(vovworld) - ຕອນເຊົ້າວັນທີ 10/2 ຢູ່ ຮ່າໂນ້ຍ, ທ່ານ ຫງວຽນວັນບິ່ນ, ຜູ້ວ່າການທະນາຄານແຫ່ງລັດ ຕາງຫນ້າໃຫ້ລັດຖະບານ ຫວຽດນາມ ແລະ ທ່ານ Stephen P Groff ຮອງປະທານທະນາຄານພັດທະນາ ອາຊີ (ADB) ໄດ້ລົງນາມໃນສັນຍາບ້ວງເງິນກູ້ຢືມທຳອິດ ລວມມູນຄ່າເກືອບ 121 ລ້ານ USD ໃຫ້ແກ່ໂຄງການລົງທຶນຕາຫນ່າງໄຟຟ້າ ມີຍອດມູນຄ່າ 730 ລ້ານ USD ເພື່ອຍົກລະດັບຕາຫນ່າງໄຟຟ້າແຫ່ງຊາດ ປັບປຸງເລື່ອງສະຫນອງ ແລະ ຕອບສະຫນອງຄວາມຕ້ອງການນຳໃຊ້ໄຟຟ້າ ຜະລິດອຸດສາຫະກຳຂອງຫວຽດນາມ. ບ້ວງເງິນໄດ້ຮັບການປະຕິບັດໃນເວລາ 3 ປີ ແລະ ເລີ່ມຕົ້ນນັບແຕ່ປີ 2012. ບ້ວງເງິນນີ້ ຈະຫນູນຊ່ວຍກໍ່ສ້າງສາຍສົ່ງໄຟຟ້າ 500 kV ມີຄວາມຍາວເກືອບ 650 ກິໂລແມດ ແລະ ສາຍສົ່ງໄຟຟ້າ 220 kV ມີຄວາມຍາວກວ່າ 100 ກິໂລແມດ ຢູ່ ທ້ອງຖິ່ນຈຳນວນຫນຶ່ງ. ຄຽງຂ້າງນັ້ນ ໂຄງການຍັງປະກອບສ່ວນຍົກສູງກຳລັງຄວາມສາມາດການຄຸ້ມຄອງ, ບໍລິຫານບັນດາການເຄື່ອນໄຫວກຳນົດການລົງທຶນ, ການເງິນຢ່າງມີປະສິດທິຜົນ ແລະ ໝັ້ນຄົງ.
