ក្រសួងការពារជាតិសហរដ្ឋអាមេរិកបានឲ្យដឹងថា យន្តហោះដ្រូនមួយនេះ ដែលត្រូវបានកំណត់ជាយន្តហោះដ្រូនប្រភេទ Shahed កំពុងហោះហើរឆ្ពោះទៅកាន់នាវាផ្ទុកយន្តហោះ USS Abraham Lincoln ហើយត្រូវបានបាញ់ទម្លាក់ដោយយន្តហោះចម្បាំង F-35 Lightning II បន្ទាប់ពីខិតជិតនាវាផ្ទុកយន្តហោះ។ នៅថ្ងៃដដែលនោះ ទីភ្នាក់ងារសារព័ត៌មាន Tasnim របស់អ៊ីរ៉ង់បានរាយការណ៍ថា សញ្ញាទំនាក់ទំនងជាមួយយន្តហោះដ្រូនត្រូវបានបាត់បង់ ខណៈពេលដែលកំពុងប្រតិបត្តិការនៅក្នុងដែនទឹកអន្តរជាតិ ហើយមូលហេតុនៃការបាត់បង់សញ្ញាមិនទាន់ត្រូវបានកំណត់នៅឡើយទេ។ ប្រព័ន្ធផ្សព្វផ្សាយអ៊ីរ៉ង់កាលពីមុននោះ បានឲ្យដឹងថា យន្តហោះដ្រូន (UAV) នេះកំពុងស្ថិតនៅក្នុង "បេសកកម្មឃ្លាំមើល" ហើយមិនបញ្ជាក់ថា ត្រូវបានបាញ់ទម្លាក់នោះទេ។ ទោះជាយ៉ាងណាក៏ដោយ លេខាធិការសារព័ត៌មានសេតវិមាន លោកស្រី Karoline Leavitt បានឲ្យដឹងថា ការចរចារវាងទីក្រុងវ៉ាស៊ីនតោន និងទីក្រុងតេអេរ៉ង់នៅចុងសប្តាហ៍នេះ នឹងដំណើរការទៅតាមផែនការ។ អ៊ីរ៉ង់ត្រូវបានរំពឹងថា កំពុងស្នើឱ្យការចរចាជាមួយអាមេរិកនៅសប្តាហ៍នេះត្រូវបានធ្វើឡើងនៅប្រទេសអូម៉ង់ មិនមែននៅទួរគីឡើយ ហើយវិសាលភាពនៃការចរចាត្រូវបានកំណត់នៅត្រឹមបញ្ហានុយក្លេអ៊ែរទ្វេភាគីប៉ុណ្ណោះ៕