មណ្ឌលទេសចរណ៍ជាតិ Tam Coc-Bich Dong នៅខេត្ត Ninh Binh ភាគខាងជើងវៀតណាម         VOV-មណ្ឌលទេសចរណ៍ Tam Coc-Bich Dong មានចម្ងាយពីក្រុង ហាណូយ​ប្រមាណ​​ជាង៩០គីឡូម៉ែត្រទៅទិសខាងត្បូង។ Tam Coc-Bich Dong ជាមណ្ឌល​ទេសចរណ៍មួយក្នុងចំណោមមណ្ឌលទេសចរណ៍សំខាន់ ចំនួន២១ ត្រូវបាន​អភិរក្ស​និង​ក៏បាននាយករដ្ឋមន្ត្រីរដ្ឋាភិបាលរៀបចំណាត់ថ្នាក់ជាមណ្ឌល កេរ៌្ត​ដំណែលជាតិ​ពិសេស​នាខែឧសភាឆ្នាំ២០១២។         មណ្ឌលទេសចរណ៍រម្មណីយដ្ឋាន Tam Coc-Bich Dong នៅបានស្គាល់ដល់​ ជាមួយ​ឈ្មោះ​ល្បីល្បាញដូចជាឈូងសមុទ្រ Ha Long លើគោក។ នេះជាប្រព័ន្ធ បណ្ដា​រូងភ្នំនិង​កេរ៌្ត​ដំណែលប្រវត្តិសាស្ត្រជំនឿតាមសង្ខាងទន្លេ Ngo Dong ដែល បានមានការទាក់ទិនដល់រាជកាលស្ដេច Tran។ បង Dinh Van Hoi អ្នក​មគ្គុទេស នៅ Tam Coc-Bich Dong បានឲ្យដឹងថា៖         “នៅសម័យរាជកាល ស្ដេច Tran វាលស្រែតាមសង្ខាងទន្លេនេះត្រូវបាន​ដាំ ពោត​ជាច្រើន ដូច្នេះប្រជាជនដំបន់បានហៅទន្លេនេះជាទន្លេ Ngo Dong។” ពេលទស្សនានៅ Tam Coc មធ្យោបាយធ្វើដំណើរតែមួយគត់គឺទូក។         ​ពេល​ទស្សនានៅ Tam Coc មធ្យោបាយធ្វើដំណើរតែមួយគត់គឺទូក។ បណ្ដា ភ្ញៀវ​ទេសចរណ៍អាច​ចូលរួម​ចែវទូកនិងគយគន់ទេសភាពនៅសង្ខាងទន្លេ Ngo Dong ដូចជារូងភ្នំ Thien Huong រូងភ្នំ Tien ជាដើម។ បងស្រី Thu Ha ភ្ញៀវទេសចរណ៍​មួយរូបបានថ្លែងថា៖         “ខ្ញុំទើបនឹងបានឆ្លងកាត់រូងភ្នំ Ca និងត្រូវបានលង់ខ្លួនទៅក្នុងបរិយាកាសមួយ ​ដ៏ល្អ​ឆើត​ឆាយ ក្នុងទឹកថ្លាយង់ សង្ខាងជាបណ្ដាវាលស្រែដ៏ខៀវស្រងាត់ ពីខាងលើ​ មើល​ចុះទៅក្រោមយើងអាចថតបានរូបថតដ៏ស្រស់ស្អាតនៅដំបន់នេះ។”         មកដល់ Tam Coc-Bich Dong ភ្ញៀវទេសចរណ៍អាចមានឱកាសស្វែងយល់​ប្រវត្តិសាស្ត្រវប្បធម៍ជំនឿសិល្បៈស្ថាប័ត្យកម្មនិងប្រព័ន្ធទីសក្ការៈបូជាវិហារវត្ត​ ពោពេញ​ទៅដោយអត្តសញ្ញាណវប្បធម៍រាជកាលស្ដេច Tran ពិសេសគឺវត្ត Bich Dong ស្ថិតនៅភ្នំ Ngu Nhac Son។ ជារៀងរាល់​ឆ្នាំវត្ត Bich Dong បាន​ទទួល​​ភ្ញៀវទេសចរណ៍ រាប់ម៉ឺននាក់និងពុទ្ធបរិស័ទក្នុងនិង​ក្រៅប្រទេសមកទស្សនា​និង​អុធធូប។