ឯកអគ្គរដ្ឋទូតវៀតណាមប្រចាំនៅជប៉ុនលោក Doan Xuan Hung (VOV)         Vovworld-មុននឹងដំណើរទស្សនកិច្ចថ្នាក់រដ្ឋរបស់ប្រធានរដ្ឋវៀតណាម​លោក Truong Tan Sang នៅជប៉ុន ឆ្លើយសម្ភាសអ្នកយកព័ត៌មាននៃវិទ្យុសម្លេង​វៀតណាម ប្រចាំនៅជប៉ុន ឯកអគ្គរដ្ឋទូតវៀតណាមប្រចាំនៅជប៉ុនលោក Doan Xuan Hung បានសង្កត់ធ្ងន់ថា នេះជាដំណើរទស្សនកិច្ចមានអត្ថន័យជាច្រើន ពីព្រោះនេះជា ដំណើរទស្សនកិច្ចថ្នាក់រដ្ឋដើមដំបូងរបស់បណ្ដាប្រទេសមកជប៉ុនក្នុងឆ្នាំ២០១៤។          “ទំនាក់ទំនងរវាងជប៉ុននិងវៀតណាមនាបច្ចុប្បន្នល្អប្រសើរ។ យើងកំពុង​ជំរុញទំនាក់ទំនងនេះលើគ្រប់ជ្រុងជ្រោយ ស៊ីជម្រៅជាងខ្លាំងក្លាជាង។ នោះគឺ​ទំនាក់ទំនងដៃគូរយុទ្ធសាស្ត្រនិងយើងជំរុញទំនាក់ទំនងនោះលើគ្រប់វិស័យជាង ជាមួយទស្សនវិស័យវែងឆ្ងាយជាង។”          វាយតំលៃអំពីយថាទស្សន៍កិច្ចសន្យា ODA របស់ជប៉ុនសំរាប់វៀត​ណាម​ក្នុងឆ្នាំ សារពើពន្ធ២០១៤ ឯកអគ្គរដ្ឋទូត Doan Xuan Hung បានចាត់ទុក​ថា៖          “ជប៉ុនជាអ្នកផ្ដល់ ODA ធំបំផុតសំរាប់វៀតណាមក្នុងច្រើនឆ្នាំកន្លងមកនិង​រដ្ឋាភិបាលជប៉ុនបន្តសន្យាផ្ដល់ ODA នៅកំរិតខ្ពស់សំរាប់វៀតណាមក្នុងរយៈ​ពេល​ ខាងមុខ។ នាពេលថ្មីៗនេះ រដ្ឋមន្ត្រី Dinh Tien Dung ទើបនឹងបានចុះ​ហត្ថលេខា​ជាមួយជប៉ុនកិច្ចព្រមព្រៀងចំនួន២រួមមានទប់ទល់នឹងបំរែបំរួល​អាកាសធាតុនិង លើកកំពស់សមត្ថភាពគ្រប់គ្រងក៏ដូចជាបង្កើនសមត្ថភាព​ប្រកួតប្រជែងសំរាប់ ខឿនសេដ្ឋកិច្ចវៀតណាម៕”