 ບັນດາຄູອາຈານຄວ້າໄດ້ລາງວັນ(ພາບ: ສະຖານທູດ ໄທ ປະຈຳ ຫວຽດນາມ)
|
ກ່ອນນີ້ໜຶ່ງທົດສະວັດ,ປີ 2014, ໄດ້ປະກົດມີລາງວັນອັນສູງສົ່ງຢູ່ ໄທ, ເພື່ອບໍ່ພຽງແຕ່ເຊີດຊູບັນດາຄູອາຈານດີເດັ່ນເທົ່ານັ້ນ, ຫາກຍັງມີພາລະໜ້າທີ່ເຊື່ອມຕໍ່ ແລະ ແຜ່ຂະຫຍາຍບັນດາຄຸນຄ່າອັນດີງາມໃນການສຶກສາຢູ່ທົ່ວພາກພື້ນອີກດ້ວຍ. ນັ້ນແມ່ນລາງວັນສົມເດັດເຈົ້າຟ້າມະຫາຈັກກຣີ (Princess Maha Chakri Award - PMCA), ທີ່ໄດ້ຮັບການສ້າງຕັ້ງຂຶ້ນເພື່ອສະເຫຼີມສະຫຼອງວັນເກີດຂອງສົມເດັດພະອົງເຈົ້າ ມະຫາຈັກກຣີ ສີຣິນທອນ ຄົບຮອບ 60 ປີ ໃນປີ 2015. ມື້ນີ້, ພວກເຮົາພ້ອມກັນຫວນຄືນໄລຍະທາງ 10 ປີຂອງລາງວັນດັ່ງກ່າວ.
PMCA ດ້ວຍຄວາມຫວັງສ້າງເປັນລາງວັນສາກົນທີ່ສະຫງວນໃຫ້ແກ່ຄູອາຈານ. ໃນເບື້ອງຕົ້ນ, ລາງວັນໄດ້ສຸມໃສ່ 10 ປະເທດສະມາຊິກ ອາຊຽນ, ລວມມີ: ບຣູໄນ, ກຳປູເຈຍ, ອິນໂດເນເຊຍ, ລາວ, ມາເລເຊຍ, ມຽນມາ, ຟີລິບປິນ, ສິງກະໂປ, ໄທ ແລະ ຫວຽດນາມ. ນອກນັ້ນ, ຍັງມີ ຕີມໍເລດສະເຕ, ເຖິງວ່າ ເວລານັ້ນຍັງບໍ່ທັນເປັນສະມາຊິກຂອງ ອາຊຽນ , ແຕ່ຍ້ອນ ຢາກນຳປະເທດນີ້ເຊື່ອມໂຍງເຂົ້າກັບອາຊຽນ. ທ່ານ ປອ ກຣິດສະນະພົງ ກິດຕິກອນ, ປະທານມູນນິທິ PMCA, ໃຫ້ຮູ້ວ່າ:
(ທ່ານ ປອ ກຣິດສະນະພົງ ກິດຕິກອນ, ປະທານມູນນິທິ PMCA)
ສຳລັບບັນດາຄູອາຈານທີ່ໄດ້ຮັບລາງວັນ, ເຂົາເຈົ້າຈະມີໂອກາດເຂົ້າຮ່ວມບັນດາລາຍການເປັນຄູ່ຮ່ວມມືກັບໂຮງຮຽນ, ຄື: ໂຮງຮຽນຂອງຄູຜູ້ໜຶ່ງທີ່ໄດ້ຮັບລາງວັນ ຢູ່ ລາວກາຍ (ຫວຽດນາມ) ໄດ້ຮັບການສົ່ງເສີມໃຫ້ຮ່ວມມືກັບໂຮງຮຽນໜຶ່ງຢູ່ ມາເລເຊຍ, ໂຮງຮຽນ ອຸດອນ ພິທະຍານຸກຸນ (ໄທ) ແລະ ໂຮງຮຽນມັດທະຍົມສົມບູນ ປ່ອງຄຳ (ຫຼວງພະບາງ, ລາວ) ເພື່ອແລກປ່ຽນບົດຮຽນໃນການຮ່ຳຮຽນຂອງນັກຮຽນ ດ້ວຍຫົວຂໍ້ “ມໍລະດົກວັດທະນະທຳບໍ່ເປັນວັດຖຸ”. ເອື້ອຍຄູ ຮ່າແອັງເຟື້ອງ ແມ່ນຄູອາຈານຍາດໄດ້ລາງວັນ PMCA ໃນປີ 2021, ຜູ້ທີ່ໄດ້ນຳເອົາຫຼາຍສິ່ງຫຼາຍຢ່າງຈາກໂລກມາສູ່ໂຮງຮຽນເຂດພູດອຍ ເຮືອງເກິ່ນ, ຝູເຖາະ, ໃຫ້ຮູ້ວ່າ:
“ການມີໜ້າ ແລະ ໜູນຊ່ວຍຂອງບັນດາອົງການຈັດຕັ້ງສາກົນຄື ມູນນິທິ ສົມເດັດເຈົ້າຟ້າມະຫາຈັກກຣີ ໄທ ໄດ້ສວມບົດບາດສຳຄັນທີ່ສຸດໃນການເພີ່ມກຳລັງໜູນ ແລະ ສົ່ງເສີມຈິດໃຈປະດິດຄິດສ້າງຂອງຄູອາຈານ, ພິເສດແມ່ນຄູອາຈານໜຸ່ມ. ມູນນິທິ ສົມເດັດເຈົ້າຟ້າມະຫາຈັກກຣີ ໄທ ຍັງສ້າງເຄືອຂ່າຍເຊື່ອມຕໍ່ຢ່າງກວ້າງຂວາງ, ຊ່ວຍໃຫ້ຄູອາຈານໄດ້ຮ່ຳຮຽນຖອດຖອນບົດຮຽນຈາກບັນດາປະເທດ ອາຊຽນ”.
ມູນນິທິ PMCA ຍັງເປັນເຈົ້າການເຊື່ອມຕໍ່ຊ່ວຍໃຫ້ບັນດາຄູອາຈານມີຜົນສະທ້ອນຫຼາຍກວ່າ, ກາຍເປັນບັນດາແຫຼ່ງກຳລັງສຳຄັນໃນການສ້າງຫຼັກສູດການສອນໃຫ້ແກ່ປະເທດຂອງເຂົາເຈົ້າ. ຄູ ຫງວຽນແມ້ງຮຸ່ງ, ຮອງອຳນວຍການໂຮງຮຽນມັດທະຍົມຕອນປາຍລົງເລິກວິຊາ ຮ່ວາງວັນທຸ, ຮ່ວາບິ່ງ (ປະຈຸບັນແມ່ນແຂວງ ຝູເຖາະໃໝ່), ຜູ້ຍາດໄດ້ລາງວັນ PMCA ປີ 2023, ແບ່ງປັນວ່າ:
“ປີຜ່ານມາ, ຂ້າພະເຈົ້າໄດ້ນຳເອົາ ຮູບແບບການຄົງຊີບສ່ວນໜຶ່ງໄປປະເທດ ໄທ ເພື່ອສະເໜີຢູ່ທີ່ນັ້ນ, ເຮັດໃຫ້ມັນກາຍເປັນການລະຫຼິ້ນທີ່ມ່ວນຊື່ນ ແລະ ມີຄວາມໝາຍ, ອັນໄດ້ຮັບການຕີລາຄາສູງຈາກເພື່ອນ ໄທ. ຂ້າພະເຈົ້າເຫັນວ່າ,ນັກຮຽນໃນປະຈຸບັນຮຽນເກັ່ງຫຼາຍ. ແຕ່ບັນດາທັກສະເພື່ອຄົງຕົວ ແລະ ຜ່ານຜ່າຄວາມຫຍຸ້ງຍາກ, ໄພທຳມະຊາດ, ຄື: ການປະຖົມພະຍາບານ ຫຼື ການປ້ອງກັນຕ້ານອັກຄີໄພ, ທັກສະກູ້ເອົາຊີວິດໃຫ້ຢູ່ລອດໃນເງື່ອນໄຂໄພທຳມະຊາດ, ນ້ຳແກ່ງຖ້ວມ ແມ່ນຍັງບໍ່ທັນໄດ້ດີ”.
ພາຍຫຼັງໄລຍະ 10 ປີ, ລາງວັນໄດ້ຂະຫຍາຍອອກສູ່ ພູຖານ, ບັງກະລາເທດ ແລະ ມົງໂກນ, ຍົກຈຳນວນປະເທດທີ່ເຂົ້າຮ່ວມຂຶ້ນເປັນ 14 ປະເທດ. PMCA ປາດຖະໜາຢາກພ້ອມກັບ 14 ປະເທດນັ້ນ ສ້າງເປັນກຸ່ມເອກະພາບດ້ວຍແຜນການສ້າງຕັ້ງສະຖາບັນຄູອາຈານ PMCA, ເປັນແຫ່ງສຶກສາບໍ່ມີພົມແດນ, ມຸ່ງໄປເຖິງອະນາຄົດແຫ່ງການສຶກສາຮອບດ້ານ ແລະ ເຊື່ອມໂຍງ.
