រដ្ឋមន្រ្តីការបរទេសរុស្ស៊ីលោក Sergei Lavrov ថ្លែងមតិនៅសន្និសីទរដ្ឋមន្ត្រីការបរទេសក្រុម​ G២០ នៅអាល្លឺម៉ង់នាថ្ងៃទី១៦ កុម្ភៈ (រូបថត៖EPA/TTXVN) (VOVworld) - នាថ្ងៃទី២០ កុម្ភៈ រដ្ឋមន្រ្តីការបរទេសរុស្ស៊ីលោក Sergei Lavrov បានលើកច្បាស់ថា រាល់ការចោទប្រកាន់អំពីតួនាទីរបស់ស្ថាប័នរដ្ឋរុស្ស៊ីក្នុង ឧបាយ កលធ្វើរដ្ឋប្រហារនៅម៉ុងតេណេហ្គ្រោកាលពីខែតុលាឆ្នាំ២០១៦ គឺមិនសមហេតុ សមផលទាំងស្រុងឡើយ។លោក Lavrov បានអំពាវនាវថា មិនគប្បីទំលាក់ទោសឲ្យ អ្នកដទៃ ប៉ុន្តែត្រូវស្វែងរកសេចក្ដីពិត។ នាថ្ងៃដដែល លេខាធិការសារព័ត៌មានរបស់ ប្រធានាធិបតីរុស្ស៊ីលោក Dmitry Peskov ក៏មានប្រតិកម្មយ៉ាងខ្លាំងក្លាចំពោះមុខ សេចក្ដីប្រកាសរបស់ប្រធានរដ្ឋ អាជ្ញាម៉ុងតេណេហ្គ្រោដែលចាត់ទុកថា ស្ថាប័នរដ្ឋ របស់រុស្ស៊ីជាប់ពាក់ព័ន្ធនឹង ឧបាយកលធ្វើឃាតនាយករដ្ឋមន្ត្រីលោក Milo Djukanovic សំដៅជួយភាគី ប្រឆាំងនៅម៉ុងតេណេហ្គ្រោឡើងកាន់អំណាច។តំណាង វិមានគ្រឹមឡាំងរូបនេះ អះអាងថា រុស្ស៊ីមិនដែលធ្វើអន្តរាគមន៍ទៅក្នុងកិច្ចការផ្ទៃក្នុង របស់ប្រទេសដទៃ ជាពិសេសគឺម៉ុងតេណេហ្គ្រោ ដែលជាប្រទេសមានទំនាក់ទំនង ដ៏ល្អប្រសើរ ជាមួយរុស្ស៊ី។ មជ្ឈដ្ឋានមន្ត្រីរុស្ស៊ីថ្លែងមតិដូច្នេះក្រោយពីកាសែត “Sunday Telegraph” របស់ អង់គ្លេសចុះផ្សាយថា មន្ត្រីម៉ុងតេណេហ្គ្រោជាច្រើនរូបជឿថារដ្ឋាភិបាលរុស្ស៊ីឈរ នៅពីក្រោយឧបាយកលធ្វើឃាតនាយករដ្ឋមន្ត្រីលោក Milo Djukanovic កាលពីខែ វិច្ឆិកាឆ្នាំ២០១៦៕