ប្រធានរដ្ឋសភាវៀតណាម លោក  Nguyen Sinh Hung បានជួបសន្ទនាជាមួយប្រធានព្រឹទ្ធសភាអ៊ីតាលី លោក Pietro Grasso។ (Image: Vietnam+) (VOVworld) – ក្នុងក្របខ័ណ្ឌដំណើរទស្សនកិច្ចជាផ្លូវការនៅអ៊ីតាលី នាថ្ងៃទី ២០ មិនា ប្រធានរដ្ឋសភាវៀតណាម លោក Nguyen Sinh Hung បានជួបសន្ទនា​ជាមួយប្រធាន ព្រឹទ្ធសភាអ៊ីតាលី លោក Pietro Grasso។ ក្នុងជំនួបសន្ទនា ថ្នាក់ដឹកនាំទាំង ២ រូបបាន ចាត់ទុកថា៖ ទំនាក់ទំនងរវាងវៀតណាមនិងអ៊ីតាលីអភិវឌ្ឍន៍បានល្អប្រសើលើគ្រប់ វិស័យក្នុងរយៈពេលក​ន្លងមក ជាពិសេស បន្ទាប់ពី ប្រទេសទាំង ២ បានចុះហត្ថលេ ខាលើសេចក្តីថ្លែងការរួមអំពីការបង្កើតទំនាក់ទំ​នងដៃគូយុទ្ធសាស្ត្រវៀតណាម- អ៊ីតាលី នាខែមករាឆ្នាំ ២០១៣ ដែលបង្កើតក្របខ័ណ្ឌសហប្រតិបត្តិការដោយមាន យថាទស្សថ្មីជាច្រើន។ ប្រធានរដ្ឋសភាវៀតណាមបានស្នើឲ្យសភាអ៊ីតាលីជំរុញ សភាអឺរ៉ុបអនុម័តលើកិច្ចព្រមព្រៀងសហប្រតិបត្តិការដៃគូលើគ្រប់វិស័យវៀតណាម -EU (PCA) ដែលត្រូបានចុះហត្ថលេខា នាខែមិថុនាឆ្នាំ ២០១២ កន្លងមក គាំទ្រស ហភាពអឺរ៉ុប (EU) បញ្ចប់ការចរចារអំពី កិច្ចព្រមព្រៀងពាណិជ្ជកម្មសេរីវៀតណាម - EU (FTA) ក្នុងឆ្នាំ ២០១៤ យ៉ាងឆាប់ៗ។ រីឯខ្លួនវិញ ប្រធានព្រឹទ្ធសភាអ៊ីតាលី លោក Pietro Grasso បានគាំទ្រការបង្កើនទំនាក់ទំនងរវាងរដ្ឋសភានៃប្រទេសទាំង ២ ហើយអះអាងថា ៖ ព្រឹទ្ធសភានិងរដ្ឋសភាអ៊ីតាលីត្រៀមខ្លួនជាស្រេចក្នុងការជួយ ឧបត្ថម្ភរដ្ឋសភាវៀតណាមដើម្បីលើកកំពស់គុណភាពសមត្ថភាពនិងចែករំលែក បទពិសោធន៍ក្នុងសកម្មភាពនិតិបញ្ញត្តិ និងត្រួតពិនិត្យ។ ក្នុងឱកាសនេះដែរ ប្រធាន រដ្ឋសភា Nguyen Sinh Hung បានអញ្ជើញប្រធានព្រឹទ្ធសភាអ៊ីតាលី លោក Pietro Grasso ចូលរួមមហា សន្និបាតអន្តរសភាពិភពលោក  IPU លើកទី ១៣២ ដែលនឹងត្រូវបាន រៀបចំឡើង នាខែមិនាឆ្នាំ ២០១៥ នៅវៀតណាម។ ក្នុងជំនួបជាមួយកម្មាភិបាលបុគ្គលិកស្ថានទូតវៀតណាមប្រចាំនៅអ៊ីតាលីនិង អណិកជនវៀតណាមនៅទីនេះ ប្រធានរដ្ឋសភា Nguyen Sinh Hung បានរំលឹក អណិកជនវៀតណាមយកចិត្តទុកដាក់ដល់ការបង្រៀនកូនចៅភាសាវៀតណាម ដើម្បីរក្សាអត្តសញ្ញាណវប្បធម៌ប្រពៃណីសំរាប់ជនវៀតណាមនៅអ៊ីតាលី។ ប្រធាន រដ្ឋសភា Nguyen Sinh Hung បានលើកច្បាស់ថា៖ “ការរក្សាអភិរក្សភាសាវៀតណាមគឺលំបាកណាស់។ ប៉ុន្តែយើងប្តេជ្ញារក្សាភាសា វៀតណាមឲ្យកាន់តែបាន។ប្រសិនបើធ្វើមិនបានទេនោះនឹងជាគ្រោះថ្នាក់ដ៏ធ្ងន់ ធ្ងរសំរាប់ជនវៀតណាម នៅក្នុងនិងក្រៅប្រទេស។ ខ្ញុំមានគោលបំណងថា៖ អាណិកជនវៀតណាមនៅអ៊ីតាលីសាមគ្គីរួមដៃរក្សាអត្តសញ្ញាណប្រពៃណី របស់ជនជាតិវៀតណាម៕”