខនុយក្លេអ៊ែរលើកទី ៣ នៅទីក្រុងឡាអេរ(ហូឡង់) បានឲ្យដឹងថា៖ គណៈកម្មាធិការអឺរ៉ុបនិងក្រុមប្រឹក្សាអឺរ៉ុបបានអំពានាវឲ្យរុស្ស៊ីស្វែង រកវិធានការដោះស្រាយវិបត្តិនៅអ៊ុយក្រែន ក៏ដូចជា នាំចេញជំហានជាបន្តសំរាប់ G7 ដើម្បីជួយឧប្ថម្ភប្រទេសអឺរ៉ុបខាងកើតនេះ។ ក្រៅពីការមិនទទួលស្គាល់លទ្ធផលនៃការបោះប្រជាមតិនៅឧបទ្វីប Crimea ក្រុម G7 នៅគំរាមបង្កើនទណ្ឌកម្មសេដ្ឋកិច្ចចំពោះរុស្ស៊ីផងដែរ។ ក្នុងក្របខ័ណ្ឌកិច្ចប្រជុំ ប្រធានក្រុមប្រឹក្សាអឺរ៉ុប លោក Herman Van Rompuy បានឲ្យដឹងថា៖ ថ្នាក់ដឹកនាំរបស់ G7 បានឯកភាពមិនចូលរួមសន្និសីទកំពូលរបស់ G8 (រួមមានបណ្ដាប្រទេស G7 និង រុស្ស៊ី) ដែលគ្រោងនឹងប្រព្រឹត្តទៅនៅទីក្រុង Sochi (រុស្ស៊ី) និងផ្លាស់ប្តូរទីកន្លែងរៀបចំ សន្និសីទ G7 នៅទីក្រុង Brussels របស់បែលហ្ស៊ីកនាខែមិថុនាខាងមុខ៕