ການປ່ອນບັດຢູ່ລີບີ
(ພາບ:vnexpress.net)
( vovworld ) – ວັນທີ 20/2, ປະຊາຊົນນະຄອນ Misrata ຊື່ງແມ່ນນະຄອນໃຫ່ຍອັນດັບ 3 ຂອງ Libi ໄດ້ໄປປ່ອນບັດເລືອກຕັ້ງບັນດາສະມາຊິກສະພານະຄອນ. ນີ້ແມ່ນການເລືອກຕັ້ງຢູ່ທ້ອງຖິ່ນຄັ້ງທຳອິດຢູ່ Libi ນັບແຕ່ລະບອບຂອງການນຳ Moammer Gaddphi ຖືກໂຄ່ນລົ້ມ. ປະຊາຊົນນະຄອນ Misrata ໄດ້ປ່ອນບັດເລືອກຕັ້ງສະມາຊິກສະພານະຄອນ 28 ທ່ານ ຊື່ງແມ່ນຜູ້ທີ່ຮັບຜິດຊອບໜ້າທີ່ອັນຫຍູ້ງຍາກຄືສ້າງສານະຄອນທີ່ມີພົນລະເມືອງກ່ວາ 300.000 ຄົນນີ້ຄືນໃໝ່. ສຳລັບປະຊາຊົນນະຄອນ Misrata ແລ້ວ, ນີ້ແມ່ນຈຸດເວລາເລີ່ມຕົ້ນໃຫ້ແກ່ຊີວິດໃໝ່, ເຂົາເຈົ້າເຊື່ອໝັ້ນວ່າ ບັນດາການເລືອກຕັ້ງຄືຄັ້ງນີ້ ແມ່ນຂີດໝາຍສຳຄັນຂອງສະໄຫມຫລັງ Gaddphi. Misrata ແມ່ນສະໜາມຮົບໃຫ່ຍ ແລະດຸເດືອດກ່ວາໝູ່ຢູ່ Libi ໃນຕະຫຼອດໄລຍະເວລາເກືອບ 1 ປີເກີດການຜັນແປ່ດ້ານການເມືອງຢູ່ປະເທດອາຟຼິກກາເໜືອນີ້. ແມ່ນກຳແພງຂອງກຳລັງລຸກຮຶ້ຂຶ້ນຕ້ານອຳນາດການປົກຄອງ Gaddphi ຢູ່ທາງທິດຕາເວັນຕົກ Libi, Misrata ຖືກທຳລາຍຢ່າງໜັກໜ່ວງ ພາຍຫຼັງການປະທະກັນຄັ້ງຕ່າງໆລະຫວ່າງສອງຝ່າຍຄັດຄ້ານ ແລະສະໜັບສະໜູນທ່ານ Gaddphi.
