( ງານມະໂຫລານບັນດາວິສາຫະກິດ ຮົ່ງຫວ່າງ (ມັງກອນຄຳ) ຄັ້ງທີ XI )
(vovworld) - ງານມະໂຫລານບັນດາວິສາຫະກິດ ຮົ່ງຫວ່າງ (ມັງກອນຄຳ) ຄັ້ງທີ XI ແລະ ເຄື່ອງໝາຍການຄ້າທີ່ດີເດັ່ນຄັ້ງທີ VIII ຖືກຈັດຂຶ້ນໃນວັນທີ 3/3 ຢູ່ ຮ່າໂນ້ຍ. ນີ້ແມ່ນປີທຳອິດທີ່ງານມະໂຫລານປະຈຳປີດັ່ງກ່າວມີການເຂົ້າຮ່ວມຂອງ ວິສາຫະກິດ 160 ແຫ່ງ, ເຊິ່ງລວມມີ 70 ວິສາຫະກິດມັງກອນຄຳທີ່ມີເງິນລົງທຶນໂດຍກົງຈາກຕ່າງປະເທດ, ແລະ 90 ວິສາຫະກິດທີ່ມີເຄື່ອງໝາຍການຄ້າທີ່ດີເດັ່ນຂອງຫວຽດນາມ ພ້ອມກັບວິສາຫະກິດທັງຢູ່ພາຍໃນ ແລະ ຕ່າງປະເທດ ທີ່ພວມເຄື່ອນໄຫວທຳການຜະລິດຢູ່ຫວຽດນາມ. ງານມະໂຫລານໂດຍໜັງສືພິມເສດຖະກິດທາຍຫວຽດນາມຈັດຕັ້ງຂຶ້ນ, ເພື່ອຮັບຮູ້ການປະກອບສ່ວນຂອງບັນດາວິສາຫະກິດ FDI ຢູ່ຫວຽດນາມ ໃນການປະກອບສ່ວນຍູ້ແຮງຂະບວນວິວັດແຫ່ງການເຊື່ອມໂຍງ ແລະ ພັດທະນາພື້ນຖານເສດຖະກິດຂອງປະເທດຊາດ. ບັນດາວິສາຫະກິດ ມັງກອນຄຳ ໄດ້ປະກອບສ່ວນບໍ່ໜ້ອຍ ໃນການຫັນປ່ຽນອົງປະກອບເສດຖະກິດ, ແລະ ຍົກສູງຄວາມສາມາດຜະລິດອຸດສາຫະກຳ.
