នាយករដ្ឋមន្ត្រីវៀតណាមជួបសន្ទនាជាមួយប្រធានាធិបតីរុស្ស៊ី           (VOV)_ក្នុងក្របខ័ណ្ឌសន្និសីទជាន់ខ្ពស់ រំលឹកខួបអនុស្សាវរីយ៍លើកទី២០​ទិវា បង្កើតទំនាក់ទំនងសន្ទនាអាស៊ាន -រុស្ស៊ី តាមសេចក្ដីអញ្ជើញរបស់​ប្រធានា​ធិបតី​​រុស្ស៊ី  លោក Vladimir Putin នារសៀលថ្ងៃទី១៩ ឧសភា តាមម៉ោង Sochi (គឺយប់ថ្ងៃទី១៩ ឧសភាតាមម៉ោងហាណូយ) នាយករដ្ឋមន្ត្រីវៀតណាម លោក​ Nguyen Xuan Phuc  បានមានជំនួបសន្ទនាជាមួយប្រធានាធិបតីរុស្ស៊ី​ លោក  Vladimir Putin។           ប្រធានាធិបតី រុស្ស៊ីលោក Vladimir Putin បានវាយតំលៃខ្ពស់ចំពោះតួនាទី​ របស់​វៀតណាម ក្នុងតំបន់អាស៊ីអាគ្នេយ៍ និងអះអាងថា៖ វៀតណាមជានិច្ចកាល​ជា អាទិភាពមួយក្នុងចំណោមអាទិភាពកិច្ចការបរទេសរបស់រុស្ស៊ី នៅក្នុងតំបន់​អាស៊ី- ប៉ាស៊ីហ្វីក។ នាយករដ្ឋមន្ត្រី លោក Nguyen Xuan Phuc បានអោយដឹងថា៖​ វៀតណាម ត្រៀមខ្លួនជាស្រេច ជាស្ពានតភ្ជាប់ ដើម្បីអង្គភាពអាជីវកម្មរុស្ស៊ីបើក​ទូលាយសកម្ម ភាពនៅទីផ្សារប្រទេសនានា ក្នុងតំបន់អាស៊ីអាគ្នេយ៍និយាយរួម ​និងអាស៊ាននិយាយ ដោយឡែក​ ជាពិសេសគឺក្នុងសភាពការណ៍​ដែលវៀតណាម​ បាននិងកំពុងចុះហត្ថ លេខា ចូលរួមកិច្ចព្រមព្រៀងពាជ្ជកម្មសេរីជាច្រើនជាមួយប្រទេសនិងតំបន់ជាច្រើន។​           ថ្នាក់ដឹកនាំទាំងពីររូប បានឯកភាពបន្តរួមសហការជាមួយគ្នាអោយជិតស្និទ្ធិ ថែមទៀត និងយកចិត្តទុកដាក់ លើកកំពស់ប្រសិទ្ធិភាព កម្មវិធី និងគំរោងការណ៍ សហប្រតិបត្តិការស្នូល ពិសេសគឺក្នុងការផ្លាស់ប្តូរពាណិជ្ជកម្ម ប្រេងឧស្ម័ន និង​ទេសចរណ៍។            ពិភាក្សាអំពីបំរ៉ែបំរួលដ៏ស្មុគ្រស្មាញនាពេលថ្មីៗនេះនៅសមុទ្រខាងកើត​ ប្រធានាធិបតី លោក Vladimir Putin បានចែករំលែកថា៖ រុស្ស៊ីយក​ចិត្តទុក​ដាក់​ជា ច្រើនចំពោះសភាពការណ៍នៅអាស៊ីអាគ្នេយ៍និយាយរួម និងនៅសមុទ្រខាង​កើតនិ យាយដោយឡែក ហើយអះអាងនូវគោលជំហររបស់រុស្ស៊ីគឺ ត្រូវដោះ​ស្រាយជំលោះនៅ សមុទ្រខាងកើត ដោយសន្តិវិធី ផ្អែកទៅលើការគោរពច្បាប់​អន្តរជាតិ ពិសេសគឺ អនុសញ្ញាអង្គការសហប្រជាជាតិស្ដីអំពីច្បាប់សមុទ្រ ឆ្នាំ ​១៩៨២ (UNCLOS) អនុ វត្តគ្រប់គ្រាន់ និងប្រសិទ្ធិភាពសេចក្ដីថ្លែងការណ៍ ស្ដីអំពីប្រតិបត្តិរបស់ភាគីនានា នៅសមុទ្រខាងកើត គាំទ្រអាស៊ាននិងចិនរួមសហការកសាងក្រមប្រតិបត្តិនៅ សមុទ្រខាងកើត​៕