(VOVWORLD) - ໂລກລະບາດ ໂຄວິດ 19 ສົ່ງຜົນສະທ້ອນໂດຍກົງ ແລະ ຫນັກຫນ່ວງເຖິງຂະແຫນງທ່ອງທ່ຽວສາກົນ ແລະ ຫວຽດນາມ. ເມື່ອປະເທດຊາດກັບຄືນສູ່ໄລຍະເປັນປົກກະຕິຄືນໃຫມ່ ພາຍຫລັງໂລກລະບາດ, ຂະແຫນງທ່ອງທ່ຽວຫວຽດນາມ ໄດ້ມີບັນດາມາດຕະການກະຕຸ້ນຄວາມຕ້ອງການເພື່ອແນໃສ່ຟື້ນຟູຂະແຫນງທ່ອງທ່ຽວພາຍໃນປະເທດ, ແກ້ໄຂຄວາມຫຍຸ້ງຍາກໃຫ້ແກ່ບັນດາວິສາຫະກິດທ່ອງທ່ຽວ ພ້ອມທັງຂຶ້ນແຜນການຕ້ອນຮັບນັກທ່ອງທ່ຽວສາກົນ.

(VOVWORLD) - ພາຍຫລັງຄວບຄຸມໂລກລະບາດໂຄວິດ-19 ໄດ້ໂດຍພື້ນຖານແລ້ວ, ຫວຽດນານ ກໍ່ພວມຕັ້ງຫນ້າເລີ່ມຟື້ນຟູພື້ນຖານເສດຖະກິດຄືນໃຫມ່. ຕາມບັນດານັກຊ່ຽວຊານແລ້ວ, ນີ້ແມ່ນກາລະໂອກາດເພື່ອໃຫ້ບັນດາວິສາຫະກິດຫວຽດນາມ ຊຸກຍູ້ການຜະລິດດຳເນີນທຸລະກິດ. ພິເສດ ໃນສະພາບການສົ່ງອອກພວມປະສົບກັບຄວາມຫຍຸ້ງຍາກຫລາຍຢ່າງ ຍ້ອນການຜັນແປ ຂອງໂລກລະບາດໃນໂລກຍັງສັບສົນ, ຕະຫລາດພາຍໃນປະເທດ ດ້ວຍພົນລະເມືອງເກືອບ 100 ລ້ານຄົນ ໄດ້ຮັບຖືວ່າແມ່ນສະຖານທີ່ເຕັມໄປດ້ວຍຄວາມສາມາດບົ່ມຊ້ອນເພື່ອໃຫ້ບັນດາວິສາຫະກິດສຸມໃສ່ຂຸດຄົ້ນ, ຜ່ານຜ່າຄວາມຫຍຸ້ງຍາກ ແລະ ບືນຕົວຂຶ້ນພາຍຫລັງໂລກລະບາດໂຄວິດ 19.

(VOVWORLD) - ໄຕມາດ 1 ປີນີ້, ນະຄອນ ດາຫນັງ ໄດ້ເລີ່ມລົງມືກໍ່ສ້າງສິບໆໂຄງການ, ໃນນັ້ນ ມີບັນດາໂຄງການຈຸດສຸມ. ໄລ່ຮອດກາງເດືອນ ເມສາ, ບັນດາຫົວຫນ່ວຍໄດ້ປ່ອຍເງິນເກືອບ 680 ລ້ານ USD, ບັນລຸ 13% ແຜນການທີ່ວາງອອກໃຫ້ທັງປີ. ໝາກຜົນການປ່ອຍເງິນລົງທຶນໄຕມາດ 1 ປີນີ້ ເພີ່ມຂຶ້ນທົບ 3 ເທົ່າເມື່ອທຽບໃສ່ໄລຍະດຽວກັນຂອງປີ 2019. ໃນສະພາບການເສດຖະກິດປະສົບກັບຄວາມຫຍຸ້ງຍາກ ຍ້ອນຜົນສະທ້ອນຈາກໂລກລະບາດໂຄວິດ 19, ນະຄອນ ດາຫນັງ ກຳນົດຈະຍູ້ແຮງຄວາມຄືບຫນ້າການລົງທຶນ ຂອງລັດເພື່ອສ້າງກຳລັງຫນູນພັດທະນາ, ແກ້ໄຂວຽກເຮັດງານທຳ.

(VOVWORLD) - ການສົ່ງອອກຜະລິດຕະພັນກະເສດຂອງຫວຽດນາມ ພວມປະສົບກັບຄວາມຫຍຸ້ງຍາກຫລາຍຢ່າງ ຍ້ອນໂລກລະບາດໂຄວິດ 19. ເພື່ອແກ້ໄຂຄວາມຫຍຸ້ງຍາກກ່ຽວກັບການຈຳຫນ່າຍຜະລິດຕະພັນກະເສດ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ໄດ້ພ້ອມກັບບັນດາຫົວຫນ່ວຍກ່ຽວຂ້ອງ ແລະ ວິສາຫະກິດ ຕັ້ງຫນ້າ ກຳແຫນ້ນສະພາບການຜັນແປຂອງຕະຫລາດ ແລະ ແຈ້ງຂໍ້ມູນຢ່າງທັນການເຖິງບັນດາທ້ອງຖິ່ນ ແລະ ສະຫະສະມາຄົມຂະແຫນງສິນຄ້າເພື່ອຊອກຫາສົ້ນອອກໃຫ້ຜະລິດຕະພັນກະເສດ.