VOV បានចុះហត្ថលេខា លើកិច្ចព្រមព្រៀងសហប្រតិបត្តិការជាមួយវិទ្យាស្ថានផ្សាយសម្លេងនិងទូរទស្សន៍គុយបា។ (VOV)         VOV-គណៈប្រតិភូវិទ្យុសម្លេងវៀតណាម (VOV) ដឹកនាំដោយអគ្គនាយក​ លោក Nguyen Dang Tien នាថ្ងៃទី៩កញ្ញាបានចូលរួមពិធីបើកមហោស្រពផ្សាយ​ សម្លេង​និង​ទូរទស្សន៍គុយបាឆ្នាំ២០១៣នៅរដ្ឋធានី Havana។ ជាមួយប្រធានបទ “ការជះឥទ្ធិពល​របស់​វិទ្យុផ្សាយសម្លេងនិងទូរទស្សន៍រដ្ឋចំពោះសង្គម” មហោស្រព ​បានមានការចូលរួម​របស់សម្ព័ន្ធក្រុមហ៊ុនឃោសនាអន្តរជាតិនិងវិទ្យុផ្សាយសម្លេង ទូរទស្សន៍ចំនួន៤០របស់​គុយបា។         ក្នុងក្របខ័ណ្ឌមហោស្រពផ្សាយសម្លេងនិងទូរទស្សន៍លើកនេះ VOV បាន ចុះ​ហត្ថលេខា លើកិច្ចព្រមព្រៀងសហប្រតិបត្តិការជាមួយវិទ្យាស្ថានផ្សាយ សម្លេងនិង​ទូរទស្សន៍គុយបា។ ថ្លែងមតិនៅពីធីចុះហត្ថលេខា អគ្គនាយក VOV លោក Nguyen Dang Tien បានជឿជាក់ថា​កិច្ចព្រមព្រៀងដែលបានចុះហត្ថលេខា​ នឹង​ជួយបង្កើនទំនាក់​ទំនងសហប្រតិបត្តិការរវាងភាគីទាំងពីរក្នុងវិស័យផ្សាយ សម្លេង។ រីឯលោក Guillermo Pavon Pacheco អនុប្រធានវិទ្យាស្ថានផ្សាយសម្លេង​ ទូរទស្សន៍​គុយបា​បានចាត់​ទុកថា ការចុះហត្ថលេខាលើកិច្ចព្រមព្រៀង​ សហប្រតិបត្តិ​ការ​ជាសកម្មភាពមានអត្ថន័យ​បង្កើត​មូលដ្ឋានសំរាប់ភាគីទាំងពីរ បន្ត​នូវ​ទំនាក់ទំនងមិត្តភាពនិងកិច្ចសហប្រតិបត្តិការ​រវាង​ភាគី​ទាំងពីរ៕