(VOVWORLD) -ລະຄອນຕຸກກະຕາ ແມ່ນໜຶ່ງໃນບັນດາປະເພດສິລະປະ ສະແດງບົນເວທີທີ່ດີເດັ່ນ ສະແດງໃຫ້ເຫັນພູມປັນຍາ, ຄວາມສະຫຼາດສະຫຼຽວ, ການປະດິດຄິດຂອງຊາວ ຫວຽດນາມ. ໃນຊຸມປີມໍ່ໆມານີ້ ລະຄອນຕຸກກະຕາ ຫວຽດນາມ ນັບມື້ໄດ້ຮັບການນິຍົມຊົມຊອບຈາກເພື່ອນມິດສາກົນ ຍ້ອນມີບັນດາຄຸນຄ່າທາງດ້ານສິລະປະ ທີ່ເປັນເອກະລັກສະເພາະ. ເພື່ອບັນລຸໄດ້ສິ່ງດັ່ງກ່າວ ແມ່ນຕ້ອງເວົ້າເຖິງ ບັນດາການອຸທິດສ່ວນຂອງບັນດານັກສິລະປິນ ລະຄອນຕຸກກະຕາ ຫວຽດນາມ ໃນນັ້ນມີນັກສິລະປິນປະຊາຊົນ  ຫວຽນຕ໊ຽນຢຸ໊ງ

(VOVWORLD) -ເມື່ອບໍ່ດົນມານີ້ ແຜນອະນຸລັກຮັກສາ ແລະ ພັດທະນາໝູ່ບ້ານອາຊີບເຮັດພາບສີຂັດມັນ ເຕືອງບິ່ງຫຽບ ທີ່ນະຄອນ ຖູເຢົ່າໂໝດ ແຂວງ ບິ່ງເຢືອງ ໄດ້ຮັບການອະນຸມັດ. ເຫດການນີ້ໄດ້ເປີດຄວາມຫວັງ ໃນການອະນຸລັກຮັກສາ ແລະ ພັດທະນາອາຊີບ ເຮັດພາບສີຂັດມັນ ເຕືອງບິ່ງຫຽບ  ເຊິ່ງແມ່ນມໍລະດົກວັດທະນະທຳບໍ່ເປັນວັດຖຸ ລະດັບຊາດ ແລະ ກໍ່ແມ່ນແຫ່ງເກັບຮັກສາຄຸນຄ່າວັດທະນະທຳອັນລ້ຳຄ່າ ເຊິ່ງພວມຢືນຢູ່ຕໍ່ໜ້າຄວາມສ່ຽງ ຖືກສູນຫາຍໄປ ຍ້ອນຂະບວນວິວັດແຫ່ງການຫັນເປັນຕົວເມືອງ.

(VOVWORLD) -ປຶ້ມບັນທຶກພາບ ກ່ຽວກັບວົງການນັກປະພັນວັນນະຄະດີ ນັກສິລະປິນ ຫວຽດນາມ ຂອງນັກຖ່າຍຮູບ ຮ່າເຕື່ອງ ແນະນຳຮູບຖ່າຍ 150 ແຜ່ນ ກ່ຽວກັບບັນດານັກປະພັນວັນນະຄະດີ ນັກສິລະປິນ, ນັກປັນຍາຊົນ ຜູ້ທີ່ມີຄວາມເກັ່ງກ້າສາມາດຂອງ ຫວຽດນາມ ໃນເຄິ່ງທ້າຍສະຕະວັດທີ 20 ຫາກໍ່ນຳສະເໜີຕົວຕໍ່ຜູ້ອ່ານ, ປຶ້ມຫົວນີ້ແມ່ນມີຄວາມໝາຍບໍ່ພຽງແຕ່ສຳລັບຜູ້ອ່ານເທົ່ານັ້ນ ຫາກຍັງມີຄວາມໝາຍສຳລັບນັກຖ່າຍຮູບເອງ ເມື່ອທ່ານໄດ້ສະເໜີຕົວປຶ້ມບັນທຶກພາບເປັນຄັ້ງທຳອິດ ໃນອາຍຸເກືອບ 80 ປີ

(VOVWORLD) -ດ້ວຍການສ້າງຕັ້ງ ແລະ ຂະຫຍາຍຕົວເປັນເວລາກວ່າ 322 ປີ, ດິນແດນ ຢາດິ້ງ - ໄຊງ່ອນ - ນະຄອນ ໂຮ່ຈີມິນ ພວມເກັບຮັກສາບັນດາສິ່ງທີ່ຍອດຍິ່ງ ທາງດ້ານມໍລະດົກວັດທະນະທຳຕົວເມືອງ ທີ່ອຸດົມສົມບູນ. ນີ້ແມ່ນທ່າໄດ້ປຽບຄວາມສາມາດບົ່ມຊ້ອນ ເພື່ອກໍ່ສ້າງ ແລະ ພັດທະນາບັນດາມໍລະດົກ ໃຫ້ກາຍເປັນຜະລິດຕະພັນທ່ອງທ່ຽວ ທີ່ເປັນເອກະລັກ; ປະກອບສ່ວນສຳຄັນເຂົ້າໃນການອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າ, ສີສັນວັດທະນະທຳສະເພາະຂອງນະຄອນ ໂຮ່ຈີມິນ

(VOVWORLD) -ເມື່ອເວົ້າເຖິງບັນດາໝູ່ບ້ານຜະລິດພາບພື້ນເມືອງຂອງ ຫວຽດນາມ ນັ້ນ, ແຂກທ່ອງທ່ຽວເຄີຍເຕື້ອງເຖິງພາບ ດົງໂຮ່ ໃນແຂວງ ບັກນິງ ຫຼື ພາບຮ່າງຈົ໊ງ ຢູ່ ຮ່າໂນ້ຍ, ແຕ່ມີບໍ່ເທົ່າໃດຄົນທີ່ຈະຮູ້ວ່າຢູ່ດິນແດນນະຄອນຫຼວງ ຮ່າໂນ້ຍ ກໍ່ຍັງມີພາບ ກີມຮວ່າງ ຢູ່ຕາແສງ ເວິນແກງ ເມືອງ ຮວ່າຍດຶກ. ຜ່ານການຜັນແປຂອງປະຫວັດສາດ, ພາບ ກີມຮວ່າງ ມີບາງຄັ້ງບາງຄາວຄິດວ່າຖືກຫຼົງລືມໄປ ແຕ່ປັດຈຸບັນດ້ວຍຄວາມຕັດສິນໃຈຮັກສາ ແລະ ຟື້ນຟູວັດທະນະທຳ ຂອງບ້ານເກີດເມືອງນອນ, ຊາວບ້ານ ເວິນແກງ ໄດ້ຟື້ນຟູພາບປະເພດທີ່ເປັນເອກະລັກນີ້

(VOVWORLD) -ໝູ່ບ້ານ ດົງໂມນ ຢູ່ຕາແສງ ຮວ່າບິ່ງ ເມືອງ ຖຸ໋ຍຫງວຽນ ນະຄອນ ຫ໋າຍຟ່ອງ ເປັນທີ່ຮູ້ຈັກກັນດີ ດ້ວຍອູ່ໃຫ້ກຳເນີດສິລະປະຂັບ ກາຈູ່ ເຂດແຄມທະເລພາກເໜືອ ຫວຽດນາມ. ຢູ່ແຫ່ງນີ້ບໍ່ພຽງແຕ່ມີຫໍບູຊາຜູ້ກໍ່ຕັ້ງອາຊີບຂັບ ກາຈູ່ ເທົ່ານັ້ນ ຫາກຍັງແມ່ນໝູ່ບ້ານຂັບ ກາຈູ່ ໃຫຍ່ໃນເຂດ ດ້ວຍບັນດານັກຮ້ອງທີ່ມີຊື່ສຽງ. ຕະຫຼອດສອງສະຕະວັດທີ່ຜ່ານມາຂັບ ກາຈູ່ ໄດ້ຊຶມເລິກເຂົ້າໃນເລືອດເນື້ອຂອງຊາວບ້ານ ດົງໂມນ

(VOVWORLD) -ງານ Festival ເຫວ້ ຄັ້ງທີ 11 ຈະຖືກຈັດຂຶ້ນແຕ່ວັນທີ 1 ຫາວັນທີ 6  ເມສາ ປີ 2020 ເຊິ່ງເປັນຂີດໝາຍໄລຍະທາງ 20 ປີນັບຕັ້ງແຕ່ການຈັດຕັ້ງງານ Festival ຄັ້ງທຳອິດ. Festival ຄັ້ງນີ້ຈະສືບຕໍ່ປ່ຽນແປງໃໝ່, ຍົກສູງຄຸນນະພາບທາງດ້ານສິລະປະກຳ, ມີຄວາມໃໝ່ອ່ຽມ, ດູດດື່ມ, ພິເສດແມ່ນລັກສະນະວົງຄະນາຍາດສູງ, ດຶງດູດມະຫາຊົນຢ່າງແຂງແຮງ

(VOVWORLD) -ບຸນປີໃໝ່ປະຈຳຊາດ ຫຼື ເອີ້ນວ່າບຸນເຕັດ ບໍ່ພຽງແຕ່ມີຄວາມໝາຍສຳຄັນສຳລັບຊາວ ຫວຽດນາມ ເທົ່ານັ້ນ ຫາກຍັງເຮັດໃຫ້ຊາວຕ່າງປະເທດຫຼາຍຄົນທີ່ພວມດຳລົງຊີວິດ ແລະ ເຮັດວຽກຢູ່ ຫວຽດນາມ ມີຄວາມປະທັບໃຈທີ່ສຸດ. ເຂົາເຈົ້າໄດ້ມີຊີວິດ ໃນບັນຍາກາດບຸນປີໃໝ່ປະຈຳຊາດຂອງຊາວ ຫວຽດນາມ, ໄດ້ຢູ່ໃນບັນຍາກາດຟົດຟື້ນມ່ວນຊື່ນໃນຊຸມວັນໃກ້ຈະຮອດບຸນເຕັດ ແລະ ພິເສດມີຄວາມຮູ້ສຶກເຖິງອາລົມຈິດຄວາມຮັກແພງ ຂອງທຸກໆຄົນໃນຄອບຄົວ ໃນຊຸມວັນຕົ້ນລະດູບານໃໝ່.  

(VOVWORLD) -ໃນໄລຍະທີ່ຜ່ານມາ, ແຂວງ ດັກລັກ ໄດ້ເປີດຊຸດຮຽນຕີຄ້ອງໃຫ້ແກ່ນັກຮຽນນັກສຶກສາ ຊົນເຜົ່າສ່ວນໜ້ອຍ ໃນບັນດາໂຮງຮຽນ. ການເຄື່ອນໄຫວນີ້ ຖືກພວກນ້ອງນັກຮຽນ, ນັກສຶກສາຕອບສະໜອງຢ່າງສຸດໃຈ ເພາະວ່າໄດ້ຊ່ວຍໃຫ້ພວກນ້ອງມີໂອກາດໄດ້ຕີຄ້ອງ, ມຸ່ງໄປສູ່ບັນດາຄຸນຄ່າກົກເຄົ້າເຫງົ້າກໍ. ຊຸດຮຽນຕີຄ້ອງຊຸດທຳອິດ ໄດ້ຖືກເປີດຢູ່ມະຫາວິທະຍາໄລ ເຕິຍງວຽນ ອັນໄດ້ຊ່ວຍໃຫ້ນັກສຶກສາຫຼາຍຄົນ ໄດ້ສຳຜັດກັບວັດທະນະທຳຄ້ອງ, ປຸກລຸກຄວາມຊົມຊອບໃນໝູ່ນັກສຶກສາ

(VOVWORLD) -ການອະນຸລັກຮັກສາ ແລະ ເສີມຂະຫບາຍຄຸນຄ່າມໍລະດົກ  ແມ່ນໜຶ່ງໃນບັນດາ ການເຄື່ອນໄຫວ ຕິດພັນກັບການປົກປັກຮັກສາ ແລະ ເສີມຂະຫຍາຍສີສັນຊາດ, ສ້າງການພັດທະນາໃນອະນະຄົດຂອງແຕ່ລະຊົນເຜົ່າ ຈາກບັນດາສາຍສຳພັນພິເສດສະເພາະ ໃນອະດີດຕະການ ແລະ ໃນປັດຈຸບັນ. ໃນໄລຍະທີ່ຜ່ານມາ Unesco ຍາມໃດກໍ່ຮ່ວມເດີນທາງພ້ອມກັບ ຫວຽດນາມ ໃນການຮັກສາອະນຸລັກ ແລະ ເສີມຂະຫຍາຍບັນດາຄຸນຄ່າມໍລະດົກນີ້

(VOVWORLD) -ຮ່າໂນ້ຍໄດ້ຮັບກຽດກາຍເປັນໜຶ່ງໃນຈຳນວນ 246 ນະຄອນ ທີ່ໄດ້ເຂົ້າເປັນສະມາຊິກເຄືອຂ່າຍ ນະຄອນປະດິດຄິດສ້າງຂອງອົງການ Unesco. ນີ້ແມ່ນບາດກ້າວເດີນທຳອິດທີ່ມີຄວາມໝາຍສຳຄັນ ໃນການກຳນົດທີ່ຕັ້ງຂອງເຄື່ອງໝາຍ, ໂຄສະນາພາບພົດໃນທຸກໆຂົງເຂດປະດິດຄິດສ້າງວັດທະນະທຳ. ເພື່ອບັນລຸໄດ້ສິ່ງດັ່ງກ່າວ, ນະຄອນໄດ້ສ້າງບັນດາໂຄງການເຄື່ອນໄຫວລະອຽດ ແນໃສ່ຊຸກຍູ້ຄວາມສາມາດບົ່ມຊ້ອນ ທ່າແຮງ ຂອງຄຸນຄ່າທີ່ມີນັບ 1.000 ປີແຫ່ງນະຄອນຫຼວງ

(VOVWORLD) -ຂັບແທນແມ່ນປະເພດສິລະປະການເຫຼື້ອມໃສພື້ນເມືອງ ທີ່ມີມາແຕ່ດົນນານ ຂອງບັນດາເຜົ່າໄຕ, ເຜົ່ານຸ່ງ, ຜູ້ໄທຢູ່ ຫວຽດນາມ. ສິລະປະຂັບແທນຫາກໍ່ຖືກອົງການ Unesco ຈັດເຂົ້າໃນບັນຊີລາຍຊື່ມໍລະດົກວັດທະນະທຳບໍ່ເປັນວັດຖຸ ເປັນຕົວແທນຂອງມວນມະນຸດ. ນີ້ແມ່ນຄວາມເປັນກຽດ ແລະ ເປັນຄວາມເອກອ້າງທະນົງໃຈ ເພາະວ່າ ວົງຄະນາຍາດເຜົ່າໄຕ, ເຜົ່ານຸ່ງ, ໄທດຳ, ພິເສດແມ່ນບັນດານັກສິລະປະການພື້ນເມືອງ ເພີ່ມຄວາມຮັບຜິດຊອບໃນການຮັກສາ ແລະ ແຜ່ຂະຫຍາຍຄວາມງາມຂອງປະເພດສິລະປະວັດທະນະທຳພື້ນເມືອງນີ້