អ្នកចូលរួមភាគច្រើន កាន់ទង់ជាតិអ៊ីរ៉ាក់ និងរូបភាពរបស់មេដឹកនាំឥស្លាមមួយចំនួន។ ពួកគេបានស្រែកពាក្យស្លោកអបអរសាទរជ័យជំនះ ខណៈកាន់ដៃគ្នារាំ។ នៅកន្លែងខ្លះ មនុស្សបានបាញ់កាំជ្រួចដើម្បីបង្ហាញពីការរំភើប។

មុននោះ ទាំងកងទ័ពអាមេរិក និងរដ្ឋាភិបាលអ៊ីរ៉ាក់បានគូសបញ្ជាក់ថា ទាហានអាមេរិកចុងក្រោយបានដកខ្លួនចេញពីអ៊ីរ៉ាក់នៅថ្ងៃទី ៣០ ខែកញ្ញា ដែលបញ្ចប់ទាំងស្រុងនូវវត្តមានយោធាអាមេរិករយៈពេល ២៣ ឆ្នាំនៅក្នុងប្រទេសឈូងសមុទ្រពែរ្ស។ រដ្ឋាភិបាលអ៊ីរ៉ាក់បានចាត់ទុកនេះជាទិវាអធិបតេយ្យភាពជាតិ ហើយបានសម្រេចចិត្តប្រារព្ធធ្វើពិធីអបអរសាទរជាផ្លូវការនៅថ្ងៃទី ១ ខែតុលា។

ទោះជាយ៉ាងណាក៏ដោយ ផ្ទុយពីការរំភើបរបស់រដ្ឋាភិបាល និងកម្លាំងជាច្រើនក្នុងស្រុក ផ្នែកមួយនៃប្រជាជនអ៊ីរ៉ាក់មានការព្រួយបារម្ភថា ការដែលអាមេរិកនិងសម្ព័ន្ធភាពយោធាដកទ័ពទាំងស្រុង នឹងបង្កឲ្យមានចន្លោះប្រហោងសន្តិសុខដ៏ធំមួយនៅក្នុងប្រទេសអ៊ីរ៉ាក់ ដែលអនុញ្ញាតឱ្យក្រុមប្រដាប់អាវុធគាំទ្រអ៊ីរ៉ង់ និងអង្គការភេរវកម្ម ជាពិសេសអង្គការរដ្ឋអ៊ីស្លាម (IS) ស្វ័យប្រកាស ងើបឡើងវិញ និងពង្រីកប្រតិបត្តិការ៕