អនុប្រធានរដ្ឋសភាវៀតណាមលោក Uong Chu Luu (VOV)         Vovworld-ក្នុងរយៈពេល២ថ្ងៃគឺថ្ងៃទី៩និងទី១០ធ្នូ គណៈប្រតិភូរដ្ឋសភា​វៀត​ណាមដឹកនាំដោយអនុប្រធានលោក Uong Chu Luu បានទៅបំពេញ​ទស្សនកិច្ច នៅស៊ុយអែតសំដៅបង្កើនទំនាក់ទំនងមិត្តភាពនិងកិច្ចសហប្រតិបត្តិការទ្វេភាគី និងផ្លាស់ប្តូរបទពិសោធន៍រវាងរដ្ឋសភាទាំងពីរ។ ក្នុងពិធីទទួលជួបសន្ទនា​ជាមួយ​គណៈប្រតិភូរដ្ឋសភាវៀតណាម ប្រធានរដ្ឋសភាស៊ុយអែតលោក Per Westerberg បានសង្កត់ធ្ងន់ថា ប្រទេសទាំងពីរត្រូវបន្តបើកទូលាយទំនាក់ទំនងប្រាស្រ័យ​កិច្ច សហប្រតិបត្តិការសេដ្ឋកិច្ចនិងទេសចរណ៍​បង្កើនការផ្លាស់ប្តូរគណៈប្រតិភូ​ដើម្បី​សន្តិភាពមិត្តភាពនិងការអភិវឌ្ឍន៍ដ៏សម្បូររុងរឿងនៃប្រទេសនីមួយៗ។ រីឯអនុប្រធាន រដ្ឋ​សភា​វៀតណាមលោក Uong Chu Luu បានអះអាងថា វៀតណាមកសាងនីតិរដ្ឋ​និងខឿនសេដ្ឋកិច្ចទីផ្សារតាមទិសសង្គមនិយមគោរពសិទ្ធិមនុស្សសិទ្ធិពលរដ្ឋ។ អនុប្រធានរដ្ឋសភា Uong Chu Luu បានបញ្ជូនសេចក្តីអញ្ចើញរបស់ប្រធាន​រដ្ឋ​សភា​ វៀតណាមលោក Nguyen Sinh Hung ចំពោះប្រធានរដ្ឋសភាស៊ុយអែតមក​បំពេញ ទស្សនកិច្ចនៅវៀតណាមនិងចូលរួមមហាសន្និបាតអន្តរសភាពិភពលោក IPU លើកទី១៣២ដែលនឹងប្រព្រឹត្តទៅនៅវៀតណាមនាខែមិនាឆ្នាំ២០១៥។         ក្នុងឱកាសនេះដែរ គណៈប្រតិភូបានមកទស្សនានិងជួបសំណេះសំណាល​ជា មួយ​កម្មាភិបាលស្ថានទូតនិងជនវៀតណាមដែលកំពុងរស់នៅ​រៀនសូត្រនិងធ្វើការ នៅស៊ុយអែតផងដែរ៕