ប្រធានរដ្ឋសភាបានទទួលជួបសន្ទនាក្រុមការងារនៃធនាគារពិភពលោក (VNP)         Vovworld-នារសៀលថ្ងៃទី៩វិច្ឆិកានៅក្រុងហាណូយប្រធានរដ្ឋសភាវៀត​ណាមលោក Nguyen Sinh Hung បានទទួលជួបសន្ទនាក្រុមការងារនាយក​គ្រប់គ្រងនៃក្រុមប្រទេសមួយចំនួនក្នុងក្រុមធនាគារពិភពលោក (WB) ដឹកនាំ​ដោយ​លោក Rionald Silaban នាយកគ្រប់គ្រង WB នៅឥណ្ឌូនេស៊ី។ ប្រធាន​រដ្ឋសភា Nguyen Sinh Hung បានអះអាងថា ក្រោមការជួយឧបត្ថម្ភប្រកប​ដោយ​ប្រសិទ្ធិភាពរបស់ WB ក្នុងប៉ុន្មានឆ្នាំកន្លងទៅ វៀតណាមបានអនុវត្តប្រកបដោយ​ជោគជ័យគោលដៅសហសវត្សនៃអង្គការសហប្រជាជាតិនិងកំពុងអនុវត្តកម្មវិធី​អភិវឌ្ឍន៍និរន្តរភាពរបស់អង្គការសហប្រជាជាតិដែលទើបនឹងបានអនុម័តនៅ​មហាសន្និបាតអង្គការសហប្រជាជាតិនាខែកញ្ញាឆ្នាំ២០១៥កន្លងទៅ។         រីឯលោក​Rionald Silaban បានសង្កត់ធ្ងន់ថា គោលដៅនៃដំណើរ​ទស្សន​កិច្ច​នៅវៀតណាមលើកនេះគឺផ្ទៀងស្ដាប់យោបល់របស់ថ្នាក់ដឹកនាំបណ្ដាប្រទេសក្នុងដំបន់ក្នុងនោះមានវៀតណាមផងដើម្បីធ្វើជាមូលដ្ឋានសំរាប់ការរៀបចំកម្មវិធី​សកម្មភាពរបស់ WB នាពេលខាងមុខ។ ធនាគារពិភពលោកនឹងបន្តគាំទ្រនិងយក​ចិត្តទុកដាក់ជួយឧបត្ថម្ភវៀតណាមដំណើរការអភិវឌ្ឍន៍ដ៏និរន្តរភាព៕