(VOVworld) – នារសៀលថ្ងៃទី ២៩ វិច្ឆិកា គណៈកម្មាធិការប្រជាជនខេត្ត Quang Ninh ភាគខាងជើងវៀតណាម ទីក្រុង Ha Long និងអគ្គនាយកដ្ឋានទេសចរណ៍ វៀតណាមបានរៀបចំសិក្ខាសាលា​ “ពង្រីកសក្តានុភាពទេសចរណ៍នៅឈូង សមុទ្រ  Ha Long” ។ នេះគឺជាកម្មវិធីមួយក្នុងចំណោមសកម្មភាពនៃសប្តាហ៍ ទេសចរណ៍នៅឈូងសមុទ្រ Ha Long ឆ្នាំ ២០១២សំរាប់ភ្ញៀវទេសចរណ៍អឺរ៉ុប ដែលប្រព្រឹត្តទៅចាប់ពីថ្ងៃទី ២៧ ដល់ទី​ ៣០ វិច្ឆិកា។ថ្លែងមតិនៅសិក្ខាសាលានេះ ប្រធានគណៈកម្មាធិការប្រជាជនខេត្ត Quang Ninh​ លោក Nguyen Van Doc បាន ចាត់ទុកថា៖ “ខេត្ត Quang Ninh បាននិងកំពុងបង្កលក្ខណៈងាយស្រួលដើម្បីវិនិយោគចូល មណ្ឌលលេងកំសាន្តនៅឈូងសមុទ្រ Ha Long ព្រមទាំង បង្កើនការងារគ្រប់គ្រង រដ្ឋក្នុងការដឹកជញ្ជូនភ្ញៀវទេសចរណ៍​ ដើម្បីនាំខេត្ត Quang Ninh ក្លាយទៅជា មណ្ឌលទេសចរណ៍គួរឲ្យទាក់ទាញ ក្នុងតំបន់និងលើសកលលោក៕”